Titus 3:1 - Nouveau Testament en Ngienboum

¹ Tè cʉ́’ pʉ̀a Ssé lege ngie pɔ́ gẅiin lé jú’ ncwò pà sá’ ngwòŋ, ńgÿo mmó gie pɔ́ ne ńzɛ́te, ḿbiŋ ńnéŋe ńtyé pɔ́ légÿo pɔ́ menò mie ée mbòŋ.

Titus 3:1 Referans Kwoze

Matio 22:21

Pɔ́ tsɔ́’ɔ mbwó yé ngie: Ée we Kása, lezíŋ gíŋ ńgwɔ́ pɔ́ sé. Yěsô leen ńké ńgɔɔn né pɔ́b ngie: Á lɔɔn ńgwɔ́ pú’u, pi náa mmó gie áa yé Kása á mbwó Kása, ńnáa yé Ssé á mbwó Ssé.

Heber 13:21

Á poŋ ngie e Ssé mbʉ́lè ŋwɛ́, à gÿo pi ku’u légÿo nò mbòŋo légwɔ́ gie pi ge gÿo pɔ́ mmó gie à ne ńkwoŋo. Á poŋ ngie yé Ssé fó ná Yěsô Kristo, ńgÿo ammó gie á poŋo yé, à gwɔ́ ná pege. Legú’ à gwɔ́ mbwo Yěsô Kristo á nà ngù’ nkɔ́ɔn nê nkɔ̌ɔn! *Amen.

2 Timote 2:21

Nyìŋ lɔɔn ḿbɔ́ɔn meshwóŋè cÿɔ̌ nò mie mé zí’i pʉ̀a lɔɔn, mbà ngàŋ ge gwɔ́ pá’ káŋ gie mé tÿɔ́gɔ ssé pɔ́ nà lyɛ’ɛ́ lÿò. Mbà à ge gwɔ́ nyìŋ Cʉ̀apʉ̀a, mbà à ge kẅéte Ndè we, à lɔgɔ yé ńgÿo kɔ̀ɔkɔ́ɔ wɔ́ gie áa mbòŋ.

2 Timote 1:6

Áa mmó gie á gÿo mèŋ n ge kẅiŋte gú ngie, ammó gie n ka záb mbwó mɔ́ɔn twó gù, e Ssé cÿó gʉm jú, ɔ̀ ku’u légÿo, tè lɔg ḿma’a kwàŋ.

1 Timote 5:10

Á zɛ́te ngie à gwɔ́ gẅie pʉ̀a ne ńzẅíŋe ngie aa ńgÿo mefà’ mbòŋo, á gẅie aa ńkwɔ́’te penkʉ́ pé mboŋó, á gẅie aa ńkúe megʉ̀ mbʉ̀a yé, á gẅie aa ńnáa nnɛ́ ssé, ńkẅéte pʉ̀a Kristo, ńgwɔ́ gẅie aa ńkẅéte megàŋ ngɔ́’, á gẅie aa ńgÿo pɔ́ nò mbòŋo.

Titus 2:14

Kwà’ yé à la náa twó yé ńtí wégè, lélɔg cu’u wégè mbwo menò tepòŋ mégè ntsèm. À la nyɛ́te wégè, pege cʉ́’ pʉ̀a pé, ńgwɔ́ pà tè *lɔ̌’, ńcʉ́’ ńnéŋe twó ńgÿo pɔ́ shúm sie ée mbòŋ.

1 Timote 4:6

Ɔ̀ ge gwɔ́ kwà’ ngàŋa fà’ Yěsô Kristo, pá’ ɔ̀ lɔɔn ne ńzí’i mefɛ́ mefɛ́ mɔɔn menò zí’i. Á gʉa ná kwà’ gù, anò Yěsô gÿo ɔ̀ cwoŋo ńtʉte pá’ ɔ̀ kě ńkú’te nò gie peg ka záb ntʉ́m mǒ mboŋó mbɔɔ pá’ ɔ̀ ka jú’u nò nénʉ́ gie mé ka zí’i gú lɛ.

1 Timote 2:2

Mé ne sẅíŋte Ssé nà twó mefùɔ, tà mbɔɔ ná twó petsɔ́ pʉ̀a pie é sá’a lá’. Légwɔ́ gie pege ge ńnéŋe mboŋó, à lá’a yege gwɔ́ lá’a mbʉ́lè. Pege gwɔ́ pʉ̀a pie é gÿo mmó gie á poŋ Ssé, ńgẅiin tsẅé gie á gẅiin mekù’.

