Titus 1:2 - Nouveau Testament en Ngienboum

² Pú’u mé ńnéŋe ne ńzẅí’te légwɔ́ tèmì gẅie e Ssé la lá’ ńnyé pɔ́ tè pú’ ngwòŋ, ńka’a mbwo pʉ̀a pé. Mé zsé ngie àa těen ńgɔɔn nò mé fa’a kékáŋ wɔ́.

Titus 1:2 Referans Kwoze

1 Jâŋ 2:25

Kristo la ka’a mbwo pege ngie, pega Ssé ge lá’a gwɔ́ pɔ́ fʉ̀’ ntsèm.

2 Timote 1:9

À la gÿo pege tsẅɛ́, éfaga wégè ńdɔg ńgÿo pʉ̀a pé. À lɔ̌ɔn těen ńgÿo pú’u, éfóo pɔ́ nà mefà’ mbòŋo mie pege fǎ’ wɔ́, à la cÿó pɔ́ gʉme yégè. Pú’u, mbà njÿó la nyé pɔ́ tè gwɔ̌ wó, kwà’ yé zɔ̌ záb ngie à ge gÿo lɔgɔ Yěsô Kristo, é gÿo pú’u, ná pege.

Jẅide 1:21

Pi gÿo e Ssé ké ńne ńkẅi’i ńkwoŋo gẅi kwoŋ, ńne ńzẅí’te ngie Cʉ̀apʉ̀a wege Yěsô Kristo ge gÿo gÿo pi gẅiin le gwɔ́ tèmì, á nue à tsɔ́ɔn mezìŋe mí.

2 Timote 1:1

Yɔɔn ŋwà’ne fóo mbwo mèŋ Pɔl, ngàŋ ntúm Yěsô Kristo, mbà Ssé zɔ la kwoŋ ngie n gwɔ́ wɛ̌. Ayɔ́ɔn fà’ gwɔ́ légʉa ńgɔɔn nò ná le gwɔ́ gẅie e Ssé la ka’ ngie pʉ̀a mesoŋ ge gẅiin é zẅɛ́’ɛ Yěsô Kristo.

Titus 3:7

À la néŋ pá’ɔɔn légwɔ́ gie pege ge lá’ gẅiin le gwɔ́ tèmì gẅie pege neŋé ńne ńzẅí’te. E Ssé ge lá’ ná né pege, mélà’mie à la kwoŋo wégè, ńcÿó gʉm yégè, ńgÿo pege cʉ́’ pʉ̀a pie ée mvfò ye ńgwɔ́ ndʉŋ ndʉŋ.

Titus 2:13

Á gíŋe ńgwɔ́ mbɔɔ pá’ pege ne ńzwí’te máa maa lyɛ’ɛ́ lá’ gie Yěsô Kristo ge lá’ nyɛɛ legú’ we. Yé zɔɔ Ssé yege yé lÿò, à gÿo pege tsẅɛ́ɛ.

2 Timote 2:15

Kag tʉ̀ légwɔ tyé mvfò Ssé, ńgwɔ́ nyìŋ gẅie à lɔɔn ńgwɔ́ e Ssé zẅíŋe nò yé, gwɔ́ ngàŋa fà’ gẅie eshʉ́ té ge ne kúu yé nà fà’ yé wɔ́. Gwɔ́ ngàŋa fà’ gẅie à tsẅi nkʉ̀ nò gie áa nénʉ́, té gʉa mǒ ńkúbe tsɔ́ mmó.

2 Timote 2:13

Á lɔɔn ńgwɔ́ gie pege neŋé ḿmoŋo yé, mbà à ké tè wégè moŋe Á nue à lɔɔn ńgwɔ́ á le gÿo mmó té gwɔ́ gie áa nà we mà wɔ́

1 Jâŋ 5:20

Pege ne ńzsé ngie Míŋ Ssé la tó ńnáa wégè legyè pá’ pege ge lɔg zsé kwà’ Ssé ye nénʉ́, peg la zẅɛ́’ pɔ́ yé Yěsô Kristo tá pega Ssé ye nénʉ́ cʉ́’ ńnéŋe, mbà pega pɔ́ léen ńtemte.

