Titus 2:2 - Nouveau Testament en Ngienboum

² Gɔɔn né mbàŋa gie é zẅǐŋ ngie tà pɔ́ gÿo tsɔ́ mmo tà á cʉa, ńgie pɔ́ gwɔ́ pʉ̀a mekù’, ńgie pɔ́ gwɔ́ pʉ̀a pie é sáŋa nò tá ńgÿo. Pɔ́ gíŋ ńzáb ntʉ́m nà Ssé tà ńzáb, ńnéŋe ńkwoŋo pʉ̀a tà ńkwoŋo, éshÿɔgɔ menò tà shÿɔgɔ.

Titus 2:2 Referans Kwoze

Galatia 5:23

ńgwɔ́ lépʉ́le, ńgwɔ́ lékú’te mbùm. Áa kwà’ nénʉ́, *lepʉ̌ té lʉ’ sɔɔn shúm wɔ́.

1 Piɛ 4:7

Afʉ̀’ʉ nzsòte kɔ̀ɔkɔ́ɔ wɔ́, á ne ńku’u. Pá’ áa pú’u la, pi gwɔ́ pàzsé nò. Tà pi gwá’a lÿɔg, ńzsé ngie pi ge ku’u lésẅíŋte Ssé.

1 Timote 3:11

Á gíŋe ńzɛ́te ngie pànzwě pɔ́b gíŋe ńgẅiin mekù’, pɔ́ le gwɔ́ ngàŋ melɔ̀ɔn wɔ́, pɔ́ légÿo tsɔ́ mmó tà á cʉa wɔ́, ńgwɔ́ pʉ̀a pie à lɔɔn ńgwɔ́ pɔ́ gÿo kɔ̀ɔkɔ́ɔ gie mé cʉmé mbwo pɔ́b tà mé le lɔ̌’ mǒ gyá.

1 Piɛ 5:8

Tà pi gwá’a lÿɔg, tà pi lyé. Angàŋ mbù gẅi, Sátà, à ne ńgwá ńzéme, éfa’a nyìŋ gẅie à ge gwoon yé, pá’ pú’ ntʉ̀ gẅie à ga’te éfa’a mmó gie à ge pfɛ́ la.

Titus 1:13

Anò gie à la gɔɔn lɔɔn, áa nò nénʉ́. Áa yɛ̌ tá á ne ńzɛ́te ngie ɔ̀ gɔɔn nò ne pɔ́b té kú shʉ́, ńzsé ngie pɔ́ ge jú’ pɔ́ nò Ssé gie mé zí’i,

1 Timote 3:2

Á zɛ́te ngie ndìe cú’tè pʉ̀a Kristo à gwɔ́ nyìŋ gẅie mé té kíme yé té poŋ wɔ́. Á zɛ́te ngie à gẅiin pɔ́ tà’ manzwě wémɔ’ɔ́, tà á gÿo tsɔ́ mmó tà á cʉa. À gwɔ́ nyìŋ gẅie à sáŋa nò tá ńgÿo, ńgwɔ́ nyìŋ gẅie à kúe megʉ̀ mboŋó, ńku’u lézí’i pʉ̀a mmó.

1 Tesalonika 5:8

Tá ńgʉa ná pege pie pege giŋe fʉ̀’ʉ zsó, mbà á ne ńzɛ́te ngie pege jÿó mmó à ku’ ku’, nkwòŋe mbɔɔ lézáb ntʉ́m nà Ssé e gwɔ́ yege nzsǒ ncù gie mé lɔgɔ tʉ̌ ńnyɛte. Lezẅi’té lyɛ̌’ gie e Ssé ge gÿo pege tsẅɛ́, à gwɔ́ yégè cÿɔ́’ɔ ncù gie mé lɔgɔ tʉ̌ ńnyɛte.

Roma 12:3

Mèŋ n ge fó ná pá’ e Ssé la cʉ́’ʉ lécÿó gem yɔ́ɔn, ńtÿɔ́gɔ wɔ̀ɔn nà jʉ’e lÿò, é gɔɔn mbwo wɔ̌wɔ́ɔ tsestsɛ̀ɛ pi ngie: Tà nyìŋ kwaŋ ngie aa mmó té gwɔ́ gie aa yɛ̌. Nyìŋ gẅiin we nkwaŋá é ku’ ku’. Nyìŋ kú’te pɔ́ yé fà’ gie e Ssé la ná, ńgwɔ́ ná, éfó ná pá’ à zǎb ntʉ́m ná Kristo.

1 Piɛ 1:13

Pú’u, legyè sí tyé pɔ́ nà legÿo mmó nà ntí ye pʉ̀a Ssé, tà pi gwá’a lÿɔg, pi ńnéŋe ńne ńnyɛte ńzwí’te fù’ gie Ssé ge gÿo ná né pi, á ná fʉ̀’ gie Yěsô Kristo ge gÿo tó.

