Titus 1:5 - Nouveau Testament en Ngienboum

⁵ Mèŋ n ka nyé gù Kelɛt légwɔ́ gie ɔ̀ ge cʉ́’ mege táŋte menò mie mèŋ n ka nyě, é piŋ záb pà kẅé mvfò tsɛ̀ɛ mecú’tè pʉ̀a Kristo mie ée tsɛ̀ɛ metÿǒsoŋ, é cʉ́’ʉ lézáb, é záb pɔ́ pá’ mèŋ n ka tsẅi né gù.

Titus 1:5 Referans Kwoze

Megàŋ ntúm 14:23

Pɔl pɔ́ Panebâse ne ńcʉa nzɔ̌ jʉ’ wɔ́, ńtsɔ́’ɔ pʉ̀a pie pɔ́ ge kẅé mvfò tsɛ̀ɛ yɛ̌ cú’tè pʉ̀a Kristo wó. Tà á ku’, pɔ́ kwoŋo kwoŋ, ńdʉ’ʉ shúm léjÿó, ésẅíŋte Cʉ̀apʉ̀a Ssé, ńdeen ńké ńcʉ́me wɔ́b mbwo Cʉ̀apʉ̀a gẅie pɔ́ zẅiŋé nò yé.

1 Timote 1:3

Mèŋ n ne ńkwoŋo ngie ɔ̀ ńnéŋe Efeso, pá’ mèŋ n ka gwɔ́ gʉa lê Makedonia ńtsẅii mbwo gù la, ńnéŋe wó, ńzsé ngie ɔ̀ ge lʉ’ʉ mbwo tsɔ́ pʉ̀a pie ée wó ngie tà pɔ́ gíŋe ńzí’i pʉ̀a menò mie ée ná nò Yěsô Kristo é té ná mánzsè wɔ́.

1 Korento 14:40

Tá’ mé lɔg pɔ́ mbʉ́lè ńgÿo kɔ̀ɔkɔ́ɔ, tà nyìŋ néŋ ḿvéle nkàŋ.

2 Timote 2:2

Kímte nò gie ɔ̀ lɔ̌ɔn ńjú’u mèŋ n zí’i pʉ̀a, é laa pʉ̀a tà ńgyɔ́ɔn. Pɔ́ ée pàjÿò ńgyá. Ké cʉ́me pɔ́ yɛ̌ mbwo pʉ̀a pie pɔ́ ku’u légʉa ńzí’i yɔ́b petsɔ́ pʉ̀a, tè gʉa mǒ ńkúbe mmó.

1 Korento 11:34

Nzyè lɔɔn ne ńgyáŋa nyìŋ, á gwɔ́ fó mbʉ̀a yé, ḿvɔg ńjÿó mmó, légwɔ́ gie pi tè gʉa jʉ’ gie pi cú’te wó, étóŋte pɔ́ ntsaŋ gie Ssé ge ŋaga gẅi ŋag wɔ́. Á gʉa ná metsɔ́ menò, mbà mèŋ n ge gÿo tó tá nyɛte.

Megàŋ ntúm 27:21

Epʉ̀a ńnéŋe nzyè ná melyɛ̌’ tà ńgyɔ́ɔn. Pɔl lu ssé, ńtyé mvfò mânyìŋ ntsèm ńgɔ́ɔn ngie: Meshǔ pɔ́ɔn, pi kaa pé’è ńjú’ ncwò wɔ̀ɔn, mbà pege ka tè fó Kelɛt ńgʉa jʉ’ wɔ́. Mbà *máamáa kanú’ kà tè cʉŋte, eshúm metʉ̌a piŋ ńké tè kúu pyé wɔ́.

Megàŋ ntúm 27:12

ńzɔɔn ńgwaa gwɔ́, ajʉ’e letyé *memáamáa kanú’ gie mé ée wó á té lìi jʉ’ gie à lɔɔn ńgwɔ́ pʉ̀a tsẅé wó nà fʉ̀’e fóm tà nò poŋo wɔ́b gwɔ́. Á cʉa pú’u, pʉ̀a metsèm pie pɔ́ laa tsɛ̀ɛ *máamáa kanú’ cʉ́’ ńzáb pɔ́ ngie mé fó jʉ’ó ńgʉa, ńne ńkwaŋa ngie á lɔɔn ńná shÿó, pɔ́ gʉa tà ńkúu nà jʉ’e letyé *memáamáa kanú’ gie áa tsɛ̀ɛ ngwòŋ Kelɛt mé tóŋ lê Fénis. Fénis gwɔ́ tÿǒsoŋ gie lezẅé tsetsá’ la tóo jʉ’ó ńkẅɛ, ayetsɔ́ sǎga tÿǒsoŋ gwɔ́ líe gwǒŋo Mbyě nèm ye kwóŋ, yetsɔ́ líe ngwǒŋo Mbyě nèm ye ntsíŋ. Pɔ́ tsɔ́ɔn pú’u, lékúu wó ńdá’ ńnéŋe tà fʉ̀’e fóm tɔ́g.

