Roma 1:7 - Nouveau Testament en Ngienboum

⁷ Mèŋ m biŋ ńnáa yɔɔn ŋwà’ne mbwo pi métsèm pie pi ee tÿǒsoŋo *Roma. Pi pie e Ssé kwoŋo gẅi, áa yɛ̌ à la tóŋo gẅi pá’ pi ge gwɔ́ pʉ̀a pé pie à tsɔ̌’. Mèŋ ne ńtsɔ́ɔn ngie Tá wégè Ssé mbɔɔ Cʉ̀apʉ̀a Yěsô Kristo ne ńgwɔ́ né pi, ńně ńnéŋe sẅéte ntʉ́m pi.

Roma 1:7 Referans Kwoze

Kolosia 1:2

mbwo pi pʉ̀a Ssé pie pi ńnéŋe Kolos. Pi pǔ ńgwɔ́ mefɛ́ mefɛ́ á nà nò Kristo, pi ké ńzsé pɔ́ ndà’ yɛ̌. Tá wege Ssé ne ńgwɔ́ né pi, ńne ńnéŋe sẅétè ntʉ́m pi.

Efeso 1:2

Tá wege Ssé mbɔɔ Cʉ̀apʉ̀a Yěsô Kristo ne ńgwɔ́ né pi, ńne ńnéŋe sẅétè ntʉ́m pi.

1 Tesalonika 1:1

Mèŋ Pɔl, n ŋwe’e yɔɔn ŋwà’ne á nà lezíŋ séga Silase mbɔɔ Timoté, ńnáa mbwo pʉ̀a cú’tè kristo, pie ée Tesalonika, ńgwɔ́ pʉ̀a Ssé Tá, ńgíŋ ńgwɔ́ pʉ̀a Ndè Yěsô Kristo. E Ssé ne ńgwɔ́ né pi, ńne ńnéŋe sẅétè ntʉ́m pi.

2 Jâŋ 1:3

E Ssé Tá, mbɔɔ Yěsô Kristo gẅie aa Míŋ Tá né ńgwɔ́ né pege, ńne ńdege mefʉa mégè, ńne ńnéŋe sẅétè ntʉ́m pege pie pege tyé nà nò nénʉ́ ḿbiŋ ńgẅiin nkwòŋe tsetsɛ̀ɛ pege.

Filemo 1:3

Tá wege Ssé, mbɔɔ Cʉ̀apʉ̀a Yěsô Kristo ne ńgwɔ́ né pi, ńne ńnéŋe sẅétè ntʉ́m pi.

2 Tesalonika 3:18

Cʉ̀apʉ̀a wege Yěsǒ Kristo ne ńgwɔ́ né pi metsèm.

2 Tesalonika 3:16

Cʉ̀apʉ̀a gẅie à ńnéŋe sẅétè ntʉ́m pʉ̀a, yé lê twó yé zɔ ne ńnéŋe sẅétè ntʉ́m pi fʉ̀’ ntsèm, á nà meshÿó ntsèm. Cʉ̀apʉ̀a ne ńgwɔ́ né pi metsèm.

Ŋwà’ne Ngyà jʉ’ 22:21

Cʉ̀apʉ̀a Yěsô ne ńgwɔ́ né pi metsèm!

Filemo 1:25

Cʉ̀apʉ̀a Yěsô Kristo ne ńgwɔ́ né pi.

1 Jâŋ 3:1

Pi gyá pá’ Tá wege kwoŋo wégè kwoŋ tà ńtóŋo wégè lê púɔ pé, éshwóŋó nò pege gwɔ́ pɛ̌. Tá pʉ̀a njÿó té wégè zsé, á nue pɔ́ la tè zsé nyìŋ gẅie e Ssé ee yé wɔ́.

1 Piɛ 1:15

Pi gwɔ́ pɔ́ Ndʉalʉ̌a nà kwò legìŋ gí ntsèm, ndʉŋ ndʉŋ pá’ Ssé gẅie à ka tóŋo gẅi aa Ndʉalʉ̌a la.

