Titus 2:5 - Nouveau Testament en Ngienboum

⁵ é gwɔ́ manzwě gẅie à sáŋa nò tá ńgÿo, é gwɔ́ manzwě gẅie à zsě pɔ́ ndà’ ndǔm we, éfa’ mefà’ ndá mé mboŋó, é gwɔ́ manzwě gẅie mé kwoŋo nò yé, é gwɔ́ manzwě gẅie à jú’ ncwò ndǔm we. Pɔ́ lɔɔn ńgÿo pú’u, nyìŋ léshwóŋe té poŋ nà nò Ssé wɔ́.

Titus 2:5 Referans Kwoze

Kolosia 3:18

Pi pànzwě pie pi zɔ̌’, wɛ̌ nyìŋ wɔ́ ná pi, ná mbùm ye ssé mvfò ndùm we. Áa pá’ á poŋ ngie manzwě gẅie à la nnɛ́ ná Cʉ̀apʉ̀a gÿo.

1 Timote 5:10

Á zɛ́te ngie à gwɔ́ gẅie pʉ̀a ne ńzẅíŋe ngie aa ńgÿo mefà’ mbòŋo, á gẅie aa ńkwɔ́’te penkʉ́ pé mboŋó, á gẅie aa ńkúe megʉ̀ mbʉ̀a yé, á gẅie aa ńnáa nnɛ́ ssé, ńkẅéte pʉ̀a Kristo, ńgwɔ́ gẅie aa ńkẅéte megàŋ ngɔ́’, á gẅie aa ńgÿo pɔ́ nò mbòŋo.

Efeso 5:33

Tá ńké ńgíŋe ńgɔɔn mbɔɔ ná pi gí. Á ne ńzɛ́te ngie wɔ̌wɔ́ɔ mámbàŋa wɔ́ kwoŋo nzwě we pá’ à kwoŋo twó mbùm yé, wɔ̌wɔ́ɔ manzwě wɔ́ gÿo mekù’ ndǔm we.

Megàŋ ntúm 9:36

Atsɔ̌ mánzwě gwɔ́ Jope, lezíŋ sé gwɔ́ lé Tapita, ńdɔgɔ ńgɔɔn ngie nɔ̀ɔn ngáb. Á gwɔ́, mbà à la zẅíŋe nò Yěsô, ńgwɔ́ fʉ̀’ ntsèm ńgÿo pɔ́ nò mbòŋo, ḿbiŋe ńkẅéte pàte mmó.

1 Timote 6:1

Á gʉa ná pʉ̀a pie pɔ́ ée ndá nkwɔɔn, mbà á ne ńzɛ́te ngie pɔ́ zsé ngie pɔ́ gẅiin légÿo mekù’ pʉ̀a pie pɔ́ gẅiin wɔ́b, ńzsé ngie mé té ge kím lezíŋ Ssé té poŋ wɔ́, é ké le gwága nò gie mé zí’i pʉ̀a ná Yěsô Kristo wɔ́.

1 Korento 14:34

pi lɔɔn ńgwɔ́ tsɛ̀ɛ cú’tè, pànzwě ná’a ńdáŋte. Pɔ́ té gẅiin lékẅé shwóŋè ńgɔɔn nò wɔ́. Pɔ́ gẅiin lépʉ́le ńnéŋe, ńzẅí’te nò gie mé ne ńgɔɔn, á gwɔ́ pá’ *lepʉ̌ Mǒsê é gɔɔn pú’u.

1 Korento 11:3

Áa mbòŋ tá’, ammó ké nyé wó gie n ne ńkwoŋo ngie pi zsé mboŋó. Nyìŋ gẅie à gẅiin nyìŋ mbàŋa ntsèm aa Kristo, nyìŋ gẅie à piŋ ńgẅiin manzwě aa mámbàŋa, nyìŋ gẅie à gẅiin Kristo aa Ssé.

Roma 2:24

Mé la zɔɔn ńŋwe’e tsɛ̀ɛ ŋwà’ne Ssé ngie: Pʉ̀a pie é té pà Yuda wɔ́ ne ńzoonte lezíŋ Ssé, á ké fó pɔ́ né pi.

Megàŋ ntúm 9:39

Piɛ lêen ńjú’, pâ pɔ̌ cʉ́me mánzsè té láte, ńgʉa tà ńkúu wó, mé lɔgɔ yé ńgʉa tsɛ̀ɛ lûm ndá gẅie aa ná ndêg we tÿǒ. Á kúu tsoló, mepfɔ̌g pànzwě metsèm tó ńcú’te lejʉ́ŋ yé, ńne ńdʉa, ńne ḿma’a mezìŋe ńnyɛɛ yé menzsǒ mie Tapita ka nyé ntentʉ́, ńtém ńná lé pɔ́b.

Roma 14:16

mbɔɔ légÿo mmó gie mé ge cʉa mǒ, éshwóŋte ná gù, tà mbɔɔ pá’ ɔ̀ lɔɔn ńzsé jú pɔ́ ngie yɛ̌ mmó áa mbòŋ.

Titus 2:4

ńzsé ngie pɔ́ ge nyɛ pànzwě pie é nyé ńzɔ́’ɔ pá’ wɛ̌wɛ̌ wɔ́ à ge kwoŋo ndǔm we mbɔɔ penkʉ́ pé,