Titus 2:7

Kwà’ gù tyé nà kɔ́ wɔ́, ńnyɛ́ pɔ́ fʉ̀’ʉ mmó mbòŋo. Ɔ̀ lɔɔn ne ńzí’i pʉ̀a mmó, ɔ̀ zí’i wɔ́b pɔ́ ndà’ nò gie áa nénʉ́, ḿbiŋ ńzí’i tà ńzsé mmó gie ɔ̀ zí’i yɛ̌.

1 Tesalonika 5:8

Tá ńgʉa ná pege pie pege giŋe fʉ̀’ʉ zsó, mbà á ne ńzɛ́te ngie pege jÿó mmó à ku’ ku’, nkwòŋe mbɔɔ lézáb ntʉ́m nà Ssé e gwɔ́ yege nzsǒ ncù gie mé lɔgɔ tʉ̌ ńnyɛte. Lezẅi’té lyɛ̌’ gie e Ssé ge gÿo pege tsẅɛ́, à gwɔ́ yégè cÿɔ́’ɔ ncù gie mé lɔgɔ tʉ̌ ńnyɛte.

Roma 6:23

a nue mmó gie nò tepòŋ lɔ́g ḿbéen fà’a nyìŋ, á gwɔ́ pɔ́ ngàŋ lekwé, tá afù’ gie e Ssé náa mbwo nyìŋ pɔ́ sẅɛɛ sẅɛɛ, á gwɔ́ pá’ ngàŋ zẅɛ̌’ pá’ á la nnɛ́ ná Cʉ̀apʉ̀a wege Yěsô Kristo, ńgẅiin le gwɔ́ tèmì.

Matio 25:46

Pɔɔn pʉ̀a leen ńké ńgʉa lê jʉ’ gie pɔ́ ge lá’a tsẅé wó, é gyá pɔ́ ngɔ́’ tèmi. Pʉ̀a pie é la gÿo mmó gie e Ssé ne ńkwoŋo, pɔ́ gẅiin le gwɔ́ tèmi

Matio 25:34

Fùɔ leen ńké ńgɔɔn né pʉ̀a pie ée nà gwǒŋo pwó yé ye tʉ̀ ngie: Pi pie tá wɔ̀ɔn kěen ńnéŋ mbʉ́lè ná pi, pi tó ńkúu tsɛ̀ɛ lefùɔ sie e Ssé la lá’ nyɛte ńdɔg ńzẅí’te gẅi tà fó lénuŋe ngwòŋ.

Ŋwà’ne Ngyà jʉ’ 17:8

Nɔ̀ɔn gẅie ɔ̀ gyǎ lɛ, à laa wó, tá’ à ké ńcʉ́’ʉ wó wɔ́. À ge gÿo gíŋe gwɔ́ wó, éfóo tsɛ̀ɛ pÿé té lǎŋ kwɔ́’ gʉa lé jʉ’ gie à ge kúu wó é kúu pyé. Epʉ̀a pie ée ndùmo ssé tsetsá’, mbà mé la tè ŋwe’e lezíŋ sɔ́b tsɛ̀ɛ ŋwà’ne gie á gÿo mé gwɔ́ wó, tà fó fʉ̀’ gie mé la nuŋe njÿó wɔ́, pɔ́ ge gÿo gyá nɔ̀ɔn ŋwɛ́ é mɔɔn tɛ’. Á nue à laa wó, à tè gíŋe ńgwɔ́ wó wɔ́, é ké gÿo gíŋe kẅɛ.

Ŋwà’ne Ngyà jʉ’ 13:8

Pʉ̀a metsèm pie ée ndùmo ssé tsetsá’ ge gÿo kẅí’te mvfò yé, é gu’te yé. Mé gɔɔn ngwòŋ pʉ̀a metsèm pie mé la tè ŋwe’e lezíŋ sɔ́b á tsɛ̀ɛ ŋwà’ne le gwɔ́ wó, tà fó fʉ̀’ gie njÿó la zye wɔ́. Aŋwà’ne ŋwɛ́ áa ye mûɔ *Njʉ̀njÿò gẅie mé la zẅé yé.

2 Timote 2:10

Áa mmó gie á gÿo mèŋ n ne ńgyá ngɔ́’ pɔ́ lêkɔ́ wɔ́, ńtíi pʉ̀a pie e Ssé tsɔ’ɔ́ wɔ́b, éshÿɔgɔ shÿɔg, ńzsé ngie Kristo ge gÿo pɔ́b yɔ́b tsẅɛ́. Pɔ́ fo pú’u, ńgẅiin legú’ tèmì.

