Titus 1:7 - Nouveau Testament en Ngienboum

⁷ Pá’ nyìŋ gẅie à líe cú’tè pʉ̀a Kristo, à fa’a pɔ́ mefà’ Ssé la, á té zɛ́te ngie à gwɔ́ nyìŋ gẅie mé kíme yé té poŋ wɔ́. Tà á ńnéŋe ńgwag pʉ̀a, tà á ńnéŋe ńgyáŋa lóŋ, tà á ma’ mbùm yé nà melù’, tà á ńnéŋe sá’ pɔ́ mbʉ̀’, tà á lɔgɔ gate fa’ nkáb.

Titus 1:7 Referans Kwoze

2 Piɛ 2:10

À gwɔ́ lyɛ’ó, à tʉʉ lelÿò ńzáb ngɔ́’ twó pʉ̀a pie pɔ́ ńnéŋe ńgÿo mmó gie mbùm yɔ́b tsóte wɔ́b légÿo, ńnéŋe ńtsɔ́ɔn menò ncÿǒ. E Ssé gɔɔn nò pɔ́ gwág gwág. Pà zí’i pʉ̀a cÿɔ̌ nò, pɔ́ tsẅiŋe kʉ́kʉ́b wɔ́b tɛ’, ńzẅíŋe móm tà pɔ́ té pɔ́gɔ lézoonte mezẅìge mie é gẅíin legú’ wɔ́.

Efeso 5:18

Tà pi nú melù’ tà é jÿó gẅí. Legÿo pú’u, aa lecʉmé ná mánzsè tepòŋ. À Zẅìge ndʉalʉ̌a zɔ pu njÿó gẅí.

1 Piɛ 5:2

Mèŋ n gɔɔn mbwo pi pàkẅé mvfò ngie pi pféle nùɔ *njʉ̀njÿò Ssé gie à la cʉ́me mbwo pi, tà pi pféle pɔ́ pá’ fʉ̀’ gie mé gwǒon gẅi gwoon la, pi pféle lê ntʉ́m mbòŋo, pá’ Ssé ne ńkwoŋo. Tà pi gÿo pá’ fʉ̀’ gie pi fa’a nkáb la, pi lɔg pɔ́ nkwòŋe.

1 Piɛ 4:10

Awɔ̌wɔ́ɔ lɔgɔ yé fù’ gie Ssé lɔ̌g ńcÿó gʉm yé, ńkẅéte mefɛ́ pé. Pi gwɔ́ pá’ megàŋa fà’ pe mbòŋo pie pɔ́ ne ńkú’te fù’ mentí mentí gie Ssé náa mbwo pɔ́b pá’ á ge kẅéte petsɔ́ pʉ̀a.

Lukase 12:42

Yěsô tsɔ́’ɔ mbwo yé ngie: Ngàŋa fà’ we nénʉ́, á gẅie à gẅiin legyè, aa pé’e ńgwɔ́ wɛ̌? Aa gẅie tá fà’ ge gÿo gwaa gʉa, é gɔɔn né yé ngie: Afà’ gie mèŋ n nyě mbwo gù á yɔɔn, cʉ́’ ná shúm léjÿó mbwo petsɔ́ megàŋa fà’ á nà fʉ̀’ gie á ne ńzɛ́te.

Titus 2:3

Á gíŋ ńgwɔ́ pɔ́ ndʉŋ ndʉŋ pá’ ɔ̀ ge gɔɔn lé pànzwě pie é zẅǐŋ ngie pɔ́ gẅiin mà gẅie à poŋ Ssé, ngie tà pɔ́ shwóŋte nà mezíŋ pʉ̀a, ńgie tà pɔ́ ma’ mbùm yɔb nà melù’. Á zɛ́te ngie pɔ́ nyɛɛ mà mbòŋo,

Titus 1:5

Mèŋ n ka nyé gù Kelɛt légwɔ́ gie ɔ̀ ge cʉ́’ mege táŋte menò mie mèŋ n ka nyě, é piŋ záb pà kẅé mvfò tsɛ̀ɛ mecú’tè pʉ̀a Kristo mie ée tsɛ̀ɛ metÿǒsoŋ, é cʉ́’ʉ lézáb, é záb pɔ́ pá’ mèŋ n ka tsẅi né gù.

Filipo 1:1

Yɔɔn ŋwà’ne fóo mbwo mèŋ Pɔl. Peg Timoté gẅie peg yé pú fa’a nzèm Yěsô Kristo náa mbwo pi pie pi la zẅɛ́’ɛ Yěsô Kristo ńgwɔ́ pʉ̀a Ssé, á gẅi gẅie pi ee tÿǒsoŋ Filipo. Á gíŋe ńgwɔ́ gí pi pà líe cú’tè pʉ̀a Kristo laa pi pàfa’a tsɛ̀ɛ cú’tè.

Matio 24:45

Ngàŋa fà’ gẅie à jǔ’, ḿbiŋ ńgẅiin legye à gwá’a la? Aa gẅie tá fà’ we la cʉ́me pʉ̀a pé mbwó yé, pá’ à ge cʉ́’ ná shúm léjÿó mbwó pɔ́b á nà fʉ̀’ gie á ne ńzɛ́te.