Titus 1:4

Mèŋ n ŋwe’e yɔɔn nò, ńnáa mbwo gù Titus. Ɔ̀ɔ mbwo mèŋ, ńgwɔ́ míŋ wɔɔn tɛ’. Pɔgɔ pú ńzáb ntʉ́m nà Yěsô Kristo. Mèŋ n ne ńdúɔ mbwo Tá wege Ssé pɔ́ Yěsô Kristo, yé gẅie à gÿo pege tsẅɛ́ɛ, ńgie pɔ́ ne ńgwɔ́ né gù, ńne ńnéŋe sẅétè ntʉ́m gù.

2 Timote 4:22

Cʉ̀apʉ̀a ne ńgwɔ́ né gù! Ńne ńnéŋe sẅétè yé ntʉ́m pi metsèm.

2 Timote 1:2

Mèŋ n naa yɔɔn ŋwà’ne mbwo gù Timoté, gù míŋ wɔ̀ɔn, n kwoŋo gú tɛ’. N ne ńdúɔ mbwo Tá wege Ssé mbɔɔ mbwo Cʉ̀apʉ̀a wege Yěsô Kristo ngie pɔ́ ne ńgwɔ́ né gù, ńne ńtsɔ́ɔn mezìŋe mú, ńne ńnéŋe sẅétè ntʉ́m gù.

1 Timote 1:2

Mèŋ n ŋwe’e ńnáa mbwo gù Timoté. Ɔ̀ɔ mbwo mèŋ ńgwɔ́ míŋ wɔ̀ɔn tɛ’, ńtí nò Yěsô Kristo gẅie pɔgɔ pǔ ńzáb ntʉ́m ná yé. Mèŋ n ne ńdúɔ mbwo Tá wege Ssé mbɔɔ mbwo Cʉ̀apʉ̀a wege Yěsô Kristo ngie pɔ́ gwɔ́ né gù, ńtsɔ́ɔn mezìŋe mú, ńnéŋe sẅétè ntʉ́m gù.

1 Tesalonika 5:28

Cʉ̀apʉ̀a wege Yěsô Kristo ne ńgwɔ́ né pi.

1 Tesalonika 4:7

E Ssé la zɔɔn tè tóŋo wégè ngie pege gÿo menò mie é gẅiin ncÿǒ wɔ́, à la tóŋo wégè ngie pege gẅiin pɔ́ mà gẅie aa we pʉ̀a pé.

1 Tesalonika 1:3

Peg ne sẅíŋte Tá wege Ssé fʉ̀’e kɔ́ wɔ́, ńkímte pá’ pi lɔg pá’ pi záb ntʉ́m ná Yěsô éfa’ mefà’, ńkímte ntí fà’ gie pi lɔg nkwòŋe éfa’, ḿbiŋ ńkímte pá’ pi ne ńzẅí’te Cʉ̀apʉ̀a Yěso Kristo té kʉ́a.

Kolosia 3:12

E Ssé la kwoŋo gẅí, ńtsɔ́’ɔ gẅí, ńdɔg ńgÿo pʉ̀a pé. Pú’u la, pi píi tsẅé sẅé ḿma’, ńtsɔ́ɔn mezìŋe petsɔ́ pʉ̀a tɛ’, ńgẅiin pòŋo ntʉ́m, ńná nnɛ́ ssé, ńgwɔ́ ngàŋ mbʉ́lè, ńgẅiin shÿɔ̀gɔ ntʉ́m.

Filipo 4:23

Cʉ̀apʉ̀a Yěso Kristo ne ńgwɔ́ né pi metsèm.

Filipo 4:20

Agù’te gwɔ́ mbwo Tá wege Ssé ná mengù’u mengù’. *Amen.

Efeso 6:23

E Ssé Tá, mbɔɔ Cʉ̀apʉ̀a Yěsǒ Kristo ne ńnéŋe sẅétè tsɛ̀ɛ ntʉ́m mefɛ́ mefɛ́, pɔ́ ne ńgẅiin nkwòŋe, ńne ńzába ntʉ́m pɔ́ nà Ssé.

Galatia 6:18

Mefɛ́ mefɛ́, Cʉ̀apʉ̀a wege Yěsô Kristo ne ńgwɔ́ né pi, á tsɛ̀ɛ ntʉ́m pi. *Amen.

1 Korento 16:23

Cʉ̀apʉ̀a wege Yěsô Kristo néŋ mbʉ́lè ná pi métsèm.

