Titus 1:8 - Nouveau Testament en Ngienboum

⁸ Á zɛ́te ngie à gwɔ́ nyìŋ gẅie á kúe megʉ́ mboŋó, ńgwɔ́ nyìŋ gẅie à neŋé ńkwoŋ yé pɔ́ menò mie ée mbòŋ. Á zɛ́te ngie à gwɔ́ nyìŋ gẅie à sáŋa nò tá ńgÿo, à gwɔ́ nyìŋ gẅie à gÿo menò mie é tyé ndʉŋ ndʉŋ, ńgwɔ́ nyìŋ gẅie mà we poŋ Ssé, ńgwɔ́ nyìŋ gẅie à zsé lékú’te mbùm ye.

Titus 1:8 Referans Kwoze

1 Timote 3:2

Á zɛ́te ngie ndìe cú’tè pʉ̀a Kristo à gwɔ́ nyìŋ gẅie mé té kíme yé té poŋ wɔ́. Á zɛ́te ngie à gẅiin pɔ́ tà’ manzwě wémɔ’ɔ́, tà á gÿo tsɔ́ mmó tà á cʉa. À gwɔ́ nyìŋ gẅie à sáŋa nò tá ńgÿo, ńgwɔ́ nyìŋ gẅie à kúe megʉ̀ mboŋó, ńku’u lézí’i pʉ̀a mmó.

Titus 2:7

Kwà’ gù tyé nà kɔ́ wɔ́, ńnyɛ́ pɔ́ fʉ̀’ʉ mmó mbòŋo. Ɔ̀ lɔɔn ne ńzí’i pʉ̀a mmó, ɔ̀ zí’i wɔ́b pɔ́ ndà’ nò gie áa nénʉ́, ḿbiŋ ńzí’i tà ńzsé mmó gie ɔ̀ zí’i yɛ̌.

1 Jâŋ 5:1

Nyìŋ gẅie à zẅǐŋ ngie Yěsô aa *Nzà’nkÿo, aa míŋ Ssé. Nyìŋ gẅie à kwoŋ Ssé Tá, à giŋé ńkwoŋ mbɔɔ púɔ Ssé.

1 Jâŋ 3:14

Pege fó ná pá’ pege ne ńkwoŋo mefɛ́ pege, ńzsé ngie pege tè gíŋe ńgwɔ́ mepfó wɔ́, pege ee ntentʉ́. Nyìŋ gẅie à tè nyìŋ mesoŋ kwoŋ, nyě ńgwɔ́ pɔ́ mpfó.

1 Timote 6:11

Á ké ńgʉa ná gù gẅie ɔ́ɔ ngàŋa fà’ Ssé, ɔ̀ ne ńkÿo mɛ̌ menò tepòŋ, ńne ńkaga tʉ̀ ńgÿo pɔ́ menò mie é tyé ndʉŋ ndʉŋ, ḿbiŋ ne ńjú’u pɔ́ ndà’ ncwò Ssé, ńne ńzába ntʉ́m gú ná yé, ńne ńkwoŋo nyìŋ mesoŋ, ńne ńtʉte tʉte nzèm Ssé, ńtyé nà yɛ̌ nò wɔ́, ńgẅiin pɔ́ kwɔ́gɔ nnɛ́.

1 Timote 4:12

Pɔ́ɔn légÿo mé gwága gú ngie ɔ́ɔ múɔ. Kag tʉ̀ tà pʉ̀a Kristo pí fʉ̀’ ná gù. À cʉa nà shwóŋè jú, á nà megiŋe mú, á nà jù ntí lekwoŋo nyìŋ mesoŋ, á nà jù ntí lézáb ntʉ́m nà Ssé, á ná gù lépɔ́ɔn nkwaŋá gẅie à lɔɔn ńgwɔ́ é cʉŋte gú.

1 Tesalonika 2:10

Pi ne ńzsé mmó gie peg la gÿo, e Ssé gíŋe ne ńzsé yé mà weg tsetsɛ̀ɛ pi pàzẅíŋe shwóŋè Ssé, à laa mbòŋ. Peg gwɔ́ ndʉŋ ndʉŋ atsɔ́ *lɔ̌’ɔ yég té wó wɔ́.

2 Timote 3:3

Letʉ́m sɔ́b tʉ pá’ tóon la, pɔ́ gwɔ́ pà tètsɔ́ɔn mezìŋe, éshwóŋe té poŋ ná pʉ̀a, ayɔ́b nò gwɔ́ pɔ́ léma’a tág. Pɔ́ gwɔ́ pɔ́ mefÿɛ́, é gwɔ́ ngàŋ mbù nò mbòŋo,

2 Timote 2:22

Kÿo shúm tepòŋ sie nkàŋ nyìŋ tsɔ́ɔn. Pia pʉ̀a pie pɔ́ tóŋo Cʉ̀apʉ̀a lê ntʉ́m mbòŋo fa’a nò gie á tyé ndʉŋ ndʉŋ, ńzáb ntʉ́m nà Ssé, ńkwoŋ pʉ̀a mesoŋ, éfa’ mbʉ́lè.

Lukase 2:25

Á gwɔ́ fʉ̀’ó, tsɔ̌ nyìŋ gwɔ́ Yerósalem, lezíŋ sé gwɔ́ le Simeon, á gwɔ́ nyìŋ, ńkú’te *lepʉ̌ Ssé ḿbiŋ ńjú’ ncwò wé. Mbà aa ńzɔ́gɔ ńzẅí’te nyìŋ gẅie à ge lá’ tó, pà Israel lɔgɔ yé ńtʉ, à Zẅìge Ndʉalʉ̌a gwɔ́ ntʉ́m yé.

Megàŋ ntúm 24:25

Pɔl tó tà ńzye lékyagte ntí gie nyìŋ lɔɔn ńdɔg ńnéŋe, mbà ngàŋ ge gwɔ́ nyìŋ gẅie à gÿo mmó gie á poŋo mbwo Ssé, ńne ńkyagte mbɔɔ pá’ à lɔɔn ńgwɔ́ nyìŋ kú’te mbùm ye pú’u, ńne ńkyagte shwóŋó yé ngie Ssé ge gÿo ŋag pʉ̀a metsèm. Ngúmnɔ́ɔn Felese jú’ pú’u, ńcʉ́’ʉ ńcÿɔ’ɔ cÿɔ’, ńgɔɔn né Pɔl ngie: Á nà fʉ̀’ɔɔn, fó lejʉ́ŋ mèŋ ńgʉa. Afʉ̀’ gÿo ńgíŋe ńku’, tá mèŋ n gíŋe ńtsẅi mé tóŋo gú ńné mèŋ.