Roma 16:18 - Nouveau Testament en Ngienboum

¹⁸ Á nue yɛ̌ ntí pʉ̀a tě fa’a fà’a Cʉ̀apʉ̀a wege Yěsô Kristo wɔ́, pɔ́ tsɔ́ɔn pɔ́ lepfòm sɔ́b. Pɔ́ lɔgɔ shwóŋè mbʉ́lè pʉlé mbɔɔ shwóŋè lʉte, éfʉte pʉ̀a pie legyè sɔ́b vɔ́g vɔ̌g.

Roma 16:18 Referans Kwoze

Kolosia 2:4

Mèŋ shwóŋó gẅi mɔɔn menò ḿbɔ́gɔ tsɔ̌ nyìŋ létó ńdɔgɔ shwóŋè gie mé neŋé ssé ńtáŋte, ésele twó gí.

Filipo 3:19

Emɔ́b melyɛ̌’ ge lá’ maga tsɛ̀ɛ njÿó, pɔ́ gee lepÿé mmɔ̌g, mélà’mie yɔ́b ssé gwɔ́ pɔ́ lepfòm sɔ́b. Pɔ́ kága nà mmó gie eshʉ́ kɔ’ɔ́ kúu wɔ́b mǒ kǔ, ewɔ́b nkwaŋá piŋ ńtyé pɔ́ nà shúm njÿó.

Matio 7:15

Pi laga twó gí nà pʉ̀a pie é cÿɔɔ nò ngie pɔ́ ee pà *ntsẅì nkʉ̀ Ssé. Pɔ́ gwaa tóo lejʉ́ŋ pi ḿma’ *ngùb *njʉ̀njÿò tá nkwaŋá wɔ́b gwɔ́ pɔ́ we menɔ́ɔn ngẅi.

1 Timote 6:5

ńgwɔ́ fʉ̀’ ntsèm ne ńzoŋo nò tsetsɛ̀ɛ pɔ́b zoŋ, á nue pɔ́ cʉ́’ʉ ńzsé nò nénʉ́ wɔ́, ńkwaŋa yɔ́b pɔ́ ngie nyìŋ lɔɔn ńzáb ntʉ́m nà Ssé, mbà àa mánzsè gẅie à ge fó mǒ gẅiin nkáb.

2 Piɛ 2:3

Pá’ pɔ́b kwoŋ nkáb tɛ’ la, pɔ́ ge lɔgɔ shwóŋè gie pɔ́ lʉ’té lʉ’te, é lɔg lÿɔgte gẅí, é kẅé shúm sí, ńke ńgÿo pú’u pɛ́’ɛ̀, mbà Ssé la lá’ ńzá’ ntsaŋ yɔb, tà á cʉ́’ pɔ́ méjʉ’ ngɔ́’ gwé ná pɔ́b.

Jẅide 1:16

Epʉ̀a ŋwɛ́ ńnéŋe fʉ̀’ ntsèm anò ne ńgyáŋa wɔ́b gyáŋ, pɔ́ ne ńzẅɛ́te zẅɛté, ńnéŋe ńgÿo pɔ́ mmó gie mbùm yɔb ne ńtsóte wɔ́b ngie pɔ́ gÿo, pɔ́ gwɔ́ fʉ̀’ ntsèm, éshwóŋó pɔ́ shwóŋè gie pɔ́ lɔgɔ ńŋà’te ŋa’té, ńgwɔ́ lʉte nyìŋ ńne ńzsé pì gie pɔ́ ge jÿó ná yé.

2 Tesalonika 2:10

À ge lá’ lɔg menò mie é té nò wɔ́ mentí mentí, éfʉte pʉ̀a pie é ge lá’ pyé. Pɔ́ pyé pú’u, mélà’mie pɔ́ lʉ’ʉ lékwoŋo nò gie áa nénʉ́ gie á kě gÿo pɔ́ tsẅɛ́.

