Roma 10:2 - Nouveau Testament en Ngienboum

² Mèŋ n cwoŋo ne ńzsé ngie, pɔ́ kwa’ ne ńkwoŋo léfa’a fà’ Ssé pɔ́ lê zeŋe nnɛ́, tá pɔ́ té ne ńjú’u kwà’ mánzsè wɔ́.

Roma 10:2 Referans Kwoze

Megàŋ ntúm 21:20

Pàkẅé mvfò tsɛ̀ɛ cú’tè pʉ̀a Kristo jú’u yɔɔn nò á poŋo wɔ́b tɛ’. Pɔ́ kwé’e lezíŋ Ssé ńnáa tÿǒ, ńgɔɔn né Pɔl ngie: Afɛ̌ weg, gyá jú. Pà Yuda ntsá’ tà ńgyɔ́ɔn kéen ńcʉ́’ pʉ̀a Kristo, ḿbiŋ ńgwɔ́ kwà’ pàkú’te *lepʉ̌ Mǒsê té kʉ́a.

Filipo 3:6

N dɔ̌ɔn ńtíɛ kẅǐ nà *lepʉ̌ tɛ’, tà ńtsɔ́’ɔ kwò pʉ̀a Kristo té poŋ. Léku’té *lepʉ̌ lá’ zɔ laa pé’è ńtyɛ’te ngie nyìŋ aa tè fʉa, mbà a lɔɔn ńgwɔ́ mèŋ shwóŋó gẅi ngie n daa tè fʉa.

Filipo 1:9

Ammo gie mèŋ m biŋ ńnéŋe sẅíŋte Ssé ńtsɔ́ɔn ngie à ná né pi aa yé légÿo pi kẅi’i ńgẅiin nkwòŋe ńdɔg ńgʉa lê mvfò, ńne ńcwoŋo ńzsé Ssé mboŋó, ńne ńzsé tyɛ̀’te gie áa nà nò mbòŋo pɔ́ ye tepòŋ.

Roma 10:3

Á gwɔ́ nue pɔ́ té ne ńkwoŋo lézẅíŋ ntí gie e Ssé lɔg ńgÿo pʉ̀a gwɔ́ ndʉŋ ndʉŋ mvfò yé wɔ́ mbɔɔ nue pɔ́ fa’a pɔ́ wɔb mánzsè. Pɔ́ té zẅíŋe mánzsè gẅie e Ssé fó mǒ ngie epʉ̀a ée ndʉŋ ndʉŋ mvfò yé wɔ́.

Galatia 1:14

Á gʉa nà legu’te Ssé nà ntí ye pà Yuda, mbà n daa mǒ tà ḿbú ńcʉa kwò nkàŋ yég púɔ pà Yuda. N dɔ̌ɔn ḿbú ḿma’a mbùm yɔ̀ɔn tɛ’ ná mà gẅie metá pég la zí’i wég, ńcʉa wɔ́b.

2 Korento 4:4

ée pà jú’u nò Ssé té záb ntʉ́m mǒ, pie e ssé yé yɔɔn njÿó kéen ńjÿɔ́’ legyè sɔ́b ńdɔg ńtɔ́’ɔ wɔ́b légyá kyɛ̀’ gie á fóo ná nkʉ̀ mbòŋo, pú’u, pɔ́ té zsé pá’ shʉ́shÿɔ́g Kristo aa pú’u wɔ́. Yé Kristo aa pá’ e Ssé gwɔ̌.

2 Korento 4:6

á nue e Ssé gẅie à la gɔɔn ngie: «Á poŋ ngie akyɛ̀’ kyɛ’ nzěm», yé lê twó yé kéen ńtó ńkyɛ’ɛ tsɛ̀ɛ mentʉ́m még, légÿo peg zsé pá’ shʉ́shÿɔ́g we aa pú’u, á shʉ́shÿɔ́g gẅie mé ne ńgyá ná shÿó Kristo.

