Roma 1:23 - Nouveau Testament en Ngienboum

²³ Pɔ́ nyé légu’te Ssé gẅie à gẅiin legú’, ńgwɔ́ tè kwé, ńcʉ́’ ńgu’te pɔ́ shúm sẅɛ̀ɛ, éshúm sie é sẅé nyìŋ mésoŋ gẅie aa ńkwé, ésẅé meshʉ́ŋ, setsɔ́ sẅé menɔ̀ɔn pie é gẅiin mekwò lekùa, setsɔ́ sẅé menɔ̀ɔn pie éshwoŋo lepfòm sɔ́b ssé.

Roma 1:23 Referans Kwoze

Megàŋ ntúm 17:29

Pege lɔgɔ ńgwɔ́ púɔ Ssé yé máŋwɛ́. Pú’u la, tà pege kwaŋ ngie Ssé áa tsɔ́ mmó gie mé la lɔgɔ tʉ̌ ngɔl, kà pɔ́ tʉ̌ nkáb wɔ́, kà tóon wɔ́, ńdɔg ńnyɛte. Pá’ tsɔ́ pʉ̀a lɔgɔ legyè sie é kẅɛɛ twó pɔ́b ńdɔgɔ ńnyɛte.

Roma 1:25

Pɔ́ la nyé nò nénʉ́ gie áa nà Ssé, ńcʉ́me nzèm cÿɔ nò, á gwɔ́ pá’ pɔ́ cʉ́’ ńgu’te pɔ́ shúm sie e Ssé la nyɛ́te, ńcʉ́’ʉ fa’a pɔ́ mbwo sɛ̌ shúm. Tá mé gẅiin légu’te pɔ́ yé mbù’ ngwòŋ, ńgu’te yé á nà ngù’ nkɔ́ɔn nê nkɔ́ɔn, *Amen.

1 Piɛ 4:3

Apàa á zɔ̌ɔn ńzá’a pá’ pi ka ne ńgÿo mmó gie pà tézsé Ssé ne ńkwoŋo. Pi kɔ̌ɔn fʉ̀’ʉ menò tà sá’a sǎ’, ńne ńgÿo kɔ̀ɔkɔ́ɔ gie mbùm gi tsóte gẅi légÿo, ḿbʉ́a melù’, ńcú’te ná linɔ́ɔn lépfɛ́ shúm, ńgÿo menò shʉ́, pi kɔ̌ɔn ńzɔ́gɔ pɔ́ lénú melù’, pi kɔ̌ɔn ńgu’te shúm ngie ee messé, á gwɔ́ mmó gie Ssé pǔ tè kwoŋ.

1 Korento 12:2

Pi ne ńzsé ngie, á laa fʉ̀’ gie pi la nyé tè zǎb ntʉ́m ná Yěsô Kristo, atsɔ́ mmó ne ńtsó gẅi pi gu’te messé, tà mbɔɔ pá’ ée shúm sie é lɔɔn ńgwɔ́ é le nò gɔɔn.

Ŋwà’ne Ngyà jʉ’ 9:20

Á gʉa nà pfwɔ́’ɔ pʉ̀a pie sɔɔn shúm sie é náa ngɔ́’ la tè wɔ́b zẅé, pɔ́ ké tè kúbe mà wɔ́b ńgwá’ mefà’ tepòŋ mie pɔ́ fa’a wɔ́. Pɔ́ la tè nyé légu’te *messé tepòŋ wɔ́. Pɔ́ té nyé légu’te shúm sie mé gu’te ngie ee messé wɔ́, é sie mé la lɔgɔ tʉ̌ gɔ̂l ńnyɛte, kà pɔ́ sie mé la lɔgɔ tʉ̌ nkáb ńnyɛte wɔ́, kà sie mé la lɔgɔ tʉ̌ nʉ̀ ńnyɛte wɔ́, kà sie mé la lɔgɔ tóon ńnyɛte wɔ́, kà sie mé la lɔgɔ kème tÿǒ ńnyɛte wɔ́, éshúm sie é té ku’u légyá jʉ’ wɔ́, ńké tè ku’u lé jú’u nò wɔ́, ńké tè ku’u légiŋ wɔ́.

Megàŋ ntúm 10:12

Ntí ntí menɔ̀ɔn pú ńgwɔ́ tsoló. Menɔ́ɔn mekwo lekùa, menɔ̀ɔn pie pɔ́ shwóŋó lepfòm sɔ́b pɔ́ ssé, ńgÿo meshʉ́ŋ