Megàŋ ntúm 27:7

Peg lɔg melyɛ’ɛ́ lá’ tà ńgyɔ́ɔn, ńké ńgiŋe pɔ́ ndɔ́ɔn ndɔ́ɔn. Tà ńgwɔ́ gyá tÿǒsoŋo Snide, mbà peg gyǎ ngɔ́’ tɛ’. Afóm pú ńtɔ’ɔ wég légʉa ndʉŋ ndʉŋ tà ndà’. Peg cʉ́’ ńtéŋe ńdɔg pɔ́ shÿó Crete ńgʉa, é gíŋe ńgwɔ́ tsɔ́ ngwòŋ gẅie ntse la kéle ńnéŋe soŋ. Peg kúu wó, ńná’a ńdÿɔ́’ɔ fóm ńdɔg ye Salmone, ńgʉa. Á gwɔ́ jʉ’e tsetsá’ Kelɛt gie á la sẅige, ńkúu ntse.

Megàŋ ntúm 11:30

Awɔ̌wɔ́ɔ mwoonte pɔ̀ɔn yé. Mé cú’tè, ńnáa mbwo Panebâse pɔ́ Sɔ̂l. Pɔ́ lɔg ńgʉa lénáa mbwo pàkẅé mvfò tsɛ̀ɛ cú’tè pʉ̀a Kristo.

Kolosia 2:5

Mèŋ n tsɛ ńgwɔ́ ngʉ̀a shʉ̀shʉ̀a, tá nkwaŋá wɔ̀ɔn tyé pɔ́ ná pi. Mèŋ n ne ńkága á nue mèŋ n zsě ngie pi ne ńtáŋte menò mí mboŋó, ḿbiŋ ńkú’te nò Kristo tà á tʉ.

Megàŋ ntúm 2:11

Etsɔ́ pʉ̀a tsetsɛ̀ɛ pɔ́b gwɔ́ pà Yuda lyɛ’ɛ́ nzyé, petsɔ́ gwɔ́ pʉ̀a pie pɔ́ la zẅíŋe nò Ssé pà Yuda. Té tʉ́ pàfó Kelɛt lâ Arabia. Á gÿo lêkɔ́ pege metsèm jú’u kwà’ nà meshwóŋe mégé mie ée mentí mentí, pá’ pʉ̀a pɔɔn gɔɔn pá’ mefà’ Ssé fáŋ pú’u?

Megàŋ ntúm 27:13

Epʉ̀a *máamáa kanú’ gyá fefà ná’a fó shÿó ntsíŋ ńzye lécʉ’e, pɔ́ zsé yɔ́b pɔ́ ngie anò gie pɔ́ kwǎŋ á ge giŋ, ńdeen ńkaa *máamáa kanú’ ńdɔg ńgiŋ pɔ́ ngʉ̀ŋe ngwòŋ Kelɛt.

1 Korento 4:17

N gwɔ̌ túmo Timoté né pi ńtí pɔ́ pú’u. Aa nà nò Kristo ńgwɔ́ míŋ wɔ̀ɔn mie n kwoŋo yé tɛ’. À zsé pɔ́ ndà’ nò Cʉ̀apʉ̀a. Á ge tó kímte gẅi mmó gie n zí’i pʉ̀a á nà legiŋe nzèm Kristo pɔ́ kwà’ pá’ mèŋ n ne ńtóo nzɔ̌ nzɔ̌ tsɛ̀ɛ mecú’tè pʉ̀a Kristo ńzí’i pʉ̀a.

Titus 1:12

Kwa’ tsɔ̌ nyìŋ Kelɛt pá’ pɔ́b gẅie aa mbwo pɔ́b ńgwɔ́ pá’ ntsẅi nkʉ Ssé, à la gɔɔn ngie: Epʉ̀a Kelɛte e gwɔ́ pɔ megàŋa cÿɔ̌ nò, ńgwɔ́ pɔ́ mepʉ̀a ngwe, ńgwɔ́ pɔ́ melǒŋ, ayɔ́b nò gwɔ́ pɔ́ mmó gie á ge kúu lepfòm pɔ́b.