1 Korento 15:34

Pi gwoonte mbùm gí nà ntí gie e poŋ Ssé, tà pi gíŋ ńgÿo menò tepòŋ. N gɔɔn nue mèŋ n ne ńgyá e tsɔ́ pʉ̀a ée tsetsɛ̀ɛ pi pɔ́ té Ssé zsé, n gɔɔn pá’ɔɔn ńtsɔɔn ngie eshʉ́ kúu gẅí.

2 Piɛ 1:6

ńgʉa ná le zsé mmó gie Ssé ne ńkwoŋo, ńkẅi’i pá’ pi ge gwoonte mbùm gí, ńgʉa ná legwoonte mbùm ńkẅi’i létʉte tʉte, ńgʉa ná letʉte tʉte, ńkẅi’i lé zsé pɔ́ ndà’ Ssé,

Titus 2:7

Kwà’ gù tyé nà kɔ́ wɔ́, ńnyɛ́ pɔ́ fʉ̀’ʉ mmó mbòŋo. Ɔ̀ lɔɔn ne ńzí’i pʉ̀a mmó, ɔ̀ zí’i wɔ́b pɔ́ ndà’ nò gie áa nénʉ́, ḿbiŋ ńzí’i tà ńzsé mmó gie ɔ̀ zí’i yɛ̌.

Titus 1:8

Á zɛ́te ngie à gwɔ́ nyìŋ gẅie á kúe megʉ́ mboŋó, ńgwɔ́ nyìŋ gẅie à neŋé ńkwoŋ yé pɔ́ menò mie ée mbòŋ. Á zɛ́te ngie à gwɔ́ nyìŋ gẅie à sáŋa nò tá ńgÿo, à gwɔ́ nyìŋ gẅie à gÿo menò mie é tyé ndʉŋ ndʉŋ, ńgwɔ́ nyìŋ gẅie mà we poŋ Ssé, ńgwɔ́ nyìŋ gẅie à zsé lékú’te mbùm ye.

1 Timote 3:4

À gwɔ́ nyìŋ gẅie à líe mbʉ̀a ye mboŋó, ńgwɔ́ nyìŋ gẅie à gẅiin penkʉ́ pé nà ntí gie pɔ́ ge jú’ ncwò wé, é gÿo mekù’ mé.

1 Timote 1:5

Ɔ̀ gɔɔn yɛ̌ nò né pɔ́b légwɔ́ gie pɔ́ ge kwoŋ petsɔ́ pʉ̀a tà shwóŋó nò. Lekwoŋo nyìŋ tà shwóŋó nò, à zɛ́te légẅiin ntʉ́m Ndʉalʉ̌a, ńzɛ́te légÿo mmó gie mbùm ɔ̀ té cúa gú mǒ wɔ́, ḿbiŋe ńzɛ́te lézáb ntʉ́m nà Ssé, kwà’ nénʉ́.

1 Tesalonika 5:6

Pú’u la, tà pege lyé pá’ petsɔ́ pʉ̀a. Tà pege gwá’a lÿɔg ńdyé, pege jÿó mmó à ku’ ku’.

Filipo 4:8

Mefɛ́ pɔ́ɔn, anò gie à lɔɔn ńgwɔ́ n dɔg ńcʉ́me á gwɔ́ pɔ́ ngie, nkwaŋá gẅi ńnéŋe ńtyé pɔ́ ná menò mbòŋo mie pʉ̀a tà ńgyɔ́ɔn gɔ’te, ńtyé nà nò nénʉ́, á nà nò gie á tyé ndʉŋ ndʉŋ, á nà nò té *lɔ̌’, á nà menò mie ée me mekù’, á nà menò mie mé gÿo pʉ̀a ná ngɔ́ɔnte, é menò mie é kẅéte, á nà menò mie mé siŋte nyìŋ mǒ.

2 Korento 5:13

Mé lɔɔn ne ńgyá ngie peg ne ńgÿo pá’ mepʉ̀a la, mbà peg ee pɛ̌, pɔ́ pá’ nò Ssé ge giŋ, ńké ńgwɔ́ gie legyè ség ée wó, mbà pi zɔ ge zẅɛ́’.

1 Korento 9:25

Pàgÿo metɔ́ɔntè mie nò metʉ̀ áa mǒ, pɔ́ lʉ’ shúm tɛ’, ńzsé pá’ pɔ́ ge gẅiin mbùm yɔb pú’u, ńdɔgɔ ńtsɔ́ɔn pɔ́ pá’ mé ge lá’ tɔ’ *ngǔ’ yɔb. Yɛ̌ ngǔ’ gwɔ́ gie e ge lá’ cʉŋte. Tá ńgʉa ná pege, pege gwaa gÿo pú’u, ńtsɔ́ɔn ngǔ’ gie e těen ńdá’a ńcʉŋte wɔ́.

