Roma 7:1 - Nouveau Testament en Ngienboum

¹ Mefɛ́ pɔ́ɔn, pi pie pi ne ńzsé mmó gie *lepʉ̌ ée yɛ̌, pi tè ne ḿmoŋe ngie *lepʉ̌ gẅiin nò ná nyìŋ pɔ́ fʉ̀’ gie angàŋ nyé ntentʉ́ wɔ́.

Roma 7:1 Referans Kwoze

Roma 6:14

Anò tepòŋ zɔɔn tě ńdá’a ńgíŋe ńgẅiin gẅi wɔ́, á nue pi cʉ’ʉ́ ńgiŋe ná mánzsè *lepʉ̌ wɔ́, pi cʉ’ʉ́ ńgiŋe pɔ́ ná mánzsè gẅie e Ssé ne ńcʉa mǒ ńcÿó gem gí, pi ne gÿo mmó gie áa ndʉŋ ndʉŋ.

Roma 7:6

Tá á ké ńgwɔ́ fʉ̀’ɔɔn pege cʉ́’ʉ ńgiŋe ná mánzsè *lepʉ̌ tà ńtsɔ́ɔn légwɔ́ ndʉŋ ndʉŋ wɔ́, á nue pege ee ná wɛ̌ mánzsè gẅie à kɔ̌ɔn ńdɔgɔ wégè ńgÿo megàŋa tsǎŋ, ńcʉ́’ pɔ́ mepfó. Tà peg ee fʉ̀’ɔɔn ńcʉ́’ʉ fa’a mbwo Ssé pɔ́ nà ntí ye sẅé, ńdɔgɔ metʉ̀ Zẅìge Ndʉalʉ̌a éfa’a, tà peg tè gíŋe fa’a ná ntí ye fʉ̀’e mvfò, á fʉ̀’ gie peg kɔ̌ɔn ńjú’u pɔ́ ncwò *lepʉ̌ sie mé la ŋwe’e wɔ́.

Roma 6:3

Pi legé ngie á gʉa ná pege metsèm pie mé la nu’u wégè ntse, pege lɔgɔ ńdaa nnɛ́ ná Yěsô Kristo, lénu’u wégè ntse ŋwɛ́ lɔgɔ ńda’te ngie pega pɔ̌ la púte ńkwé tà’ legwé ka?

Roma 10:1

Mefɛ́ pɔ́ɔn, ammó gie m bǔ ne ńtsɔ́ɔn nê ngwòŋ ntʉ́m wɔ̀ɔn ntsèm, ḿbiŋ ńne ńdúɔ mbwo Ssé ńtí pà Yuda, á gwɔ́ ngie à gÿo pɔ́ tsẅɛ́.

Galatia 4:21

Pi pie pi ne ńkwoŋo ngie *lepʉ̌ sá’a gẅí, pi shwóŋó wɔ̀ɔn: Pi tè ne ńjú’u mmó gie *lepʉ̌ ŋwɛ́ gɔɔn wɔ́ ka?

Roma 9:3

Pega pɔ̌ ee tà’ ngẅɛ̀. Á laa gie ńgwɔ́ mánzsè gwɔ́ wó légwɔ́ gie Ssé ge gwá’a wɔ̀ɔn peg Kristo piŋ fege, tà á gwɔ́ gie mefɛ́ pɔ́ɔn pà Yuda ge cʉa mǒ é zsé nyìŋ gẅie Kristo aa wɛ̌, mbà à lɔɔn ńgwɔ́ n de lʉ’.

1 Korento 9:8

Ndyɛ̌’ pi gɔɔn ngie mèŋ m bǐ fʉ̀’ pɔ́ nà menò mie é ne ńcʉate pɔ́ tsetsɛ̀ɛ pʉ̀a mesoŋ. *Lepʉ̌ Mǒse té gíŋe ńgɔɔn yé pɔ́ pú’u wɔ́ ka?

Roma 1:13

Mefɛ́ pɔ́ɔn, pi zsé mboŋó ngie n dǎ táŋ tɛ’ létó ńgyá gẅi tá shÿó ké tè kẅɛ tà ńkú lyɛ̌’ɔɔn. N daa pú’u ńtsɔ́ɔn létó fa’a tsetsɛ̀ɛ pi tà pi jÿó gí pì pá’ n ka fa’a tsɛ̀ɛ tsɔ́ mengwòŋ pɔ́ jÿó pì.

Roma 10:4

Kristo la zɔɔn ńtó, nkẅɛ̌ ndá *lepʉ̌ lɔg ḿbumte. Pú’u, nyìŋ záb ntʉ́m ná Kristo tá e Ssé cʉ́’ ńdíe yé á gwɔ́ pɔ́ ndʉŋ ndʉŋ mvfò yé.