Titus 1:4 - Nouveau Testament en Ngienboum

⁴ Mèŋ n ŋwe’e yɔɔn nò, ńnáa mbwo gù Titus. Ɔ̀ɔ mbwo mèŋ, ńgwɔ́ míŋ wɔɔn tɛ’. Pɔgɔ pú ńzáb ntʉ́m nà Yěsô Kristo. Mèŋ n ne ńdúɔ mbwo Tá wege Ssé pɔ́ Yěsô Kristo, yé gẅie à gÿo pege tsẅɛ́ɛ, ńgie pɔ́ ne ńgwɔ́ né gù, ńne ńnéŋe sẅétè ntʉ́m gù.

Titus 1:4 Referans Kwoze

2 Timote 1:2

Mèŋ n naa yɔɔn ŋwà’ne mbwo gù Timoté, gù míŋ wɔ̀ɔn, n kwoŋo gú tɛ’. N ne ńdúɔ mbwo Tá wege Ssé mbɔɔ mbwo Cʉ̀apʉ̀a wege Yěsô Kristo ngie pɔ́ ne ńgwɔ́ né gù, ńne ńtsɔ́ɔn mezìŋe mú, ńne ńnéŋe sẅétè ntʉ́m gù.

Jẅide 1:3

Meshǔ pɔ́ɔn pe tʉ̀ nzẅìŋ, n kɔ̌ɔn ńzɔ́gɔ ńtsɔ́ɔn tsɔ̌ɔn léŋwe’e ŋwà’ne ńnáa mbwo pi á nà nò pá’ e Ssé ka gÿo pege metsèm pú ńtsẅɛ́, tá’ n ka neŋé tà ḿbú ńgyá fʉ̀’ɔɔn ngie á zɛ́te ngie mèŋ n ŋwe’e ńdɔg ńkẅiŋte gẅi léma’ ncù ńdɔg ḿbɔ́ɔnte nò Yěsô Kristo gie e Ssé la cʉ́me mbwo pege pʉ̀a Ssé. Yɛ̌ nò gwɔ́ pɔ́ yémɔ’ɔ́ ndà’, atsɔ́ té ńdá’a ńgíŋe ńgwɔ́ wó wɔ́.

2 Piɛ 1:11

À gwɔ́ pú’u, mé lá’ shʉa shʉa ńtsɔ́’ nzsè gie e gee ńkúu tsɛ̀ɛ lefùɔ tèmì se Yěsô Kristo, ńná né pi. Aa Cʉ̀apʉ̀a wege, ńgwɔ́ nyìŋ gẅie à gÿo pege tsẅɛ́ɛ.

2 Piɛ 1:1

Aa mèŋ Símo Piɛ, nyìŋ gẅie à fa’a fà’ Yěsô Kristo, ńgíŋ ńgwɔ́ ngàŋ ntúm we. Mèŋ n náa yɔɔn ŋwà’ne mbwo pi pie pi la záb ntʉ́m ná Yěsô Kristo pá’ peg yég. Lezǎb ntʉ́m ná Yěsô Kristo áa mmó tʉ̀ nzẅìŋ mbwo pi mbɔɔ mbwo peg yég. Yěsô Kristo yé maŋwɛ́ zɔ la gÿo pú’u, né pege, á nue à gÿo mmó nà wɔ̌ɔwɔɔ pɔ́ ndʉŋ ndʉŋ. Aa Ssé yege, ńgwɔ́ nyìŋ gẅie á gÿo pege tsẅɛ́ɛ.

2 Korento 2:13

tá’, mbùm yɔ̀ɔn ké ńtsyɛte tsyɛte, mélà’mie n da tè fɛ́ wege Titus wó gyá. Áa mmó gie á la gÿo mèŋ n de’e pʉ̀a Toras ńgʉa nê Makedonia léfa’a yé.

2 Piɛ 3:18

Pi lɔg pɔ́ pá’ pi ne ńzsé Yěsô Kristo, Cʉ̀apʉ̀a wege, ńgwɔ́ nyìŋ gẅie à gÿo pege tsẅɛ́ɛ, ńdɔg ńgʉa né mvfò, ńzsé ngie à ge kẅi’i cÿó gʉm gí, é ne ńgwɔ́ɔ né pi. Legú’ à gwɔ́ mbwo yé tà fó fʉ̀’ɔɔn, à lá’a ńgwɔ́ɔ pɔ́ pú’u! *Amen.

