Titus 1:12 - Nouveau Testament en Ngienboum

¹² Kwa’ tsɔ̌ nyìŋ Kelɛt pá’ pɔ́b gẅie aa mbwo pɔ́b ńgwɔ́ pá’ ntsẅi nkʉ Ssé, à la gɔɔn ngie: Epʉ̀a Kelɛte e gwɔ́ pɔ megàŋa cÿɔ̌ nò, ńgwɔ́ pɔ́ mepʉ̀a ngwe, ńgwɔ́ pɔ́ melǒŋ, ayɔ́b nò gwɔ́ pɔ́ mmó gie á ge kúu lepfòm pɔ́b.

Titus 1:12 Referans Kwoze

1 Timote 4:2

Á lɔgɔ ńgwɔ́ ngie mɛ̌ menò ge lá’ kẅɛɛ ncwò pʉ̀a pie pɔ́ cÿɔ nò, ńgwɔ́ pà nkwòŋ menÿɔ́g, mbà pɔ́ léen shÿɔg tà mbùm yɔb cʉ́’ʉ ńcúa wɔ́b pɔ́ téen ńjú’u wɔ́.

Roma 16:18

Á nue yɛ̌ ntí pʉ̀a tě fa’a fà’a Cʉ̀apʉ̀a wege Yěsô Kristo wɔ́, pɔ́ tsɔ́ɔn pɔ́ lepfòm sɔ́b. Pɔ́ lɔgɔ shwóŋè mbʉ́lè pʉlé mbɔɔ shwóŋè lʉte, éfʉte pʉ̀a pie legyè sɔ́b vɔ́g vɔ̌g.

Megàŋ ntúm 17:28

Mé zɔɔn ńgɔɔn ngie: Pege lɔgɔ pɔ́ yé tá ńgwɔ́ wó. Yé zɔ gÿo pege ŋele. Yé zɔ gÿo pege gwɔ́ wó. Mbà tsɔ́ pà sǎg legʉa pí la gíŋe ńgɔɔn ngie: Pege zɔɔn ńgwɔ́ pɔ́ pʉ̀a á nà ngẅɛ̀ yé.

2 Piɛ 2:15

Pɔ́ lěen ńgwá’a mánzsè gẅie à tyé ndʉŋ ndʉŋ, ḿbyé, ńcʉ́’ ńgiŋe pɔ́ ná we Mbalam, míŋ Bozor. Mbà mé la ná nkáb mbwo yé, ńdɔg ńjúu yé pá’ à ge gÿo nò tepòŋ. Á líe nkáb é póŋo yé, á zẅíŋ.

2 Piɛ 2:12

Pɛ̌ pʉ̀a gwɔ́ pɔ́ pà tè legyè pá’ menɔ̀ɔn, é pie é la fó jʉ’ó ńgwɔ́ pɔ́ mmó gie mé ge lʉ’ lejÿɔ̀’ lɔg gwoon é zẅé. Pɔ́ zoonte mmó té ne ńzsé pá’ á gwɔ́, mé gÿo ńzẅé wɔ́b pá’ menɔ̀ɔn ŋwɛ́.

Megàŋ ntúm 2:11

Etsɔ́ pʉ̀a tsetsɛ̀ɛ pɔ́b gwɔ́ pà Yuda lyɛ’ɛ́ nzyé, petsɔ́ gwɔ́ pʉ̀a pie pɔ́ la zẅíŋe nò Ssé pà Yuda. Té tʉ́ pàfó Kelɛt lâ Arabia. Á gÿo lêkɔ́ pege metsèm jú’u kwà’ nà meshwóŋe mégé mie ée mentí mentí, pá’ pʉ̀a pɔɔn gɔɔn pá’ mefà’ Ssé fáŋ pú’u?

Megàŋ ntúm 27:7

Peg lɔg melyɛ’ɛ́ lá’ tà ńgyɔ́ɔn, ńké ńgiŋe pɔ́ ndɔ́ɔn ndɔ́ɔn. Tà ńgwɔ́ gyá tÿǒsoŋo Snide, mbà peg gyǎ ngɔ́’ tɛ’. Afóm pú ńtɔ’ɔ wég légʉa ndʉŋ ndʉŋ tà ndà’. Peg cʉ́’ ńtéŋe ńdɔg pɔ́ shÿó Crete ńgʉa, é gíŋe ńgwɔ́ tsɔ́ ngwòŋ gẅie ntse la kéle ńnéŋe soŋ. Peg kúu wó, ńná’a ńdÿɔ́’ɔ fóm ńdɔg ye Salmone, ńgʉa. Á gwɔ́ jʉ’e tsetsá’ Kelɛt gie á la sẅige, ńkúu ntse.

Megàŋ ntúm 27:12

ńzɔɔn ńgwaa gwɔ́, ajʉ’e letyé *memáamáa kanú’ gie mé ée wó á té lìi jʉ’ gie à lɔɔn ńgwɔ́ pʉ̀a tsẅé wó nà fʉ̀’e fóm tà nò poŋo wɔ́b gwɔ́. Á cʉa pú’u, pʉ̀a metsèm pie pɔ́ laa tsɛ̀ɛ *máamáa kanú’ cʉ́’ ńzáb pɔ́ ngie mé fó jʉ’ó ńgʉa, ńne ńkwaŋa ngie á lɔɔn ńná shÿó, pɔ́ gʉa tà ńkúu nà jʉ’e letyé *memáamáa kanú’ gie áa tsɛ̀ɛ ngwòŋ Kelɛt mé tóŋ lê Fénis. Fénis gwɔ́ tÿǒsoŋ gie lezẅé tsetsá’ la tóo jʉ’ó ńkẅɛ, ayetsɔ́ sǎga tÿǒsoŋ gwɔ́ líe gwǒŋo Mbyě nèm ye kwóŋ, yetsɔ́ líe ngwǒŋo Mbyě nèm ye ntsíŋ. Pɔ́ tsɔ́ɔn pú’u, lékúu wó ńdá’ ńnéŋe tà fʉ̀’e fóm tɔ́g.

Megàŋ ntúm 27:13

Epʉ̀a *máamáa kanú’ gyá fefà ná’a fó shÿó ntsíŋ ńzye lécʉ’e, pɔ́ zsé yɔ́b pɔ́ ngie anò gie pɔ́ kwǎŋ á ge giŋ, ńdeen ńkaa *máamáa kanú’ ńdɔg ńgiŋ pɔ́ ngʉ̀ŋe ngwòŋ Kelɛt.

Filipo 3:19

Emɔ́b melyɛ̌’ ge lá’ maga tsɛ̀ɛ njÿó, pɔ́ gee lepÿé mmɔ̌g, mélà’mie yɔ́b ssé gwɔ́ pɔ́ lepfòm sɔ́b. Pɔ́ kága nà mmó gie eshʉ́ kɔ’ɔ́ kúu wɔ́b mǒ kǔ, ewɔ́b nkwaŋá piŋ ńtyé pɔ́ nà shúm njÿó.

Titus 1:5

Mèŋ n ka nyé gù Kelɛt légwɔ́ gie ɔ̀ ge cʉ́’ mege táŋte menò mie mèŋ n ka nyě, é piŋ záb pà kẅé mvfò tsɛ̀ɛ mecú’tè pʉ̀a Kristo mie ée tsɛ̀ɛ metÿǒsoŋ, é cʉ́’ʉ lézáb, é záb pɔ́ pá’ mèŋ n ka tsẅi né gù.