1 Korento 15:58

Mefɛ́ pɔ́ɔn pentʉ̀ nzẅìŋ, pá’ áa pú’u la, pi tʉte tʉte, tà nyìŋ cÿɔ’, pi kẅi’i fa’ mefà’a Cʉ̀apʉ̀a ńdɔg ńgʉa pɔ́ lê mvfò, ńgwɔ fa’ ńne ńzsé ngie fà’ gie pi fà’a, ńtí nue pi ee pʉ̀a Cʉ̀apʉ̀a, á té ge cʉ̀a sẅɛ̀ɛ wɔ́.

2 Piɛ 1:12

Áa mmó gie á gÿo n ge lá’a zɔ́gɔ kímte gẅi mɔɔn menò kimté tà mbɔɔ pá’ pi ne ńzsé, ḿbiŋ ne ńgiŋe pɔ́ nà nò gie áa nénʉ́ gie mé la shwóŋó gẅí.

Titus 3:8

Menò mɔɔn ée jʉ’ó ńgwɔ́ pú’u. M bíŋ ne ńkwoŋo ngie ɔ̀ cwoŋo shwóŋó wɔ́b mboŋó, ńzsé ngie pʉ̀a pie é zǎb ntʉ́m nà Ssé pɔ́ ge kag tʉ̀ légÿo menò mbòŋo lékwɔgɔ nnɛ́, à gwɔ́ pú’u, ńgwɔ́ mboŋó, ḿbiŋ ńgwɔ́ mmó gie á kẅéte pʉ̀a mesoŋ.

Kolosia 1:10

Pú’u, pi ku’u léńnéŋe ná ntí gie Cʉ̀apʉ̀a ne ńkwoŋo, ńne ńgÿo pɔ́ mmó gie á poŋo yé, éfa’ mefà’ mbòŋo mentí mentí, ńkẅi’i ńzsé yé Ssé.

Filipo 1:11

Yěsô ge gÿo pi ké ne fa’a pɔ́ mefà’ mbòŋo, ńzsé ngie pʉ̀a ge ne gyá, é gu’te Ssé, é gé’e lezíŋ sé.

Efeso 2:10

Pege lɔɔn ńgwɔ́ kɔ́ wɔ́, mbà pege zẅɛ́’ɛ pɔ́ Ssé. E Ssé la cʉa ná Yěsô Kristo ḿbwóon wégè, légwɔ́ gie pege ge fa’ mefà’ mbòŋo mie yé Ssé la lá’ ńcwoŋte ńzáb pá’ pege ge fa’.

Jẅide 1:5

Mèŋ n ne ńkwoŋo lékímte gẅi tsɔ́ nò gie pi cwoŋo ńne ńzsé mboŋó, á gwɔ́ pá’ Cʉ̀apʉ̀a la kẅile pʉ̀a pé pà Israel tsɛ̀ɛ ngwòŋ Egipto tà pɔ́ tsẅɛ́, á gÿo ńgʉa tsetsɛ̀ɛ pɔ́b ńgÿo pʉ̀a pie pɔ́ kaa záb ntʉ́m ná yé wɔ́ kwéte.

Titus 3:14

Mefɛ́ pégè nzèm Kristo gẅiin lékag tʉ̀ yɔ́b, ńdɔgɔ kwɔ́gɔ nnɛ́ ńgÿo menò mbòŋo, ńzsé ngie ńgwɔ́ pɔ́ kẅéte pʉ̀a pie nò tyě nà pɔ́b, pɔ́ le gwɔ́ pà té zẅɛ́’ɛ wɔ́b gwɔ́.

2 Timote 2:14

Mɔɔn ée menò mie ɔ̀ gẅiin lékímte mbwo mânyìŋ ntsèm, ńtyé mvfò Ssé éshʉa shʉa shwóŋ pʉ̀a ngie tà pɔ́ gwáa ńtága melà’ ná menò mie mé gɔɔn. Pɔ́ tág melà’ pú’u, é té kẅéte nà tsɔ́ mmó wɔ́, tà ńcʉ́’ pú’u, mbà é cʉŋte pʉ̀a pie pɔ́ jú’u mɛ̌ menò cʉŋte, á nzèm Ssé.

Titus 1:16

Pɔ́ tyé ńgɔɔn ngie pɔ́ ne ńzsé Ssé, tá menò mie pɔ́ gÿo nyɛɛ ngie pɔ́ té Ssé zsé. Pɔ́ tʉʉ twó tɛ’, ńgÿo mmó gie á sẅile sẅile, ńgwɔ́ pɔ́ zɔɔn legÿo nò mbòŋo wɔ́.