2 Korento 8:23

Á gʉa ná Titus, mbà aa *ngàŋa kwò wɔ̀ɔn, à ne ńkẅéte wɔ̀ɔn nà fà’ gie mèŋ fa’a ńtí gẅí, ńgʉa ná pɔɔn mefɛ́ pégè mépʉ́a, mbà pɔ́ ée pʉ̀a pie mecú’tè pʉ̀a Kristo kà tumó wɔ́b, ée pʉ̀a pie yɔ́b fà’ kwé’e lezíŋ Kristo ńnáa tÿǒ.

Roma 1:12

Ndyɛ̌’ n kɔ’ɔ́ gɔɔn pɔ́ ngie n dɔɔn tó ńgwɔ́ tsetsɛ̀ɛ pi, egi ntí lézáb ntʉ́m nà Ssé é kẅiŋte wɔ̀ɔn, eyɔ́ɔn ntí kẅiŋte gẅí.

Ŋwà’ne Jâŋ 4:42

Ńne ńgɔɔn né manzwě ŋwɛ́ ngie: Peg tě ńnyé ńzába ntʉ́m ná Yěsô ńtí pɔ́ shwóŋè jú ndà’ wɔ́, peg zába ntʉ́m ná ye fʉ̀’ɔɔn, ńtí pá’ peg yég cwoŋó ńjú’u shwóŋè yé, tà ńzsé ngie aa nyìŋ gẅie à ge gÿo pʉ̀a mesoŋ pie ée tsɛ̀ɛ njÿó e tsẅɛ́.

1 Jâŋ 5:14

Ammó gie á gÿo pege tyé mvfò Ssé ntʉ́m wégè té vɛ, á gwɔ́ pɔ́ ngie: Pege ne ńzsé ngie, pege lɔɔn ńdúɔ mmó mbwo yé, á gwɔ́ gie à ne ńkwoŋo, mbà à ge jú’.

2 Piɛ 3:2

Pi kímte shwóŋè gie pà *ntsẅì nkʉ̀ Ssé pe Ndʉalʉ̌a la tʉ́ njÿó ńgɔɔn, mbɔɔ *lepʉ̌ sie megàŋ ntúm Yěsô ka zí’i gẅí, éfóo mbwo Cʉ̀apʉ̀a á gwɔ́ nyìŋ gẅie à gÿo pege tsẅɛ́ɛ.

2 Piɛ 2:20

E pʉ̀a lɔɔn ńzɔɔn ńdɔg pá’ pɔ́ zsé Cʉ̀apʉ̀a Yěsô Kristo gẅie à gÿo pege tsẅɛ́ɛ, éfó nà ncÿǒ gẅie ée tsɛ̀ɛ njÿó ńkẅɛ, ńgÿo ńgíŋ ḿbiŋe tsoló, ńzẅíŋ sɛ̌ shúm pú ńjÿó wɔ́b, mbà pɔ́ ge pÿɔ́g tà cʉa pá’ pɔ́ ka zɔɔn ńgwɔ́.

Titus 1:3

À la ńnéŋe tà fʉ̀’ ku’, à gÿo mé zsé légwɔ́ tèmì ŋwɛ́, éfó nà shwóŋè yé. Yé Ssé gẅie à gÿo pege tsẅɛ́, à la cʉ́me yɛ̌ shwóŋè mbwo mèŋ, ńgie mèŋ sá’a mbwo lá’.

Kolosia 1:2

mbwo pi pʉ̀a Ssé pie pi ńnéŋe Kolos. Pi pǔ ńgwɔ́ mefɛ́ mefɛ́ á nà nò Kristo, pi ké ńzsé pɔ́ ndà’ yɛ̌. Tá wege Ssé ne ńgwɔ́ né pi, ńne ńnéŋe sẅétè ntʉ́m pi.

Efeso 1:2

Tá wege Ssé mbɔɔ Cʉ̀apʉ̀a Yěsô Kristo ne ńgwɔ́ né pi, ńne ńnéŋe sẅétè ntʉ́m pi.

Galatia 2:3

Titus gẅie peg yé la gwɔ́, laa nyìŋ Gelekia, tá’ tà mbɔɔ pú’u, pɔ́ ké tè sẅɛ́ɛ yé ngie à zẅíŋ mé pú’u yé tá à gwɔ́ nyìŋ Ssé wɔ́.

2 Korento 12:18

N da sẅíŋte Titus ngie à gʉa tà ńgyá gẅí, ńtúmo wɔ́b wetsɔ́ fɛ́ wege gẅie pi ne ńzsé yé la. Tsye Titus la tó fʉte gẅi ńkẅé tsɔ́ mmó mbwo pi ka? À la tè giŋ pɔ́ nà mekwò mɔ́ɔn maa? Peg yé ké tè gẅiin pɔ́ tà’ nkwaŋá waa?

