Titus 1:10 - Nouveau Testament en Ngienboum

¹⁰ N gɔɔn ngie ɔ̀ záb pʉ̀a pá’ɔɔn, á nue pʉ̀a tà ńgyɔ́ɔn ée ssé ně ńtʉʉ twó. Lelÿò gwɔ́ pà Yuda pie pɔ́ zẅíŋe nò Yěsô Kristo. Pɔ́ ne ńzí’i pʉ̀a menò mie é té tyé, ńdɔgɔ fʉte wɔ́b.

Titus 1:10 Referans Kwoze

1 Timote 1:6

Etsɔ́ pʉ̀a kéen ńnyé mɔɔn menò, ńkúu pyé, ńcʉ́’ʉ ńzɔ́gɔ ńzoŋo pɔ́ menò mie é té tyé.

1 Jâŋ 4:1

Meshǔ pɔ́ɔn pe tʉ̀ nzẅìŋ, tà pi jú’ nyìŋ gɔɔn ngie Zẅìge Ndʉalʉ̌a áa ná yé, pi gwóon ńzẅíŋ zẅíŋ, té cwoŋo ńdíe ka áa kwà’ Zẅìge Ssé wɔ́. Á nue pà *ntsẅì nkʉ̀ Ssé pe cÿɔ̌ nò pǔ ńgyɔ́ɔn tsɛ̀ɛ njÿó tɛ’.

Galatia 2:4

Tà mbɔɔ pá’ tsɔ́ pàcÿɔ nò ngie pɔ́ ée mefɛ́ pég la ne ńkwoŋo ngie mé pú’u yé. Pʉ̀a ŋwɛ́ la shú ńkúu tsɛ̀ɛ nùɔ yég pá’ pà mánaŋ. Pɔ́ lɔ́ɔn ńtóo lé gyá pá’ peg ee pà ndù nnɛ́ ná mà pà Yuda, ńcʉa ná Yěsô Kristo ńgÿo még menò pú’u. Pɔ́ lɔ́ɔn fa’a lé lɔgɔ wég ńgÿo menkwɔɔn.

Efeso 4:14

À cʉa pú’u, pege é le gíŋe ńgwɔ́ mecʉ̀cʉ̀ŋ penkʉ́ pie ée pá’ kanú’ gie ntse shwoŋo ńdɔgɔ ńgee jʉ’ɔɔn, ńgee jʉ’ʉ wɔ́. Mé le gíŋe shwóŋó wégè ngie pege pʉ pʉ kà ngie pege cwóŋ cwóŋ wɔ́, tà pege jú’ mɛ̌ ménò mie mé zí’i pʉ̀a ńzẅíŋ wɔ́. Á fó pú’u, pege le gíŋe ńgwɔ́ pá’ mecʉ̀cʉ̀ŋ pie pɔ́ zẅíŋe, epʉ̀a kwaŋa menò ńdɔgɔ fʉte wɔ́b pɔ́ zẅíŋe cÿɔ̌ nò wɔ́.

Ŋwà’ne Jâg 1:26

Nyìŋ lɔɔn ńne ńkwaŋa ngie aa nà nò Ssé, ncwò wé piŋ tè poŋ, mbà à fʉte twó mbùm yé. À we légwɔ́ ná nò Ssé gwɔ́ pɔ́ sẅɛ̀ɛ.

2 Timote 3:13

Tá’ n gɔɔn pá’ɔɔn pʉ̀a tepòŋ pâ ngàŋa fʉte ge gÿo lɔgɔ nò tepòŋ é kẅi’i gʉa pɔ́ lê mvfò, é ne fʉte pʉ̀a, pɔ́ gíŋe ne fʉte wɔ́b yɔ́b.

Megàŋ ntúm 11:2

Piɛ gÿo ńgwɔ́ tà ḿbiŋe Yerósalem, pʉ̀a Kristo pie ée pà Yuda zye léŋaga yé ńgɔɔn ngie:

Ŋwà’ne Ngyà jʉ’ 2:14

Tá’, n ké ńgẅiin tsɔ́ mmó gie mèŋ n ne ńda’a gẅi mǒ. Etsɔ́ pʉ̀a ée mbʉ̀a pi ńne ńzába ntʉ́m nà ndɔgtelé Mbalam. Mé gɔɔn Mbalam wá gẅie à la shwóŋó Mbalag, pá’ Mbalag ge lʉ’ lejÿɔ’, pà Israel gwe mǒ. À la tsóte wɔ́b pɔ́ pfɛ́ɛ pfwɔ́’ɔ mbàb gie mé lɔ̌g ńgwá’ messé, mbàŋa lâ pànzwě tsetsɛ̀ɛ pɔ́b é gíŋe ḿbumte wɔ̌wɔ́ɔ pâ pɔ̌ nuŋe nuŋe.

Ŋwà’ne Ngyà jʉ’ 2:6

Tá’, ammó gie mèŋ n ne ńgyá ngie pi ee mǒ ńne ńgÿo mboŋó, áa pá’ mefà’ pʉ̀a ná nùɔ gie mé tóŋo lê Nikolayide é ne ḿbÿɔ́gɔ gẅi ndʉŋ ndʉŋ pá’ é pÿɔ́gɔ wɔ̀ɔn yɔ́ɔn.

