Roma 8:23 - Nouveau Testament en Ngienboum

²³ Eshúm ŋwɛ́ zɔ̌ té ńtsẅii gílé pɔ́b wɔ́. Pege yégè pie Ssé la lɔgɔ Zẅìge yé ńgÿo pege gẅiin ntwó mmó nà shúm sie à la ka’a léná né pege, pege yégè giŋé ńgwɔ́ tsɛ̀ɛ ntʉ́m pege ńtsẅii pɔ́ pú’u, ńne ńzẅí’te lyɛ̌’ gie Ssé ge lɔgɔ wégè gÿo púɔ pé ndà’ ndà’, pege gẅiin mbùm yé sẅé, ńtsẅɛ́ ngɔ́’.

Roma 8:23 Referans Kwoze

Heber 9:28

áa ndʉŋ ndʉŋ pá’ à la gÿo Kristo lɔgɔ twó mbùm ye, ńnuŋe pwɔ́’ pɔ́ tà’ legʉ̀a, lélɔg ńzyɛ́b menò tepòŋ pʉ̀a tà ńgyɔ́ɔn. À ge gÿo gíŋe kẅɛɛ ná mbɔ́ɔntè yépʉ́a. Á le gíŋe ńtóo fʉ̀’ó lézyɛ́b menò tepòŋ pʉ̀a mesoŋ wɔ́. À tóo pú’u, légÿo pʉ̀a pie pɔ́ ne ńzẅí’te yé tsẅɛ́.

Efeso 1:14

A Zẅìge Ndʉalʉ̌a lɔgɔ ńgwɔ́ zyè ssé nà fù’ gie e Ssé la cwoŋte ńzáb lénáa mbwo pʉ̀a pé. E Ssé lɔgɔ ńnyɛte shwóŋó wégè ngie pege ge lá’ gẅiin setsɔ́ á fʉ̀’ gie à ge lá’ pú kẅile wégè nà nò tepòŋ. Pá’ áa pú’u la, pege ne ńgu’te Ssé á nue à gú’ tɛ’.

Efeso 4:30

Tà pi gÿo Zẅìge ndʉalʉ̌a gie Ssé la lɔg ńcÿɔ’ɔ liŋé ná pi gyá ngɔ́’. À lɔ̌ɔn ńdɔgɔ ńnyɛɛ ngie pi ee pʉ̀a pé, ńgíŋe ńdɔgɔ ńnyɛɛ ngie alyɛ̌’ gé lá’ gwɔ́, à pú ńcu’u wégè, pege pú ńtsẅɛ́.

Titus 2:13

Á gíŋe ńgwɔ́ mbɔɔ pá’ pege ne ńzwí’te máa maa lyɛ’ɛ́ lá’ gie Yěsô Kristo ge lá’ nyɛɛ legú’ we. Yé zɔɔ Ssé yege yé lÿò, à gÿo pege tsẅɛ́ɛ.

Galatia 5:5

Á gʉa ná peg pie peg záb ntʉ́m ná Kristo, peg ne ńjú’u nò pɔ́ mbwo Zẅìge Ndʉalʉ̌a, á ne ńgÿo peg ne ńzẅí’te ngie e Ssé ge gÿo gÿo peg gwɔ́ pʉ̀a pie ée mvfò ye ńgwɔ́ ndʉŋ ndʉŋ.

Roma 7:24

N tè pá’ɔɔn ńgwɔ́ pɔ́ shÿó tepòŋ wɔ́, àwɔ́ ge lá’ fó tsɛ̀ɛ yɔɔn mbùm nnɛ́ gie e tóŋo legwé ńnéŋe ná mèŋ é kẅile wɔ̀ɔn?

Roma 8:19

Akɔ́ɔkɔ́ɔ gie Ssé la nyɛte zɔɔn ḿbú ne ńzẅí’te tɛ’ légyá fʉ̀’ gie e Ssé ge gÿo mé gyá legú’ púɔ pé.

Lukase 20:36

Ńzɔɔn ńgwaa gwɔ́ pɔ́ té gíŋe ńgee nkwě wɔ́. Mélà’mie pɔ́ cʉ́’ ńgwɔ́ pɔ́ pá’ *mecÿɔ́’ Ssé la, ńcʉ́’ púɔ Ssé, ńtí nò gie Ssé kẅě wɔ́b mbwo legwé.

1 Jâŋ 3:2

Meshǔ pɔ́ɔn pe tʉ̀ nzẅìŋ, pege ee fʉ̀’ɔɔn pá’ɔɔn ńgwɔ́ púɔ Ssé, tá’ ńtí gie pege ge gÿo gwɔ́ pú’u, e nyě ńgwɔ́ pɔ́ lelyěen. Pege kě ńne ńzsé ngie Kristo ge gÿo gwɔ́ tà kẅɛ, pege gyá yé pá’ aa jʉ’ó ńgwɔ́, ńgwɔ́ gie aa lêkɔ́ wɔ́, pege gwɔ́ yégè pɔ́ pú’u.