Roma 9:25

Á gwɔ́ kwà’ mmó gie à la gɔ́ɔn tsɛ̀ɛ ŋwà’ne Ozé ngie: Epʉ̀a pie é la tè pʉ̀a pɔ́ɔn mɔ́, Mèŋ n ge gÿo tóŋo wɔ́b lê pʉ̀a pɔ́ɔn. Epʉ̀a lá’ gie n dɔ̌ɔn tě ńnyɛɛ ngie n kwoŋo wɔ́b gwɔ́ Mèŋ n ge gÿo tóŋo wɔ́b lê pʉ̀a pie n kwoŋo wɔ́b tɛ’.

Roma 5:1

Pá’ à la cʉa nà lezǎb ntʉ́m nà Yěsô Kristo, e Ssé cʉ́’ ńdíe wégè pege gwɔ́ pɔ́ ndʉŋ ndʉŋ mvfò yé la, pega Ssé ee fʉ̀’ɔɔn ńnéŋe mboŋó, ńzẅɛ́’ɛ Cʉ̀apʉ̀a wege Yěsô Kristo.

Megàŋ ntúm 15:23

Mé gÿo ŋwà’ne gie pɔ́ ge lɔg gʉa, ńŋwe’e tsoló ngie: Peg megàŋ ntúm Yěsô, pâ pàkẅé mvfò tsɛ̀ɛ cú’tè pʉ̀a Kristo á Yerósalem, peg mefɛ́ pí peg tsyɛ’té gẅi metsèm, á gẅi mefɛ́ mefɛ́ pie pi tè pà Yuda wɔ́, á gẅi gẅie pi tsẅé Antiokia, tà mbɔɔ petsɔ́ pʉ̀a pie ée nà pàga ngwòŋ Siria, tà mbɔɔ pʉ̀a pie ée nà pàga ngwòŋ Silisia.

Kolosia 3:15

Mèŋ n ne ńtsɔ́ɔn ngie mbʉ́lè gie e fóo mbwo Kristo e jÿó ntʉ́m gẅí, e Ssé la tóŋo gẅi métsèm légwɔ́ gie pi ge gẅiin mbʉ́lè ŋwɛ́, pá’ pi ge gwɔ́ mekèm tà’ mbùm nnɛ́. Pi ké ńgwɔ́ fʉ̀’ ntsèm, ńne ńnáa ndǎg mbwo Ssé.

Filipo 4:13

Kristo zɔ náa wɔ̀ɔn metʉ̀, tá mèŋ n ku’u légÿo pú’u.

Roma 8:39

ńgwɔ́ pɔ́ metʉ̀ ntí ntí mie ée tsɛ̀ɛ njÿó, é mie ée tÿǒ, kà mie ée tsɛ̀ɛ ssé wɔ́, ńgwɔ́ pɔ́ tsɔ́ mmó ndyɛ̀’ɛ gie Ssé la pwóon, mbà tsɔ́ mmó té ńdá’a ńku’u létáte Ssé lékwoŋo wégè wɔ́. À la cʉa ná Yěsô Kristo, a Cʉ̀apʉ̀a wege, ńnyɛ ngie à kwoŋo wégè.

Roma 1:6

Mbɔɔ pi gí, pi ee nà nùɔ pʉ̀a ŋwɛ́, ńtí nue e Ssé ka tóŋo gẅi ngie pi gwɔ́ gí pʉ̀a Kristo.

Ŋwà’ne Ngyà jʉ’ 2:1

Ŋwe’e menò mɔɔn, ńtúm ńnáa mbwo *cÿɔ́’ Ssé gẅie à líe cú’tè pʉ̀a Kristo gie áa tÿǒsoŋo Efeso. Ŋwe’e ngie: Nyìŋ gẅie à gẅiin mecÿɔ́’ saŋ sɔɔn mbʉ́a nà lɔ̌ɔn pwó yé ye tʉ̀ la, yé gẅie à gwɔ giŋ, melâm sɔɔn mbʉ́a mie mé la lɔgɔ tʉ̌ gɔ̂l ńnyɛte é tÿɔ́’ɔ yé ńnéŋe soŋ la, à ne ńgɔɔn ngie:

Ŋwà’ne Jâg 1:1

Àa mèŋ Jâg, mèŋ fa’a fà’ Ssé, mbɔɔ ye Cʉ̀apʉ̀a Yěsô Kristo. Mèŋ n náa yɔɔn ŋwà’ne á mbwo pi púɔ Ssé pie ée nà mengẅɛ̀ ndá pà Israel ntsɔ̀b pʉ́a nê legém, mbà pɔ́ léen sa jʉ’ ntsèm tsɛ̀ɛ mengwòŋ. Mèŋ n tsyɛ’té gẅí.