Megàŋ ntúm 24:25

Pɔl tó tà ńzye lékyagte ntí gie nyìŋ lɔɔn ńdɔg ńnéŋe, mbà ngàŋ ge gwɔ́ nyìŋ gẅie à gÿo mmó gie á poŋo mbwo Ssé, ńne ńkyagte mbɔɔ pá’ à lɔɔn ńgwɔ́ nyìŋ kú’te mbùm ye pú’u, ńne ńkyagte shwóŋó yé ngie Ssé ge gÿo ŋag pʉ̀a metsèm. Ngúmnɔ́ɔn Felese jú’ pú’u, ńcʉ́’ʉ ńcÿɔ’ɔ cÿɔ’, ńgɔɔn né Pɔl ngie: Á nà fʉ̀’ɔɔn, fó lejʉ́ŋ mèŋ ńgʉa. Afʉ̀’ gÿo ńgíŋe ńku’, tá mèŋ n gíŋe ńtsẅi mé tóŋo gú ńné mèŋ.

Lukase 8:35

Alá’ jú’, ḿbú ńkẅɛ, ńtóo légyá yɔɔn nò, ńgʉa tà ńkúu jʉ’ gie Yěsô laa wó, ńgyá nyìŋ gẅie *messé tepòŋ ně ńkẅɛɛ ná yé lá ńnéŋe lejʉ́ŋ Yěsô, mbà à zeŋé, legye sé piŋ tà á ma’ nzsǒ. Pɔ́ gyá pú’u, ḿbú ńcÿɔ’.

Malékuse 5:15

ńgʉa tà ńkúu lejʉ́ŋ Yěsô, ńgyá nyìŋ gẅie *messé tepòŋ laa ná yé tà ńgyɔ́ɔn gyɔ́ɔn la, á ńnéŋe ḿma’ menzsǒ, mbà legyè sé pǐŋ, pɔ́ pú ḿbɔ́g tɛ’.

1 Timote 3:8

Á gíŋe ńzɛ́te ngie pàfa’ mefà’ tsɛ̀ɛ cú’tè pʉ̀a Kristo gwɔ́ yɔ́b pʉ̀a pie é gẅiin mekù’, ńgwɔ́ pàshwóŋó nò nénʉ́, ńgwɔ́ pʉ̀a pie é té ma’ mbùm yɔb ná melù’ wɔ́, ńké le gwɔ́ pʉ̀a pie é kwoŋ nkáb ńgáte gaté wɔ́.

1 Timote 1:2

Mèŋ n ŋwe’e ńnáa mbwo gù Timoté. Ɔ̀ɔ mbwo mèŋ ńgwɔ́ míŋ wɔ̀ɔn tɛ’, ńtí nò Yěsô Kristo gẅie pɔgɔ pǔ ńzáb ntʉ́m ná yé. Mèŋ n ne ńdúɔ mbwo Tá wege Ssé mbɔɔ mbwo Cʉ̀apʉ̀a wege Yěsô Kristo ngie pɔ́ gwɔ́ né gù, ńtsɔ́ɔn mezìŋe mú, ńnéŋe sẅétè ntʉ́m gù.

1 Timote 1:10

Mé la tÿɔ́g *lepʉ̌ ńtí pʉ̀a pie pɔ́ pumo wɔ̌wɔ́ɔ pâ pɔ̌ nuŋe nuŋe, ńtí mbàŋa gie é nuŋe petsɔ́, ńtí pàtáŋa pu’. Mé la tÿɔ́g *lepʉ̌ ńtí ngàŋa cÿɔ̌ nò, ńtí pàjÿò ńgyá pie é gwɔ́ pɔ́ mengàŋa cÿɔ̌ nò. À la tÿɔ́g *lepʉ̌ ńtí pʉ̀a pie é fa’ shÿó ńgÿo mmó gie á té pumte nà nò nénʉ́ gie mé zí’i wégè wɔ́.

1 Timote 1:14

Cʉ̀apʉ̀a wege Yěsô Kristo, la gÿo nò mbòŋo yé ná mèŋ tà á zyɛ́’. Á la gÿo mèŋ n záb ntʉ́m ná yé, mèŋ m biŋ ńkwoŋ petsɔ́ pʉ̀a. Á fóo ná pá’ mèŋ n da nnɛ́ ná yé.

1 Timote 5:1

Ɔ̀ lɔɔn ńne shwóŋó nzẅìŋe ndÿò nò, tè cÿɔ́gɔ yé cÿɔ́g. Gɔɔn nò mbwo yé pá’ ɔ̀ gɔɔn mbwo tá gù. Líe ngwàshùm pá’ mefɛ́ pú pe mbàŋa,

Filemo 1:9

n gyá ngie n ge cʉa nà nkwòŋe yɔgɔ, ésẅíŋte gú sẅíŋte. Tà mbɔɔ pá’ mèŋ Pɔl, n cʉ̌’ pɔ́ nzẅìŋe ndÿò, ńgíŋe ńgwaa gwɔ́ fʉ̀’ɔɔn, ńgwɔ́ ndá tsǎŋ ńtí Yěsô Kristo lɔɔn.