Roma 3:3 - Nouveau Testament en Ngienboum

³ Á piŋ ńgʉa nà pá’ etsɔ́ pà Yuda la nyé yɛ̌ shwóŋè pé’è, á ge cʉa pú’u, e Ssé nyé menò mie à la ka’a mbwo pɔ́b keen?

Roma 3:3 Referans Kwoze

2 Timote 2:13

Á lɔɔn ńgwɔ́ gie pege neŋé ḿmoŋo yé, mbà à ké tè wégè moŋe Á nue à lɔɔn ńgwɔ́ á le gÿo mmó té gwɔ́ gie áa nà we mà wɔ́

Heber 4:2

Pege ka zɔɔn ńgíŋe ńjú’ yégè nkʉ̀ mbòŋo ŋwɛ́ pɔ́ pá’ pʉ̀a pie pɔ́ laa nkwòŋo tsẅɛ la jú’ yɔ́b. Tá pɔ́ la ké ńjú’ yɔ́b é té wɔ́b kẅétè, á nue pɔ́ la tè záb ntʉ́m wɔ́b mǒ wɔ̌.

Roma 9:6

Pɔ́ tsɛ ne ḿmoŋe Kristo, tá ńgwɔ́ n de gɔɔn ngie anò gie e Ssé la ka’a mbwo pʉ̀a Israel la tè kẅɛɛ nò wɔ́ wɔ́. Á nue á zɔɔn ńgwaa gwɔ́, pʉ̀a pie ée nà ngẅɛ̀ Israel, lelÿò tè kwà’ pʉ̀a Israel wɔ́,

2 Tesalonika 1:3

Mefɛ́ mefɛ́, peg gẅiin léná ndǎg mbwo Ssé nà twó sí ngwòŋ fʉ̀’ ntsèm. Áa mbòŋ ngie mé gÿo pú’u, mélà’mie pi tè ne ńkʉ́a lézáb ntʉ̀m ná yé wɔ́, ńgíŋe ne ńgẅiin nkwòŋe tsetsɛ̀ɛ pi ńdɔgɔ ńgee pɔ́ lê mvfò.

Roma 10:16

Tá’ pʉ̀a metsèm la tè jú’ nkʉ̀ mbòŋo ńzẅíŋ wɔ́. *Ntsẅì nkʉ̀ Ssé Esǎya la zɔɔn ńgɔɔn ngie: «Cʉ̀apʉ̀a, peg la gɔɔn nò jú à wɔ̌ ké ńzẅíŋ»?

2 Korento 3:18

Pege metsèm tè gíŋe ńgẅiin tsɔ̌ nkǔɔ ná shÿó wégè wɔ́, shʉ́shÿɔ́g Cʉ̀apʉ̀a ne ńtéme ná pege ḿbiŋe nzèm pá’ kyɛ̀’ gie á téme ná gyá shÿó la. Cʉ̀apʉ̀a gẅie à gwɔ́ pɔ́ Zẅìge, à ne ńgÿo pege kúbe ntí, ńgÿo pege sẅé yé, shʉ́shÿɔ́g gẅie aa ná pege, piŋ ne ńkẅi’i kẅi’i.

Matio 24:35

Lefaŋ pɔ́ tsetsá’ ge gÿo mag tá shwóŋó yɔ́ɔn lá’ le pyé.

Roma 11:29

Áa pú’u, nue e Ssé tè lɔgɔ mmó ńcÿó gem nyìŋ ńgíŋe ńkẅé wɔ́, ńké tè gɔɔn ngie à toŋó nyìŋ ḿbiŋ ńkúbe nò gie à gɔ̌ɔn wɔ́.

Ŋwà’ne Jâŋ 1:16

Angàŋ keen ńtó, à lɔg pá’ à gẅiin poŋo ntʉ́m, ńcÿó gʉm yégè metsèm tɛ̀’, ńcÿó sele ńcÿó, mélà’mie à gẅiin nkwòŋe tɛ’.