Roma 2:1 - Nouveau Testament en Ngienboum

¹ Ńgwɔ́ nyìŋ zye letúu *lɔ̌’ pʉ̀a pie é gÿo yɛ̌ ntí menò, gù gẅie ngwɔ́ ɔ̀ tú, zsé ngie ńgwɔ́ ɔ̀ lényé té gwé jú ntsaŋ gwé wɔ́, tà pá’ ɔ̀ lɔɔn zɔɔn ńgwɔ́ pɔ́ wɔ wɔ̌. Pú’u ńtí nue ɔ̀ ne ńtúu *lɔ̌’ pʉ̀a tá’ ńgíŋe ne ńgÿo jú pɔ́ pá’ pɔ́b ńdɔgɔ sele ńtúu pɔ́ ndʉ̀ ńdɔgɔ ńkwɛ́ mbùm jù.

Roma 2:1 Referans Kwoze

Lukase 6:37

Tà pi ńnéŋe ńtúu lɔ’ɔ́ pʉ̀a ḿbɔ́g Ssé létúu gí *lɔ̌’. Tà pi ńnéŋe ńkʉ́e pʉ̀a ḿbɔ́g Ssé lékʉ́e gẅí. Pi ńnéŋe ńdege mefʉ̀a pʉ̀a, e Ssé lege mefʉ̀a mí.

Roma 2:3

Gù gẅie ɔ̀ túu *melɔ̌’ pʉ̀a pie pɔ́ gÿo yɛ̌ ntí menò, ḿbiŋe ne ńgÿo jù pɔ́ pá’ pɔ́b, ɔ̀ kwǎŋ ngie ɔ̀ ge gǎ tá tsẅɛ́ tà Ssé lénéŋ ngʉ̀ngʉ̀ twó gù wɔ́?

Roma 9:20

Gù nyìŋ mesoŋ, ɔ̀ lɔɔn ńzɛ́te pú’u, mbà ɔ́ɔ wɔ̌ tà Ssé gɔɔn nò ɔ̀ pʉŋe? Ngwɔ́ sɔ́’ zɛ́te mbwòon tsǎ’a ngie, ɔ̀ la pwóon wɔ̀ɔn ná yɔɔn ntí pá’ɔɔn mélà’a kɔ́ wɔ́?

Ŋwà’ne Jâg 4:11

Mefɛ́ pɔ́ɔn, tà zẅɛ́te gwɔ́ tsetsɛ̀ɛ pi. Nyìŋ lɔɔn ńzẅɛ́te ná fɛ́ we, kà ńtú pɔ́ *lɔ̌’ yé wɔ́, mbà à zẅɛ́te pɔ́ nà *lepʉ̌, ḿbiŋe ńtúu pɔ́ *lɔ̌’ lepʉ̌. Nyìŋ lɔɔn ńké ńtúu lɔ̌’ɔ lepʉ̌, mbà à tè gíŋe ńgwɔ́ nyìŋ gẅie à kú’te lepʉ̌ wɔ́, à cʉ’ʉ́ ńtúu lɔ̌’ɔ lepʉ̌ tú.

Ŋwà’ne Jâg 2:20

Agʉ̀gʉ̀ yɔ́ɔn, ɔ̀ kwoŋo kɔ́? Mèŋ n ge nyɛɛ gú ngie lezǎb ntʉ́m nà Ssé gẅie à tè mefà’ gẅiin áa sẅɛ̀ɛ.

Lukase 19:22

Afùɔ tsɔ́’ɔ mbwo yé ngie: Ɔɔ nyìŋ gẅie a fa’a fa’ we tepòŋ, n ge lɔg pɔ́ ncwò ɔ́ ŋaga gú. Ɔ̀ la zsé ngie mbàŋa nò yɔ̀ɔn tʉ tɛ’, ngie mèŋ n gee ḿbíi mmó jʉ’ gie mèŋ n da tè wó nuŋe, ńtsɔ́’ɔ shúm jʉ’ gie n da tè wó pye.

1 Korento 7:16

Á zɔɔn ńgwɔ gwɔ́, gu gẅie ɔ́ɔ manzwě, ńgwɔ́ nyìŋ Kristo, ńgwɔ́ ɔ̀ gǎ tà ńkwa’ ńzsé ngie ɔ̀ ge lá’ gÿo tà ndúm gù tsẅɛ́? Kà gu gẅie ɔ́ɔ mámbàŋa, ńgwɔ́ nyìŋ Kristo, ńgwɔ́ ɔ̀ gǎ tá ńzsé ngie ɔ̀ ge lá’ gÿo tà nzwě gù tsẅɛ́?

Lukase 12:14

Yěsô tsɔ́’ɔ mbwo yé ngie: Awɔ̌ la zába wɔ̀ɔn léŋag mentsaŋ mí, kà pɔ́ légab shúm sí ńná né pi?

Roma 2:2

Pege zɔɔn ńzsé ngie Ssé gwɔ́ tà ne ńŋága pʉ̀a pie pɔ́ gÿo yɛ̌ ntí menò, ńŋága wɔ́b pɔ́ pá’ menò mɔ́b ne ńzɛ́te.

Roma 3:9

Tà áa pá’ɔɔn ńgwɔ́ pege gɔɔn ngie kɔ́? Ńgie áa mvfò Ssé peg pà Yuda cʉa pʉ̀a pie é té pà Yuda wɔ́ keen? Ngǎŋ á té pú’u wɔ́. Mèŋ n ně ńdá’ ńda’te pá’ nò tepòŋ léen ḿbú ńjÿó pà Yuda mbɔɔ pʉ̀a pie é té pà Yuda wɔ́.

Roma 14:22

Ɔ̀ lɔɔn ńgʉa ná sɔɔn shúm ńzsé ngie kɔ́ tsɛ̀ɛ ntʉ́m gu wɔ́, pi Ssé zɔ̌ zsé. Ashÿó mbòŋo aa nyìŋ gẅie ntʉ́m wé té sá’a yé nà mmó gie à gee ńgÿo wɔ́.

1 Korento 4:5

N dɔgɔ pú’u, shwóŋó gẅi ngie tà pi tʉ́ njÿó ńgɔɔn nò nà fà’a nyìŋ té gwɔ́ gie fʉ̀’ kǔ’. Té gwɔ́ gie Cʉ̀apʉ̀a tǒ. Yé zɔ ge gÿo kyɛ’ɛ kɔ̀ɔkɔ́ɔ wɔ́ gie áa tsɛ̀ɛ nzěm. À ge gÿo gÿo mé gyá ménkwaŋá mie ée tsɛ̀ɛ mentʉ́m pʉ̀a. E Ssé lêen ńké ńná ngɔ́ɔnte ye wɔ̌wɔ́ɔ nà ntí gie á ne ńzɛ́te ngie ngàŋ gẅiin.