Roma 1:28 - Nouveau Testament en Ngienboum

²⁸ Pá’ pɔ́ la lʉ’ʉ lézsé Ssé lá, e Ssé la nyé wɔ́b, legyè sɔ́b sie é té tyé zɔ̌ cʉ́’ʉ sá’a wɔ́b pɔ́ cʉ́’ʉ ńgÿo pɔ́ mmó gie pɔ́ kɔ’ɔ́ tè gÿo wɔ́.

Roma 1:28 Referans Kwoze

Roma 1:21

Pɔ́ zsé Ssé, tá pɔ́ té gu’te yé, ésíe yé pá’ á ne ńzɛ́te ngie mé gÿo pú’u, nà Ssé wɔ́. Tà ńcʉ́’ pú’u, mbà legyè sɔ́b la fʉte wɔ́b pɔ́ fʉa mánzsè, ntʉ́m wɔ́b gẅie é gẅiin pɔ́ gʉ̀gʉ̀ nzsenò gÿo pɔ́ gwé tsɛ̀ɛ nzěm.

Titus 1:16

Pɔ́ tyé ńgɔɔn ngie pɔ́ ne ńzsé Ssé, tá menò mie pɔ́ gÿo nyɛɛ ngie pɔ́ té Ssé zsé. Pɔ́ tʉʉ twó tɛ’, ńgÿo mmó gie á sẅile sẅile, ńgwɔ́ pɔ́ zɔɔn legÿo nò mbòŋo wɔ́.

Roma 1:24

Áa mmó gie á la gÿo e Ssé nyé wɔ́b pɔ́ gÿo menò sẅile sẅile mie ntʉ́m wɔ́b la ně ńtsɔ́ɔn ndêen ńké ńdɔgɔ légÿo pú’u, ésele ńcʉ́ŋte mbùm yɔ́b, ńdɔg sele ntém shʉ́ twó pɔ́b.

2 Timote 3:8

Pʉ̀a pie é zí’i wɔ́b zɔɔn ne ńdʉ’ʉ nò gie áa nénʉ́. Ndʉŋ ndʉŋ pá’ á laa tsɔ́ fʉ̀’, Jannès pɔ́ Jambrès lʉ’ʉ nò gie Mǒsê gɔɔn la, pɛ̌ pʉ̀a gíŋe ne ńdʉ’ʉ nò gie áa nénʉ́, ée pʉ̀a pie legyè sɔ́b té tyé, pɔ́ piŋ ńké tè záb ntʉ́m nà Ssé tà shwóŋó nò wɔ́.

2 Tesalonika 1:8

À ge lá’ gwaa tó pege gyá mmɔ̌g tÿɔ́’ɔ yé ńnéŋ soŋ, à gÿo pʉ̀a pie pɔ́ la lʉ’ Nkʉ̀ Mbòŋo wé gyá ngɔ́’.

1 Korento 15:34

Pi gwoonte mbùm gí nà ntí gie e poŋ Ssé, tà pi gíŋ ńgÿo menò tepòŋ. N gɔɔn nue mèŋ n ne ńgyá e tsɔ́ pʉ̀a ée tsetsɛ̀ɛ pi pɔ́ té Ssé zsé, n gɔɔn pá’ɔɔn ńtsɔɔn ngie eshʉ́ kúu gẅí.

Roma 1:18

E Ssé zɔɔn ńgwɔ́ tÿǒ lepwó ne ńnyɛɛ ngie à ne ńgyaŋa lóŋ, mélà’mie pʉ̀a mésoŋ é móŋo yé, ńnéŋe ńgÿo menò tepòŋ. Pɔ́ ne ńdɔgɔ ńgÿo menò tepòŋ mɔ́b ńtáte nò nénʉ́ léfa’a fà’. E Ssé ne ńnéŋe ntsaŋ twó pɔ́b,

Efeso 5:4

Á té ne ńzɛ́te ngie pi shwóŋó ḿmag mag wɔ́, tà mbɔɔ léma’a kwaŋ ná tsɔ̌ ntí, lâ légÿo tsɔ́ ntí megʉa. Á poŋ ngie ashwóŋè gwaa kẅɛɛ ncwò pi, pi lɔgɔ síe pɔ́ Ssé nà mmó gie à gÿǒ mbwo pi.

Roma 1:26

Áa mmó gie á la gÿó e Ssé nyé wɔ́b pɔ́ gÿo mmó gie nkwaŋá wɔ́b tyé mǒ tá é gwɔ́ menò mie ée néŋ shʉ́ nà pɔ́b. Mezwě pɔ́b nyé mbàŋa ńcʉ́’ʉ fa’a pɔ́ tsɔ́ pànzwě pâ pɔ̌ nuŋe, yɛ̌ ntí légÿo menò è té ntí gie Ssé la záb wɔ́.

2 Piɛ 3:5

Pɔ́ gwaa gɔɔn pú’u, ńne ńdege tà ńzsé zsé ngie e Ssé la lá’ ńnyɛte lepwó pɔ́ tsetsá’ tà ntyě sagá. À la lɔg pɔ́ shwóŋè yé ńgÿo, tsetsá’ fó tsɛ̀ɛ ntse ńkẅɛ, á lɔg pɔ́ ntse ńnyɛte.

Filemo 1:8

Mèŋ n gee ngàŋ ntúm Kristo, n tsɛ ńku’u léshwóŋó gú mmó gie á zɛ́te ngie ɔ̀ gÿo tá’, á fó nà mmó gie ɔ̀ ne gÿo,

2 Korento 10:5

Peg ne ńnyɛɛ ngie meshwóŋè mie pʉ̀a lɔgɔ ńŋá’te, é ne ńtáte pʉ̀a lézsé nò Ssé, é té tsɔ́ nò wɔ́, ńkaga tʉ̀ ńkúbe mmó gie pʉ̀a gẅiin ntʉ́m pɔ́b, ńgÿo pɛ̌ pʉ̀a cʉ́’ʉ ńjú’u pɔ́ ncwò Kristo.

Megàŋ ntúm 17:32

Pà Gelekia gwɔ́ tà ńjú’ pá’ Pɔl gɔ̌ɔn ngie nyìŋ la zíme nà legwé, etsɔ́ pʉ̀a pɔ́b é gwaa zoonte yé, petsɔ́ gɔɔn lê yé ngie: Peg ge lá’a tsɔ́ lyɛ̌’ tá gíŋ zẅí’te nò gie ɔ̀ gɔɔn lɛ!

Megàŋ ntúm 17:23

Mèŋ n gwǎ ne giŋe tsɛ̀ɛ tÿǒsoŋ gí, ńgyá mendá messé mí gyǎ, tà ńgyá tsɔ̌ gwɔ́ wó, mbà mé la ŋwe’e mǒ ngie: Yɔɔn áa jʉ’ʉ ssé gie peg kaa lezíŋ sé zsé. Áa yɛ̌ tá, yɛ̌ Ssé gie pi tsẅé ńgu’te yé té zsé yé la, mèŋ n tóo pá’ɔɔn léshwóŋó gẅi nò yé.