1 Timote 6:19

Pɔ́ lɔɔn ńgÿo pú’u, mbà pɔ́ lɔgɔ ńcú’te fù’ yɔ́b ńde’e ná jʉ’ʉ mbòŋo, á jʉ’ gie yɛ̌ fù’ ge lá’a gwɔ́ pɔ́ wó, é lɔgɔ pú’u, gẅiin kwà’ le gwɔ́ wó.

Roma 5:21

Á cʉa pú’u, e Ssé lɔg pá’ à tsɔ́ɔn mezìŋe mɔ́b, yé zɔ̌ cʉ́’ ńgẅiin wɔ́b, ńgÿo pɔ́ cʉ́’ pʉ̀a pie ee ndʉŋ ndʉŋ mvfò yé, á lɔgɔ sẅé pá’ nò tepòŋ la gÿo legwé gẅiin pʉ̀a mesoŋ, ńzẅéte wɔ́b. E Ssé tsɔ́ɔn mezìŋe mégè ńcÿó gem yégè pú’u, pege zẅɛ́’ɛ Cʉ̀apʉ̀a Yěsô Kristo tá ńgẅiin le gwɔ́ tèmì.

Megàŋ ntúm 15:18

É gwɔ́ menò mie aa ńzsé zsě.

Ŋwà’ne Jâŋ 17:2

Ɔ̀ la ná metʉ̀ mbwo yé lélɔg ńdíe pʉ̀a mesoŋ, ńzsé ngie à ge náa légwɔ́ tèmì, á mbwo pʉ̀a metsèm pie ɔ̀ la náa mbwo yé.

Ŋwà’ne Jâŋ 10:28

Mèŋ n naa le gwɔ́ tèmì mbwo pɔ́b, pɔ́ téen ńdá’a ńgíŋe ńkaa ndòon tèmì wɔ́. Sɔɔn nyìŋ piŋ tè ku’u léfó mbwo mèŋ ésa’a wɔ́b gwɔ́.

Ŋwà’ne Jâŋ 6:68

Símo Piɛ tsɔ́’ɔ mbwo yé ngie: Cʉ̀apʉ̀a, peg ge gʉa kẅɛ́te pɔ́ wɔ̌? Ɔ̀ gẅiin shwóŋè gie á náa le gwɔ́ tèmì.

Ŋwà’ne Jâŋ 6:54

Nyìŋ pfɛ́ mbab nnɛ́ yɔ̀ɔn, ńnú metse mɔ́ɔn, á gẅiin le gwɔ́ tèmì. Mèŋ n gÿo ńzíme ngàŋ nà legwé á lyɛ’ɛ́ nzsò nzèm.

Ŋwà’ne Jâŋ 5:39

Pi mwoon ŋwà’ne Ssé, mélà’mie pi ne ńkwaŋa ngie pi ge cʉa mǒ gẅiin le gwɔ́ tèmì. Yɛ̌ zɔ ké ne ńgɔɔn nyìŋ gẅie mèŋ n gee wɛ̌.

1 Timote 6:12

Ké ne ḿma’a jú pɔ́ ncù mbòŋo we pàzáb ntʉ́m nà Ssé. Kú’te le gwɔ́ tèmì mboŋó, mélà’mie e Ssé la tóŋo gú, ntí pɔ́ wɛ̌. Ɔ̀ piŋ ńtyé mvfò pʉ̀a tà ńgyɔ́ɔn ńzẅíŋe nò mbòŋo gie ɔ̀ zába ntʉ́m gú mǒ.

1 Tesalonika 2:15

Pà Yuda ŋwɛ́ la zẅé pà *ntsẅì nkʉ̀ Ssé pe fʉ̀’e mvfò, pɔ́ kéen ńgíŋ ńzẅé Cʉ̀apʉ̀a Yěsô. Pɔ́ piŋ ne ńkʉ́e wég. Pɔ́ té gÿo mmó gie á poŋ Ssé wɔ́, pɔ́ pʉa pʉ̀a metsèm.

