Titus 1:9 - Nouveau Testament en Ngienboum

⁹ Á zɛ́te ngie à nyɛ́te ńkú’te nkʉ̀ gẅie ée gẅie ńgwɔ́ mé záb ntʉ́m mǒ, é gwɔ́ gẅie peg zí’i pʉ̀a. À cʉa pú’u, à ku’u lelɔgɔ shwóŋè gie áa nénʉ́, ńkẅíŋte petsɔ́ pʉ̀a, ńku’u le shʉa shʉa ńdá’te *melɔ̌’ mie ée nà nò yé pʉ̀a pie pɔ́ lʉ’ʉ nò gie à gɔɔn.

Titus 1:9 Referans Kwoze

2 Tesalonika 2:15

Pú’u la, mbà mefɛ́ mefɛ́, tà pi kʉ́a. Ammó gie peg ka zí’i gẅí, kà lê ncwò wɔ́, kà ńŋwe’e pɔ́ tsɛ̀ɛ ŋwà’ne wɔ́, pi kú’te mboŋó.

2 Timote 1:13

Timoté, ne ńkímte shwóŋè nénʉ́ gie ɔ̀ la jú’u ncwò mèŋ, ńne ḿbíi fʉ̀’ mǒ, ńzí’i pʉ̀a pú’u. Záb ntʉ́m gú pɔ́ nà Ssé, ńne ńkwoŋo yé pá’ peg pie peg la la nnɛ́ ná Yěsô Kristo peg gÿo pú’u.

1 Timote 6:3

Nyìŋ lɔɔn ńzí’i pʉ̀a nò ndyɛ̀’ɛ ńdɔgɔ ńgwá’a shwóŋè nénʉ́ gie á fóo mbwo Cʉ̀apʉ̀a wege Yěsô Kristo, mbɔɔ mmó gie pege zí’i pʉ̀a, pɔ́ fóo mǒ ńzába ntʉ́m ná yé,

1 Timote 1:10

Mé la tÿɔ́g *lepʉ̌ ńtí pʉ̀a pie pɔ́ pumo wɔ̌wɔ́ɔ pâ pɔ̌ nuŋe nuŋe, ńtí mbàŋa gie é nuŋe petsɔ́, ńtí pàtáŋa pu’. Mé la tÿɔ́g *lepʉ̌ ńtí ngàŋa cÿɔ̌ nò, ńtí pàjÿò ńgyá pie é gwɔ́ pɔ́ mengàŋa cÿɔ̌ nò. À la tÿɔ́g *lepʉ̌ ńtí pʉ̀a pie é fa’ shÿó ńgÿo mmó gie á té pumte nà nò nénʉ́ gie mé zí’i wégè wɔ́.

Ŋwà’ne Ngyà jʉ’ 3:3

Pú’u la, pi ké ńkímte mmó gie mé la zí’i gẅí, ńgíŋe ńkímte ntí gie pi la lɔg ńjú’. Pi kú’te yɛ̌ mmó, ńkúbe mà gẅi. Pi lɔɔn ńnyé ńdyé lyě, mbà mèŋ n ge vege vege tó pá’ ntsǒŋ la, tà pi é le zsé fʉ̀’ gie mèŋ n ne ńtóo wɔ́.

1 Timote 1:15

Yěsô Kristo la tóo tsɛ̀ɛ njÿó légÿo pʉ̀a tepòŋ tsẅɛ́, yɛ̌ nò áa jʉ’ó ńgwɔ́ pú’u, à lɔɔn ńgwɔ́ nyìŋ záb ntʉ́m wé mǒ ntsèm ntsèm. Mèŋ m biŋ ńgwɔ́ tsetsɛ̀ɛ pʉ̀a tepòŋ ńgwɔ́ ndúm.

Titus 2:1

Tá ńgʉa ná gù, ké ne ńzí’i pʉ̀a mmó à pumo pɔ́ nà nò nénʉ́ gie mé zí’i pʉ̀a ná Yěsô Kristo.

Titus 1:11

Á zɛ́te ngie ɔ̀ jÿɔ́’ ncwò wɔ́b, mélà’mie pɔ́ ne ńdɔgɔ mmó gie pɔ́ zí’i pʉ̀a ńtébe metsìŋe ndá ńtÿɔ́gɔ. Á gwɔ́ mmó gie aa tè lɔg ńtÿɔ́gɔ múɔ, pɔ́ lɔgɔ fʉte wɔ́b, ḿpfɛ́ɛ nkáb yɔ́b.

2 Timote 4:3

Á nue atsɔ́ fʉ́’ ge gÿo gwɔ́, epʉ̀a le gíŋe ńkwoŋo lézẅí’te nò nénʉ́ gie mé zí’i pʉ̀a ná Yěsô Kristo wɔ́, é lɔg pá’ pɔ́ kwoŋo lézẅí’te pɔ́ nò gie ntʉ́m wɔ́b ne ńtsɔ́ɔn, éfa’ pɔ́b pàzí’i wɔ́b mmó tà e gyɔ́ɔn gyɔ́ɔn. Pɔ́ zí’i wɔ́b nò gie pɔ́ kwoŋo lé jú’.

