Titus 1:11 - Nouveau Testament en Ngienboum

¹¹ Á zɛ́te ngie ɔ̀ jÿɔ́’ ncwò wɔ́b, mélà’mie pɔ́ ne ńdɔgɔ mmó gie pɔ́ zí’i pʉ̀a ńtébe metsìŋe ndá ńtÿɔ́gɔ. Á gwɔ́ mmó gie aa tè lɔg ńtÿɔ́gɔ múɔ, pɔ́ lɔgɔ fʉte wɔ́b, ḿpfɛ́ɛ nkáb yɔ́b.

Titus 1:11 Referans Kwoze

2 Timote 3:6

Etsɔ́ pʉ̀a pú’u, gwá shú ńkú mendá pʉ̀a, ńdÿɔgte pànzwě pie tsẅé yɔ́b zeŋe zeŋe, é gwɔ́ pànzwě pie é gÿo menò tepòŋ tɛ’, ńnéŋe ńtsɔ́ɔn shúm pɔ́ ntí ntí.

1 Timote 6:5

ńgwɔ́ fʉ̀’ ntsèm ne ńzoŋo nò tsetsɛ̀ɛ pɔ́b zoŋ, á nue pɔ́ cʉ́’ʉ ńzsé nò nénʉ́ wɔ́, ńkwaŋa yɔ́b pɔ́ ngie nyìŋ lɔɔn ńzáb ntʉ́m nà Ssé, mbà àa mánzsè gẅie à ge fó mǒ gẅiin nkáb.

Roma 3:19

Mɔɔn ée menò mie mé la ŋwe’e tsɛ̀ɛ ŋwà’ne *lepʉ̌ Ssé, pege piŋ ńzsé ngie anò ntsèm gie *lepʉ̌ gɔɔn, é vɔgɔ ńgɔɔn mbwo pà Yuda pie *lepʉ̌ ŋwɛ́ sá’a wɔ́b. Pá’ pɔ́ gíŋ ńgwɔ́ yɔ́b pɔ́ ngàŋ mefʉa la, ncwò wɔ̌wɔ́ɔ nyìŋ mesoŋ wɔ́, ge jÿɔ́’ɔ, wɔ̌wɔ́ɔ piŋ tyé mvfò Ssé ńgwɔ́ pɔ́ nyìŋ gẅie à gwě ntsaŋ.

Titus 3:10

Nyìŋ lɔɔn ńgwɔ́ nyìŋ gẅie à ma’a fagte, ɔ̀ pebe yé tà’ legʉ̀a à tè jú’, ɔ̀ pɔ́ɔnte ńgíŋ ḿbebe yé à tè jú’, tà pi yé gíŋe ńteme nò.

Titus 1:9

Á zɛ́te ngie à nyɛ́te ńkú’te nkʉ̀ gẅie ée gẅie ńgwɔ́ mé záb ntʉ́m mǒ, é gwɔ́ gẅie peg zí’i pʉ̀a. À cʉa pú’u, à ku’u lelɔgɔ shwóŋè gie áa nénʉ́, ńkẅíŋte petsɔ́ pʉ̀a, ńku’u le shʉa shʉa ńdá’te *melɔ̌’ mie ée nà nò yé pʉ̀a pie pɔ́ lʉ’ʉ nò gie à gɔɔn.

Titus 1:7

Pá’ nyìŋ gẅie à líe cú’tè pʉ̀a Kristo, à fa’a pɔ́ mefà’ Ssé la, á té zɛ́te ngie à gwɔ́ nyìŋ gẅie mé kíme yé té poŋ wɔ́. Tà á ńnéŋe ńgwag pʉ̀a, tà á ńnéŋe ńgyáŋa lóŋ, tà á ma’ mbùm yé nà melù’, tà á ńnéŋe sá’ pɔ́ mbʉ̀’, tà á lɔgɔ gate fa’ nkáb.

2 Korento 11:10

Mèŋ n ge fó nà nò nénʉ́ Kristo gie áa tsɛ̀ɛ ntʉ́m mèŋ, é gɔɔn mbwo pi ngie, n dɔɔn ńgʉa pɔ́ nzɔ̌ jʉ’ á tsɛ̀ɛ Akay wɔ́, n de gwá’a wɛ̌ le gwɔ́ gẅie n dɔg ńka’te wɔ́. N te lá’a tsɔ́ lyɛ̌’ é kẅé mmó mbwo nyìŋ gẅì wɔ́.

Lukase 20:40

Á fo fʉ̀’ó nyìŋ tè gíŋe ńgẅiin shÿɔ́g légíŋe ńzɛ́te yé tsɔ́ nò wɔ́.

Ŋwà’ne Jâŋ 10:12

Nyìŋ gẅie à laba yé pɔ́ nkáb, tà *menjʉ̀njÿò té mé wɔ́, à tè kwà’ mbyɛ̀b mvfó wɔ́. À neŋé tà ńgyá tsò tó, á gwá’a wɔ́b ńkÿo. Tsò gwoon tsɔ̌, ńgÿo pfwɔ́’ sa jʉ’.

Matio 23:13

Pi ee pàshÿó tepòŋ, pi *pàkyagte lepʉ̌ Mǒsê lâ pi pà *farisay. Pi ee pànkwòŋ menÿɔ́g, pi ne ńkíle ncwò ndá gẅie pʉ̀a mesoŋ pfó mǒ tá ńkúu tsɛ̀ɛ nò *lefùɔ Ssé, pú’u, pi tè tsɛ̀ɛ wó kú, ńké tè nyé pʉ̀a pie é ne ńkwoŋo lékúu tsɛ̀ɛ wó kúu wó wɔ́.

1 Timote 5:4

Ampfɔ̌g manzwě lɔɔn ńgẅiin penkʉ́, kà penkʉ́ penkʉ́ pé wɔ́, mbà á ne ńzɛ́te ngie pɔ́ kẅéte yé tá ńdíe mánzsè. Pɔ́ gẅiin léfó ná yɔb mbʉ̀a, ńzí’i légÿo mmó gie á poŋ Ssé, ńdíe metá pɔ́b pá’ pɔ́ la zɔɔn ńdíe wɔ́b yɔ́b. Á nue yɛ̌ nò áa mboŋ mvfò Ssé.

1 Timote 5:13

Atsɔ́ mmó gie á gÿo mé té lwo ńŋwe’e mezíŋ mɔ́b wɔ́ áa pá’ mé lɔɔn ńŋwe’e pɔ́ cʉ́’ melǒŋ, ńgwá ńkʉ́’ʉ mendá mendá, á gwɔ́ mege pÿɔ́g pɔ́ gwá ńkaa mezíŋ pʉ̀a, ńgwá ńkyɛ́’ menò mie mé ée ntěen ńkyɛ́’ɛ wɔ́, ńgɔɔn nò ná menò mie é té ne ńdíe wɔ́b gwɔ́.

2 Timote 2:18

Pɔ́ kéen ńgwá’a mánzsè nò gie áa nénʉ́. Pɔ́ zɔ́gɔ ńgɔɔn ngie e Ssé kéen ńdá’ ńgÿo pege zíme ná legwé. Pɔ́ kéen ńgÿo pú’u, tà tsɔ̌ lelÿò pʉ̀a tè nyé ńgwɔ́ ná mánzsè nò gie áa nénʉ́ wɔ́.