Roma 16:25

Pege gu’te Ssé. Yé zɔ ku’u légÿo pi tʉte tʉte nzèm yé. Nkʉ̀ Mbòŋo gẅie mèŋ n tsẅii é gɔɔn nò ná Yěsô Kristo, é ge ne fa’a yɛ̌ fà’. E Ssé lɔgɔ wɔɔn Nkʉ̀ Mbòŋo, ńnyɛɛ mmó gie à la zába ná Kristo, mbà á ka zɔ̌ɔn ńgwɔ́ pɔ́ lelyěen tà fó taa mángù’.

Roma 5:4

Léshÿɔg ge gÿo pege cÿɔgte. À cʉa pú’u, pege ńnéŋe ne ńzẅí’te ngie ammó gie shwóŋè Ssé ne ńgɔɔn, yé Ssé ge gÿo à pumte nà pege.

Roma 5:2

Yé Yěsô zɔ la tsɔ́’ɔ mánzsè tá Ssé cÿó gem yégè pá’ɔɔn, ta à cʉ̌’ ńgwaa ńgwɔ́ pɔ́ né pégè pú’u éfó nà pá’ pege zǎb ntʉ́m ná yé Yěsô. Pege ee pá’ɔɔn lékag gwɔ́ ntʉ́m pege tɛ’, á nue pege neŋé ne ńzẅí’te pá’ Ssé ge gÿo gab shúm sie ée nà legú’ we, é ná ségè.

Roma 2:7

é náa le gwɔ́ tèmì mbwo pʉ̀a pie pɔ́ la lɔgɔ légÿo nò mbòŋo té kʉ́a, ńně ńtsɔ́ɔn ngie e Ssé zɔ náa wɔ́b legú’, ńnáa wɔ́b mékù’, ńgÿo pɔ́ gwɔ́ tsɛ̀ɛ le gwɔ́ gẅie mé te gíŋe kwé mǒ wɔ́.

Roma 1:2

Ntyě sǎg pá’ Ssé la la’ ńka’ wɛ̌ Nkʉ̀ Mbòŋo tà ńgÿo pà Ntsẅi nkʉ̀ pé pe fʉ̀’ʉ mvfò ŋwe’e tsɛ̀ɛ ŋwà’ne yé.

Ŋwà’ne Jâŋ 17:24

Tá wɔ̀ɔn, ɔ̀ la náa wɔ́b né mèŋ. Mèŋ m biŋ ne ńkwoŋo ngie pɔ́ gwɔ́ jʉ’ gie mèŋ n gee ne wó, ńgyá wɔ̀ɔn legú’, á legú’ gẅie ɔ̀ la náa mbwo mèŋ, á nue ɔ̀ la kwoŋo wɔ̀ɔn tà fó ńnyé pɔ́ tè nyɛte njÿó.

Kolosia 1:27

Á nue e Ssé ka gyǎ ngie à ge gÿo pʉ̀a pé zsé mmó gie á la zɔɔn ńdyeen menÿɔ́g pʉ̀a lyeen, ńgwɔ́ gie à la ka’a légÿo ná metúmo metúm, yɛ̌ mmó gẅiin fù’, ḿbiŋ ḿboŋ tɛ’. Yɛ̌ ntsem gwɔ́ ngie pi zsé ngie Kristo aa tsɛ̀ɛ ntʉ́m gẅí, ńne ńgÿo pi zẅí’te fʉ̀’ gie pi ge lá’ kúu tsɛ̀ɛ legú’ Ssé.

Malékuse 10:30

tà nyé té zye pɔ́ fʉ̀’ɔɔn légẅiin setsɔ́ ngʉ̀a nkÿo wɔ́, mé ge tsɛ kʉ́e yé, tá’, e Ssé ké ńgÿo à fó pɔ́ fʉ̀’ɔɔn ńgẅiin mendá, ńgẅiin mefɛ́, ńgẅiin memá pé, ńgẅiin gubé yé, ńgẅiin menká’ mé, à piŋ ńdá’ ńgwɔ́ tsɛ̀ɛ ngwòŋ sẅé, ńgẅiin le gwɔ́ tèmì.

Malékuse 10:17

Yěsô gÿo ńtyé mánzsè ńne ńgee, atsɔ̌ nyìŋ kÿote ńtó ńkẅí’te mvfò yé, ńzɛ́te yé ngie: Tsítsà, gù zɔɔ kwà’ nyìŋ mbòŋo. Mèŋ n ge gÿo yɔ́ɔn lêkɔ́ tá gẅiin le gwɔ́ tèmì?