Ŋwà’ne Jâŋ 20:17

Yěsô gɔɔn né yé ngie: Tè gíŋe ndáte wɔ̀ɔn, á nue mèŋ n nyě tè kwɔ̌’ tà ńkúu lejʉ́ŋ Tá wɔ̀ɔn. Ké ńgʉa ńgyá mefɛ́ pɔ́ɔn, ńgɔɔn né pɔ́b ngie: Mèŋ n ge kwɔ́’ nê lejʉ́ŋ Tá wɔ̀ɔn mie à giŋé ńgwɔ́ Tá gẅi. Á lejʉ́ŋ Ssé yɔ̀ɔn gie e giŋé ńgwɔ́ Ssé gi.

Matio 5:16

Aa yɛ̌ tá á poŋ ngie pi kyɛ’ pʉ̀a mesoŋ tá pɔ́ gyá nò mbòŋo gie pi ne ńgÿo, ńdeen ńké ńgu’te Tá gẅi gẅie aa tÿǒ lepwó.

Ŋwà’ne Ngyà jʉ’ 3:22

Nyiŋ lɔɔn ńgẅiin metuŋó, lélɔg ńjú’u nò, á jú’u nò gie Zẅìge Ssé ne ńgɔɔn mbwo mecú’tè pʉ̀a Kristo lɔɔn.

Ŋwà’ne Ngyà jʉ’ 3:14

Ŋwe’e menò mɔɔn, ńtúm ńnáa mbwo *cÿɔ́’ Ssé gẅie à líe cú’tè pʉ̀a Kristo gie áa tÿǒsoŋo Laodisé. Ŋwe’e ngie: Nyìŋ gẅie lezíŋ sé ée lê *Amen, á gwɔ́ njÿò ńgyá we tè kubé shwóŋè, gẅie à gɔɔn nò gie áa nénʉ́, gẅie yé zɔ nzyeté nà kɔ̀ɔkɔ́ɔ gie e Ssé la nyɛte, à ne ńgɔɔn ngie:

Ŋwà’ne Ngyà jʉ’ 3:7

Ŋwe’e menò mɔɔn, ńtúm ńnáa mbwo *cÿɔ́’ Ssé gẅie à líe cú’tè pʉ̀a Kristo gie áa tÿǒsoŋo Filadelfia. Ŋwe’e ngie: Nyìŋ gẅie à fóo lejʉ́ŋ Ssé, ńgwɔ́ shwóŋò nò nénʉ́, yé gẅie à ngẅiin kí fùɔ Ndavíd, yé gẅie à tsɔ́’ ncwò ndá nyìŋ tè ku’u léjÿɔ́’ wɔ́, ńjÿɔ́’ nyìŋ tè ku’u létsɔ́’ wɔ́, à ne ńgɔɔn ngie:

Ŋwà’ne Ngyà jʉ’ 2:29

Nyìŋ lɔɔn ńgẅiin metuŋó, lélɔg ńjú’u nò, á jú’u nò gie a Zẅìge Ssé ne ńgɔɔn mbwo mecú’tè pʉ̀a Kristo lɔɔn.

Ŋwà’ne Ngyà jʉ’ 2:18

Ŋwe’e menò mɔɔn, ńtúm ńnáa mbwo *cÿɔ́’ Ssé gẅie à líe cú’tè pʉ̀a Kristo gie áa tÿǒsoŋo Tiatire. Ŋwe’e ngie: Míŋ Ssé gẅie menÿɔ́g mé kyɛ’ɛ jʉ’ pá’ lʉ́me mmɔ̌g lá, mekwò mé gwɔ́ pá’ tʉ̌ nʉ̀ la, à ne ńgɔɔn ngie:

Ŋwà’ne Ngyà jʉ’ 2:12

Ŋwe’e menò mɔɔn, ńtúm ńnáa mbwo *cÿɔ́’ Ssé gẅie à líe cú’tè pʉ̀a Kristo gie áa tÿǒsoŋo Pɛrgame. Ŋwe’e ngie: Nyìŋ gẅie à gẅiin nně ncù yá gie e sẅité, ńgíŋ ńgwɔ́ mengʉ́ŋ mémbʉ́a la, à ne ńgɔɔn ngie:

Ŋwà’ne Ngyà jʉ’ 2:8

Ŋwe’e menò mɔɔn, ńtúm ńnáa mbwo *cÿɔ́’ Ssé gẅie à líe cú’tè pʉ̀a Kristo gie áa tÿǒsoŋ Smirne. Ŋwe’e ngie: Nyìŋ gẅie aa ndùŋ mvfò, ńgwɔ́ nzsònzèm, nyìŋ gẅie à la kwé ḿbiŋ ńgíŋ fóo lá’ mepfó, à ne ńgɔɔn ngie:

1 Timote 6:2

Á gʉa nà menkwɔɔn pie pʉ̀a pie é gẅiin wɔ́b ée pʉ̀a Kristo pɔ́ pɔ́ɔn lézẅɛ́’ pá’ pâ pɔ̌ ée mefɛ́ mefɛ́ ńgwága wɔ́b. Tà ńcʉ́’ pú’u, pɔ́ fa’a fà’a yɔ́b á poŋ ńcʉa pá’ pɔ́ ka zɔɔn ńne fa’a, mélà’mie pʉ̀a pie pɔ́ fa’a mbwo pɔ́b kéen ńzáb ntʉ́m ná Kristo tà pɔ́b menkwɔɔn cʉ́’ʉ ńkwoŋo wɔ́b kwoŋ. Ammó gie ɔ̀ ge ne zí’i pʉ̀a, é piŋ ne ńkẅiŋte wɔ́b légÿo pú’u, à yɔɔn:

Megàŋ ntúm 9:13

Ananias tsɔ́’ ngie: Cʉ̀apʉ̀a, mèŋ n zyě ńjú’ pʉ̀a tà ńgyɔ́ɔn kíme nyìŋ gẅie ɔ̀ gɔɔn yé lɛ. Mèŋ m bǔ ńzsé nò tepoŋ gie à ka gÿǒ nà pʉ̀a pú, á Yerósalem.

Roma 5:5

Pege kě těen ńzẅí’te pú’u, pɔ́ jʉ’e sẅɛ̀ɛ wɔ́, á nue Ssé kéen fó nà Zẅìge yé gie à ka nǎ né pege, ńnyɛɛ wege pá’ɔɔn tɛ’ ngie à kwoŋo wégè.

Roma 8:28

Pege giŋé ne ńzsé ngie menò mie é gÿo pʉ̀a pie pɔ́ ne ńkwoŋo Ssé, e Ssé gÿo mɛ̌ menò gÿo pɔ́ nò mbòŋo ná pɔ́b, á wɔ́b gẅie à la tsɔ́’ɔ nà ntí gie à la tʉ́ njÿó ńkwaŋ.

1 Korento 1:24

Tá á gʉa mbwo pʉ̀a pie e Ssé tsɔ’ɔ́ wɔ́b, kà é gwɔ́ pɔ́ pà Yuda wɔ́, kà pʉ̀a pie é té pà Yuda wɔ́ wɔ́, Kristo la’te pá’ metʉ̀ Ssé ée pú’u, mbɔɔ pá’ zsè nò Ssé áa pú’u.

Filipo 1:2

Tá wege Ssé mbɔɔ Cʉ̀apʉ̀a Yěsô Kristo ne ńgwɔ́ né pi, ńne ńnéŋe sẅétè ntʉ́m pi.

1 Tesalonika 1:4

Mefɛ́ pég, peg ne ńzsé ngie e Ssé kwoŋo gẅí, mbà à la tsɔ́’ɔ gẅi ńdɔg ńgÿo pʉ̀a pé.

2 Tesalonika 1:2

E Ssé Tá mbɔɔ Cʉ̀apʉ̀a Yěsô Kristo ne ńgwɔ́ né pi, ńne ńnéŋe sẅétè ntʉ́m pi.