Lukase 21:28

Mɔɔn menò lɔɔn ńdá’ ńgwɔ́ tà ńzye létó, pi zẅí’te gí pɔ́ tè pɔ́g, mélà’mie afʉ̀’ gie Ssé gee kẅile gẅi ndá nkwɔ̀ɔn ne ńku’u.

1 Piɛ 1:7

Ngʉ̀ngʉ̀ kúu gẅi légwɔ́ gie mé ge gyá ngie pi kwa’ ńzáb ntʉ́m nà Ssé. Tʉ̌ gɔ̂l gie á té ge lá’a gwɔ́ pɔ́ wó wɔ́, mé cʉ́’ʉ lézẅí’, ńtuɔ mmɔ̌g, ncÿǒ kẅɛɛ mǒ. Áa ndʉŋ ndʉŋ pá’ gẅi lézáb ntʉ́m nà Ssé gẅie aa mmó tʉ̀ nzẅìŋ ńcʉa tʉ̌ gɔ̂l, ge cʉa pɔ́ ná pá’ ngʉ̀ngʉ̀ mentí mentí gie e ne ńkúu gẅí, e ge ne zẅí’i gẅi yé, tá nyɛ ngie à tʉte. À lêen ńké ńcʉa pú’u, pi lá’a lyɛ̌’ gie Yěsô Kristo tǒ, mé ná ngɔ́ɔnte gi, ńnéŋe gẅi tsɛ̀ɛ legú’, ńgÿo mekù’ mí.

2 Timote 4:8

Áa nà fʉ̀’ɔɔn, mbà Ssé cwoŋté ntsɔ’ɔ́ fà’ nyìŋ gẅie à kÿǒ ndʉ̌ tà njÿó, ńzáb ńne ńdɔgɔ ńzẅí’te wɔ̀ɔn. Wɛ̌ ée tsɔ’ɔ́ fa’ pá’, n gÿǒ mmó gie e Ssé ne ńkwoŋo. Cʉ̀apʉ̀a gẅie à za’ ntsaŋ pɔ́ ndʉŋ ndʉŋ, à ge gÿo náa mbwo mèŋ nà lyɛ’ gie à ge tsɔ́’te mentsaŋ. À tè lá’ ná pɔ́ ndà’ mbwo mèŋ wɔ́. À ge lá’ gíŋe ná mbɔɔ mbwo pʉ̀a pie pɔ́ ne ńkwoŋo légyá fʉ̀’ gie à ge gÿo kẅɛ.

Roma 5:5

Pege kě těen ńzẅí’te pú’u, pɔ́ jʉ’e sẅɛ̀ɛ wɔ́, á nue Ssé kéen fó nà Zẅìge yé gie à ka nǎ né pege, ńnyɛɛ wege pá’ɔɔn tɛ’ ngie à kwoŋo wégè.

Efeso 5:9

Mèŋ n gɔɔn pú’u, mélà’mie, apì légwɔ́ jʉ’e fɔ̌g aa legÿo menò mbòŋo, ńgÿo menò mie ée mvfò Ssé ńgwɔ́ ndʉŋ ndʉŋ, ńnéŋe tsɛ̀ɛ nò nénʉ́.

2 Korento 7:5

Peg ka zɔɔn ńgʉa tà ńkúu Makedonia, atsɔ̌ lézẅɛte à tè wó wɔ́. Ngɔ́’ fó meshÿó meshÿó ńtó. Epʉ̀a gwɔ gwɔ́ nzème pǐ ne ḿma’a wég lê ncù, ntʉ́m wég gwɔ́ tsoló ḿbɔ́gɔ ńtí tsɔ́ menò.

Roma 5:3

Á té gwɔ́ pɔ́ ndà’ pú’u wɔ́, peg giŋé ńgẅiin lékag tà mbɔɔ fʉ̀’ gie peg ne ńgyá ngɔ́’, ńně ńzsé ngie e ngɔ́’ ge gÿo peg shÿɔg.

Roma 5:11

Pege těen ńdɔgɔ pɔ́ ndà’ yɛ̌ nò ńka’te wɔ́, pege giŋé ńka’te ńtí pá’ Ssé kéen ńcʉa nà nò Cʉ̀apʉ̀a wege Yěsô Kristo ńgÿo mbù gẅie é kaa tsetsɛ̀ɛ pega Ssé mag.

1 Korento 1:7

tà áa fʉ̀’ɔɔn ńgwɔ́ mbwo pi pie pi ne ńzẅí’te fʉ̀’ gie Cʉ̀apʉ̀a wege Yěsô Kristo ge kẅɛ, atsɔ́ fù’ gie á fóo mbwo Ssé, tà pi nyé ne ḿmoŋe á té wó wɔ́.

2 Korento 1:22

ńcÿɔ́’ɔ liŋé yé ná pege, ńnéŋe Zẅìge Ndʉalʉ̌a ntʉ́m pege. Á lɔg ńgwɔ́ ndùŋ mvfò mmó nà shúm sie à ge náa mbwo pege.