2 Korento 8:16

Pege ná ndǎg mbwo Ssé á ná pá’ à gÿo Titus zeŋe nnɛ́ nà nò gí pá’ peg.

2 Korento 8:6

Áa mmó gie á ka gÿo peg sẅíŋte Titus ngie à gʉa lá’ pi, ńgÿo yɔɔn fà’a pòŋo ntʉ́m gie à la gÿo pi zye, á mege ńcʉ́me.

2 Korento 7:6

Tá’, e Ssé tsí’i ntse nÿɔ́g még pá’ aa ńtsí’i ntse nÿɔ́g pʉ̀a pie pɔ́ ne ńdʉa. Á gwɔ́ pá’ à la gÿo Titus fɔ́ɔn ńtó ńgyá wég.

2 Korento 4:13

Ŋwà’ne Ssé gɔɔn ngie: N ka záb ntʉ́m nà Ssé, áa mmó gie á ka gÿo mèŋ n gɔɔn nò, peg ka lɔg pá’ peg záb ntʉ̀m nà Ssé, á nà yɛ̌ ntí, ńgẅiin yég pɔ́ légɔɔn nò Ssé,

Roma 1:7

Mèŋ m biŋ ńnáa yɔɔn ŋwà’ne mbwo pi métsèm pie pi ee tÿǒsoŋo *Roma. Pi pie e Ssé kwoŋo gẅi, áa yɛ̌ à la tóŋo gẅi pá’ pi ge gwɔ́ pʉ̀a pé pie à tsɔ̌’. Mèŋ ne ńtsɔ́ɔn ngie Tá wégè Ssé mbɔɔ Cʉ̀apʉ̀a Yěsô Kristo ne ńgwɔ́ né pi, ńně ńnéŋe sẅéte ntʉ́m pi.

Lukase 2:11

Mé la’á tÿǒsoŋ fùɔ Ndavíd lyɛ̌’ɔɔn, ńzyé Nyìŋ gẅie à ge gÿo pi tsẅɛ́. Aa Kristo gẅie Cʉ̀apʉ̀a Ssé la ka’.

Galatia 3:26

Pi metsèm zɔɔn ńdɔg pá’ pi záb ntʉ́m ná Yěsô Kristo ńgwɔ́ púɔ Ssé.

Galatia 3:28

Á fó pú’u, e Ssé tè gíŋe ńgÿo tsɔ́ tyɛ’te ná pà Yuda lâ pʉ̀a Gelekia wɔ́, ńké té gíŋe ńgÿo nà menkwɔɔn lâ pà ndù nnɛ́ wɔ́, ńké tè gíŋe gÿo nà mbàŋa lâ pànzwé wɔ́, á nue pi lɔg pá’ pi la nnɛ́ ná Yěsô Kristo ńcʉ́’ ńgwɔ́ pɔ́ tà’ ntí

1 Timote 1:12

Mèŋ sǐe Cʉ̀apʉ̀a wege Yěsô Kristo pá’ à la náa wɔ̀ɔn metʉ̀ á lélɔg fa’a fà’ yé. Mèŋ sǐe yé pá’ à la gyá ngie mèŋ n ku’u we nyìŋ, ńtsɔ́’ɔ wɔ̀ɔn ńdɔg ńgÿo ngàŋa fà’ we.

2 Timote 1:1

Yɔɔn ŋwà’ne fóo mbwo mèŋ Pɔl, ngàŋ ntúm Yěsô Kristo, mbà Ssé zɔ la kwoŋ ngie n gwɔ́ wɛ̌. Ayɔ́ɔn fà’ gwɔ́ légʉa ńgɔɔn nò ná le gwɔ́ gẅie e Ssé la ka’ ngie pʉ̀a mesoŋ ge gẅiin é zẅɛ́’ɛ Yěsô Kristo.

2 Timote 4:10

Zsé ngie Ndemas kéen ńgwá’a wɔ̀ɔn, mélà’mie à kwoŋ shúm njÿó tɛ’. Yɛ̌ zɔ̌ ka gÿo á gʉa né Tesalonika. Kelesens ka gʉa lé Galatia, Titus gʉa lé Ndalmatia.

Titus 2:13

Á gíŋe ńgwɔ́ mbɔɔ pá’ pege ne ńzwí’te máa maa lyɛ’ɛ́ lá’ gie Yěsô Kristo ge lá’ nyɛɛ legú’ we. Yé zɔɔ Ssé yege yé lÿò, à gÿo pege tsẅɛ́ɛ.