Megàŋ ntúm 22:3

Mèŋ n gee mûɔ Yuda. Mé zyé wɔ̀ɔn tÿǒsoŋ Tarso, á tsɛ̀ɛ pàga ngwòŋ Silisia. Tà mbà n da gú’ pɔ́ Yerósalem wɔɔn; tà Gamaliel zɔ̌ gwɔ́ tsítsa wɔɔn. Á la nyɛte ńzí’i wɔ̀ɔn lepʉ̌ pàmangʉa njʉ’ pég. Mèŋ n daa nyìŋ, ńgáŋ nnɛ́ nà nò Ssé pɔ́ pá’ pi metsèm gÿo lyɛ̌’ɔɔn lɛ.

2 Korento 8:3

Mèŋ shwóŋó gẅi mmó gie mèŋ n ka gyá gyǎ, pɔ́ ka náa mmó gie pɔ́ ku’u léná tà ńgíŋ ńtɔ́g pá’ ńgwɔ́ pɔ́ ná, ńké ńkwoŋo kwoŋ tá ńnáa pú’u.

Megàŋ ntúm 21:28

ńkwé’e ngyè yɔb tÿǒ ńga’te ngie: Pʉ̀a Israel, pi tó ńkẅéte wég! Nyìŋ wa wɔɔn. À ne ńgwá ńgiŋe jʉ’ ntsèm ndùmo ssé tsetsá’ ńkíme pʉ̀a lá’ pégè té pòŋ, éshwóŋó té pòŋ ná *lepʉ̌ Mǒsê. Tà mbɔɔ ná jʉ’e Ssé yɔɔn. À wɔɔn, mbà à zɔ̌ɔn ńdɔg pʉ̀a pie é té pà Yuda wɔ́, ńtó, ńdɔgɔ wɔ́b ńkúu tsɛ̀ɛ jʉ’e Ssé, ńdɔgɔ pú’u, ńnéŋe *lɔ̌’ mǒ,

Galatia 4:15

Lekág gẅie à laa ntʉ́m pi, à kéen ḿpfó nzɔ̌? Mèŋ n ku’u légɔɔn ngie á la pé’e ńgwaa ńgwɔ́ pi tsɔ́’ menÿɔ́g mí ńdɔg ńkúbe mɔ́ɔn, mbà pi la tsɔ́’ ńdɔg ńkúbe fʉ’ó.

Kolosia 4:13

Mèŋ n dɔ̌g nÿɔ́g mɔ́ɔn ńgyá pá’ à gya ngɔ́’, éfa’a ńtí gẅí, éfa’a ńtíi mbɔɔ pʉ̀a Ssé pie ée Laodisé mbɔɔ pie ée Hierapolis.

Megàŋ ntúm 22:22

Pà Yuda pie pɔ́ la zẅí’te nò gie Pɔl ne ńgɔɔn, tà ńjú’ á gɔɔn pá’ à gɔ̌ɔn lɔɔn, la lêen ńkwé’e ngyè yɔ́b, ńnáa tÿǒ ńgɔɔn ngie: Mé véle shÿó ntí nyìŋ wɛ̂ ndùmo ssé tsetsá’. À tè gẅie à lɔɔn ńgwɔ́ mé nyé yé á gíŋe ńgwɔ́ wó wɔ́,

Ŋwà’ne Jâŋ 16:2

Mé ge gÿo fóo tsɛ̀ɛ *mendá cú’tè pà Yuda é jwoŋo gẅí. Á le gwɔ́ pɔ́ ndà’ pú’u wɔ́. Afʉ̀’ ne ńku’u pá’ nyìŋ ge gÿo gwɔ́ zẅé tà’ nyìŋ tsetsɛ̀ɛ pi, é kwaŋ ngie à nuŋe pɔ́ pwɔ́’ mvfò Ssé.

Roma 10:1

Mefɛ́ pɔ́ɔn, ammó gie m bǔ ne ńtsɔ́ɔn nê ngwòŋ ntʉ́m wɔ̀ɔn ntsèm, ḿbiŋ ńne ńdúɔ mbwo Ssé ńtí pà Yuda, á gwɔ́ ngie à gÿo pɔ́ tsẅɛ́.