Jẅide 1:12

Pɔ́ ée pʉ̀a pie pɔ́ cʉŋe nzẅìŋ gẅi á fʉ̀’ gie pi mefɛ́ mefɛ́ cu’té ńne ńjÿó shúm, pɔ́ tó fʉ̀’ó ḿpfɛ́ɛ mmó tɛ’, ńnú melù’ tɛ’, pɔ́ té shʉ́ kú, ńkwaŋ pɔ́ ndà’ yɔ́b twó. Pɔ́ ée pá’ mbʉ̀ŋ gie e kwɔ̌’ tà mé ne ńzẅí’te ngie e lú, afóm kaa la, ńgwɔ́ pá’ metÿǒ mie ée těen ńzéme ntɔ̌ɔn wɔ́, tà mbɔɔ ná fʉ̀’ gie é kɔ’ɔ́ zém, ńgwɔ́ pá’ metÿǒ mie é léen ḿbʉe, ḿbú ńkwé.

Filipo 2:21

Petsɔ́ pʉ̀a ne sáŋa nò pɔ́ ndà’ ná yɔ́b twó tà pɔ́ téen sáŋa nò ná nò Yěsô Kristo wɔ́.

Galatia 1:10

Pi shwóŋó wɔ̀ɔn, anò gie mèŋ fóo légɔɔn lɔɔn, á nyɛɛ ngie mèŋ n ne ńtsɔ́ɔn ngie nò yɔ́ɔn poŋ pʉ̀a mesoŋ kà ngie à poŋ pɔ́ Ssé? Mèŋ n gee pá’a ńne ńtsɔ́ɔn légÿo mmó gie á ge poŋ pʉ̀a mesoŋ ka? Á gwé’e pé’è, mèŋ n ne fa’a mbɔɔ légÿo mmó gie á poŋ pʉ̀a mesoŋ, mbà mèŋ n te gíŋe ńgwɔ́ nyìŋ gẅie à kwa’ fa’a fà’a Kristo wɔ́.

Matio 24:24

mélà’mie pà nzà’ nkÿo pe cÿɔ̌ nò, lâ pà *ntsẅì nkʉ̀ Ssé pe cÿɔ̌ nò ge lá’ kẅɛ, é nyɛ memáa meliŋé, é gÿo menò mmɔɔn mmɔɔn lélɔg fʉte pʉ̀a tà ńgyɔ́ɔn, tà ńgwáa we pɔ́ gwe’e ńku’, mbà à lɔɔn ńgwɔ́ pɔ́ fʉte mbɔɔ pʉ̀a pie Ssé la tsɔ́’.

Kolosia 3:24

Tà pi lege ngie Cʉ̀apʉ̀a Kristo zɔ ge lá’ tsɔ́’ɔ fà’a gí, é gʉa ná shúm sé, é náa gí, á nue yé zɔɔ kwà’ nyìŋ gẅie pi fa’a mbwo ye.

2 Korento 4:2

Peg tè nà mentí lɔg fa’a fà’ mie ée me ntsèm, ńgíŋ ńgwɔ́ me shʉ́ wɔ́, atsɔ̌ nkÿonkÿo tè ná kwò legiŋ yég wɔ́, peg piŋ ńké tè ne ńdɔgɔ tsɔ́ menò ḿvoŋo shwóŋè Ssé wɔ́, tà ńcʉ́’ pú’u, peg lɔg pá’ peg ee mvfò Ssé ńdá’te pɔ́ nò nénʉ́ á mbwo pʉ̀a mesoŋ, tà ńgwɔ́ gie à lɔɔn ńgwɔ́ nyìŋ léla’a wég ná tsɔ́ nò wɔ́.

2 Korento 2:17

Tá’ peg tè pá’ tsɔ́ pʉ̀a tà ńgyɔ́ɔn pie pɔ́ lɔgɔ shwóŋè Ssé ńgÿo sɔ́b shúm metʉ̌a wɔ́, peg shwóŋ yég pɔ́ lê ntʉ́m Ndʉalʉ̌a, ńgwɔ́ pɔ́ pʉ̀a pie e Ssé ka tǔm. Peg gwɔ́ shwóŋ e Ssé ne ńgyá wég peg piŋ ńda nnɛ́ ná Kristo.