1 Tesalonika 5:21

ńgʉa nà kɔ́ wɔ́, ńtsa’ ḿbí pɔ́ ye mbòŋo,

Ŋwà’ne Ngyà jʉ’ 3:11

Mèŋ n ge tɔ́g tó. Pi kú’te mmó gie áa mbwo pi tà à tʉ ńzsé ngie tsɔ̌ nyìŋ tè kẅé gi ngú’ wɔ́.

Ŋwà’ne Ngyà jʉ’ 2:25

Mèŋ n ne ńzɛ́te pɔ́ ndà’ ngie, ammó gie pi gẅiin, pi nyɛte ńkú’te mboŋó tà ńkú fʉ̀’ gie mèŋ n ge gÿo tó.

Jẅide 1:3

Meshǔ pɔ́ɔn pe tʉ̀ nzẅìŋ, n kɔ̌ɔn ńzɔ́gɔ ńtsɔ́ɔn tsɔ̌ɔn léŋwe’e ŋwà’ne ńnáa mbwo pi á nà nò pá’ e Ssé ka gÿo pege metsèm pú ńtsẅɛ́, tá’ n ka neŋé tà ḿbú ńgyá fʉ̀’ɔɔn ngie á zɛ́te ngie mèŋ n ŋwe’e ńdɔg ńkẅiŋte gẅi léma’ ncù ńdɔg ḿbɔ́ɔnte nò Yěsô Kristo gie e Ssé la cʉ́me mbwo pege pʉ̀a Ssé. Yɛ̌ nò gwɔ́ pɔ́ yémɔ’ɔ́ ndà’, atsɔ́ té ńdá’a ńgíŋe ńgwɔ́ wó wɔ́.

2 Timote 2:25

À gẅiin lélɔg mbʉ́lè ńda’te mmó mbwo pʉ̀a pie à gɔɔn nò pɔ́ kúbe pɔ́ shÿó. Ndyɛ̌’ tsɔ́ e Ssé gÿo ńná shÿó mbwo pɛ̌ pʉ̀a pɔ́ kúbe yɔb ntí lɔg sáŋa nò, éfó pú’u, ńzsé nò gie áa nénʉ́,

2 Timote 2:2

Kímte nò gie ɔ̀ lɔ̌ɔn ńjú’u mèŋ n zí’i pʉ̀a, é laa pʉ̀a tà ńgyɔ́ɔn. Pɔ́ ée pàjÿò ńgyá. Ké cʉ́me pɔ́ yɛ̌ mbwo pʉ̀a pie pɔ́ ku’u légʉa ńzí’i yɔ́b petsɔ́ pʉ̀a, tè gʉa mǒ ńkúbe mmó.

1 Timote 4:9

Ashwóŋè yɔɔn áa kwà’ nénʉ́, ńgwɔ́ gie ńgwɔ́ wɔ̌wɔ́ɔ jú’ ńzẅíŋ.

1 Timote 1:19

Ɔ̀ lɔɔn ńcʉ́’ʉ lélÿɔ́’ wɛ̌ ncù, ɔ̀ lɔg pɔ́ lézáb ntʉ́m nà Ssé, ḿbiŋ ḿbɔ́ɔn légÿo mmó gie mbùm jù ge cúa gú mǒ. Mbùm tsɔ̌ lelÿò pʉ̀a la cúa wɔ́b, pɔ́ lʉ’ʉ lé jú’, wɔb lézáb ntʉ́m nà Ssé kúu pyé.

Megàŋ ntúm 18:28

pâ pà Yuda zɔɔn ńtyé mvfò lá’, ńzóŋo nò ńnáa ná Yěsô, á ne ńdɔgɔ nò gie á fóo tsɛ̀ɛ ŋwà’ne Ssé ńnyɛte ńda’te ngie Yěsô zɔɔ *Nzà’nkÿo, ḿbú ne ńdɔgɔ yé shwóŋè ńjÿɔ́’ɔ ncwò pà Yuda.

1 Korento 14:24

Tá ńgwɔ́ gie pi metsèm lɔɔn ne ńtsẅii pɔ́ nkʉ̀ gẅie é fóo mbwo Ssé, nyìŋ kúu ndá, kà gwɔ́ pɔ́ nyìŋ gẅie à tè záb ntʉ́m nà Ssé wɔ́ wɔ́, kà nyìŋ gẅie à tè zsé nò ná yɛ̌ ntí wɔ́ wɔ́, mbà kɔ̀ɔkɔ́ɔ gie à ne ńjú’u á ge gÿo à sáŋa nò, à shwóŋè ŋwɛ́ ntsèm à gɔɔn nò mbwo ye.

2 Timote 3:14

Á gʉa ná gù, mbà á ne ńzɛ́te ngie ɔ̀ kú’te pɔ́ mmó gie ɔ̀ la zí’i tà ńzáb ntʉ́m mǒ. Ɔ̀ tè ne ḿmoŋe nyìŋ gẅie à ka zí’i gú wɔ́.