1 Jâŋ 2:18

Penkʉ́ pɔ́ɔn, afʉ̀’ʉ nzsònzèm ne ńku’u. Pi la jú’ mé gɔɔn ngie, angàŋ mbù Kristo ge lá’ tó. Áa fʉ̀’ɔɔn, mbà megàŋ mbù Kristo kěen ńtó tà ńgyɔ́ɔn gyɔ́ɔn. Áa mmó gie á gÿǒ pege zsé ngie à fʉ̀’ʉ nzsònzèm ne ńku’u.

2 Timote 4:4

Pɔ́ té gÿo ńgíŋe ńzẅí’te nò gie áa nénʉ́ wɔ́, é cʉ́’ zẅí’te pɔ́ menò pú’kwɔb.

1 Timote 1:4

Gɔɔn né pɔ́b ngie pɔ́ nyé menò pú’nkwɔb, lâ menò pà mangʉa njʉ’ pɔ́b pie pɔ́ tʉ́ é té mag. Yɛ̌ ntí menò gÿo mé zoŋo nò pɔ́ sẅɛ̀ɛ sẅɛ̀ɛ, é té kẅéte lézsé mmó gie Ssé la kwaŋa légÿo nyìŋ mesoŋ tsẅɛ́ wɔ́. Mé lɔg pɔ́ lézáb ntʉ́m nà Ssé tá ńzsé yɛ̌ mmó.

Galatia 3:1

Pi pʉ̀a Galatia, tsye legyè sí pyě ka? À wɔ̌ ka lɔg lekàŋ ḿbue gẅi pɛ́’ɛ̀? Tá, mbà mé ka nyɛte shwóŋó gẅi nò nà legwé Yěsô Kristo tà á gwɔ́ pá’ fʉ̀’ gie pi lɔ̌g nÿɔ́g mí ńgyá yé nà tÿǒ nkǐ la.

Megàŋ ntúm 20:29

N zsé ngie mèŋ n ge gwɔ́ tá gʉa, menɔ̀ɔn ngẅi kúu nà nùɔ *njʉ̀njÿò yɔ́ɔn, ńzába nò.

Megàŋ ntúm 15:1

Etsɔ́ pʉ̀a gÿo fó Jẅidea, ńtóo Antiokia, ńzye lézí’i pʉ̀a Kristo ngie Ssé lɔɔn ńgwɔ́ á légÿo pɔ́ tsẅɛ́ té gwɔ́ gie mé pú’u wɔ́b pá’ *lepʉ̌ Mǒsê ne ńzɛ́te wɔ́.

Megàŋ ntúm 15:24

Peg ka jǔ’ ngie etsɔ́ ntá’ pʉ̀a ka fó tsetsɛ̀ɛ peg, ńtó ḿma’a tág tsetsɛ̀ɛ pi, ńdɔgɔ shwóŋè yɔ́b ńgÿo tà pi cʉ́’ʉ ńzsé twó gí wɔ́. Tá’ peg zɔ ka ké tè túmo wɔ́b ngie pɔ́ gʉa ńgɔɔn pú’u wɔ́.

1 Timote 1:9

Pege giŋé ńne ńzsé ngie e Ssé lɔ̌ɔn těen ńtÿɔ́gɔ *lepʉ̌ ńtí pʉ̀a pie pɔ́ gÿo nò gie á tyé wɔ́, à lɔ̌ɔn ńtÿɔ́gɔ *lepʉ̌ ńtí pàfʉ̀’ menò, lâ pàtʉʉ twó, ńtí pàgwág Ssé, lâ pàgÿo menò tepòŋ, ńgíŋe ńtí mbɔɔ pʉ̀a pie pɔ́ té jú’ ncwò Ssé wɔ́, ńké tè lɔgɔ tsɔ́ mmó gie á fóo mbwo yé ńtóŋo tsɔ́ mmó wɔ́. E Ssé lɔ̌ɔn ńgíŋe ńtÿɔ́gɔ *lepʉ̌ ńtí pʉ̀a pie pɔ́ zẅéte metá pɔ́b lâ memá pɔ́b, ńtí mefÿɛ́.

Titus 1:6

Á zɛ́te ngie nkẅè mvfò gwɔ́ nyìŋ gẅie mé té kíme yé té poŋ wɔ́. Á zɛ́te ngie à gẅiin pɔ́ tà’ manzwě wémɔ’ɔ́, penkʉ́ pé záb ntʉ́m nà Ssé, mà wɔ́b gwɔ́ we mbòŋo, pɔ́ piŋ ńnéŋe ńjú’ ncwò we.

1 Jâŋ 2:4

Nyìŋ gẅie à gɔɔn ngie: «Mèŋ n zsé yé» Tá ńké tè mbʉ̌ mé kú’te, mbà ngàŋ aa ngàŋa cÿɔ nò, anò nénʉ́ gie á fó mbwo Ssé lɔgɔ tě ńgwɔ́ tsɛ̀ɛ ntʉ́m ngàŋ wɔ́.

Matio 23:14

Pi ee pàshÿó tepòŋ, pi pà *farisay lâ pi *pàkyagte lepʉ̌ Mǒsê, pi ee ngàŋ mepàb, pi zɔ gwoon mepfɔ̌g ńkẅé mendá mɔ́b, ńcʉ́’ʉ lésẅíŋte Ssé, ńgɔɔn nò á sag, lélɔg ḿbab menÿɔ́g pʉ̀a, pɔ́ kwaŋ ngie pi ee pʉ̀a membòŋo. Á ge cʉa pú’u, pi lá’ ńkúu tsɛ̀ɛ ngʉ̀ngʉ̀ ye lÿò.