Roma 16:19

Á gʉa ná pi, pʉ̀a metsèm ne ńzsé ngie pi jú’ ncwò Cʉ̀apʉ̀a. Tà ntʉ́m wɔ̀ɔn ńnéŋe nkág kág nà mmó gie pi ne ńgÿo. Tá’ mèŋ n ne ńtsɔ́ɔn ngie pi gẅiin zsě nò mbòŋo lélɔg ńgÿo nò mbòŋo, ḿbiŋ ńnéŋe ńgwɔ́ pʉ̀a pie pɔ́ lɔgɔ lékÿo nò tepòŋ ńgwɔ́ pàtè *lɔ̌’.

Ŋwà’ne Jâŋ 12:26

Nyìŋ lɔɔn ne fa’a mbwo mèŋ, á cʉ́me nzèm mèŋ. Àjʉ’ gie mèŋ n gee wó la, ngàŋa fà’ wɔ̀ɔn gÿo ńgwɔ́ yé wó. Nyìŋ lɔɔn ne fa’a mbwo mèŋ, mbà Tá wɔ̀ɔn ge gÿo ná mekù’ mé.

Matio 24:11

Pà *ntsẅì nkʉ̀ Ssé pe cÿɔ’ nò kẅɛte tà ńgyɔ́ɔn, éfʉte lelÿò pʉ̀a.

Matio 6:24

À lɔɔn ńgwɔ́ tsɔ̌ nkwɔɔn lé jú’ ncwò pʉ̀a mépʉ́a tà’ legʉ̀a wɔ́. À ge jú’ ncwò tá we, e lʉ’ʉ lé jú’ ncwò nyìŋ ndyɛ̀’ɛ. À ge kwoŋo tà’ nyìŋ, é pʉa wetsɔ̌. À lɔɔn ńgwɔ́ pi le ne ńzába ntʉ́m nà Ssé, ńgíŋe ne ńzába nà nkáb wɔ́.

Ŋwà’ne Ngyà jʉ’ 1:1

Anò gie áa tsɛ̀ɛ yɔɔn ŋwà’ne áa gie á laa lelyěen, Yěsô Kristo gÿo ńgÿo mé zsé. Á gwaa gwɔ́, mbà Ssé tʉ̌ njÿó ńgÿo Yěsô zsé yɛ̌ nò légwɔ́ gie à ge la’te mbwo pʉ̀a pé mmó gie á ge tɔ́g tó. Kristo la túmo cÿɔ́’ we, á gʉa ńda’te yɛ̌ nò á mbwo Jâŋ gẅie aa ngàŋa fà’ Yěsô.

Jẅide 1:1

Àa mèŋ Jẅide, nyìŋ gẅie à fa’a fà’a Yěsô Kristo, ńgwɔ́ fɛ́ Jâg. N túmo yɔɔn ŋwà’ne ńnáa mbwo pi pie Tá wege Ssé la tóŋo gẅí. À kwoŋo gẅi ńne ńtÿɔ́’te gẅi ńdɔgɔ ńzẅí’te Yěsô Kristo.

Ŋwà’ne Jâg 1:1

Àa mèŋ Jâg, mèŋ fa’a fà’ Ssé, mbɔɔ ye Cʉ̀apʉ̀a Yěsô Kristo. Mèŋ n náa yɔɔn ŋwà’ne á mbwo pi púɔ Ssé pie ée nà mengẅɛ̀ ndá pà Israel ntsɔ̀b pʉ́a nê legém, mbà pɔ́ léen sa jʉ’ ntsèm tsɛ̀ɛ mengwòŋ. Mèŋ n tsyɛ’té gẅí.

2 Korento 11:3

Tá’ n kě ḿbɔ́gɔ pɔ́ ngie, à lɔɔn ńgwɔ́ tsɔ̌ nyìŋ cʉŋte twó gí pá’ nnú la pá’ legyè, éfʉte Eva, pi le gíŋe ńgwɔ́ pʉ̀a pie pɔ́ gwɔ gɔɔn ngie pɔ́ zsé yɔ́b pɔ́ ndà’ nò Kristo ńgɔɔn shwóŋó nò wɔ́.

Roma 14:18

Nyìŋ lɔɔn fa’a fà’ Kristo lê yɔɔn ntí, mbà nò yé ge poŋ Ssé, epʉ̀a mesoŋ piŋ ńná mekù’ ngàŋ.