Roma 1:13 - Nouveau Testament en Ngienboum

¹³ Mefɛ́ pɔ́ɔn, pi zsé mboŋó ngie n dǎ táŋ tɛ’ létó ńgyá gẅi tá shÿó ké tè kẅɛ tà ńkú lyɛ̌’ɔɔn. N daa pú’u ńtsɔ́ɔn létó fa’a tsetsɛ̀ɛ pi tà pi jÿó gí pì pá’ n ka fa’a tsɛ̀ɛ tsɔ́ mengwòŋ pɔ́ jÿó pì.

Roma 1:13 Referans Kwoze

Megàŋ ntúm 19:21

Mɔɔn menò la tɔ́g, Pɔl záb ngie à ge gʉa Yerósalem, é gwɔ gʉa é cʉa tsɛ̀ɛ pàga ngwòŋ Makedonia pɔ́ ye Akay, ńne ńgɔɔn ngie: Á ne ńzɛ́te ngie n dɔɔn ńgʉa tà ńkúu wó, ńgíŋe ńgʉa *Roma,

Filipo 4:17

N gɔɔn pá’ɔɔn, á té gwɔ́ pɔ́ ngie, n ne fa’a pɔ́ shúm sie mé ge túm ná né mèŋ wɔ́. Mèŋ n ne ńtsɔ́ɔn pɔ́ ngie e Ssé fó mǒ ńnéŋ mbʉ́lè ná pi.

2 Timote 4:17

Cʉ̀apʉ̀a zɔ la tè wɔ̀ɔn gwá’. À la tóonte wɔ̀ɔn tá mèŋ n tsẅi nkʉ̀ wé pá’ á ne ńzɛ́te ngie mé tsẅi, ta pʉ̀a pie é té pà Yuda wɔ́ jú’ metsèm. Á fó ncwò mepú’ ntʉ̀ ńkẅile wɔ̀ɔn.

1 Tesalonika 4:13

Mefɛ́ mefɛ́, peg ne ńkwoŋo ngie pi zsé nò nénʉ́ gie á líe mepfó, légwɔ́ gie pi tè ńnéŋe nê lemÿɔg pá’ petsɔ́ pʉ̀a mesoŋ pie pɔ́ té ne ńzẅí’te tsɔ́ mmó mbwo Ssé wɔ́ wɔ́.

1 Tesalonika 2:18

Áa nò ngie peg ka kwoŋo légiŋe ńtóo lá’ pi, kwà’ mèŋ Pɔl, méŋ fǎ’ meshÿó mekwò tà ńgyɔ́ɔn tá Sátà ké ńtáte wég táte.

2 Korento 1:8

Mefɛ́ mefɛ́, peg ne ńtsɔ́ɔn ngie pi zsé nzẅìŋ ngɔ́’ gie peg ka gyǎ tsɛ̀ɛ pàga ngwòŋ Azia, peg la gyá ngɔ́’ wó gyá tà metʉ̀ még mag, peg cʉ́’ʉ ńjú’u ńgee pɔ́ ńkwéte.

1 Korento 12:1

Mefɛ́ pɔ́ɔn, á gʉa ná pá’ Zẅìge Ndʉalʉ̌a á cÿó geme wɛ̌ nyìŋ wɔ́, ńnáa yé fù’, mbà mèŋ n ne ńkwoŋo ngie pi zsé nò nénʉ́ nà fù’ ŋwɛ́.

1 Korento 10:1

Mefɛ́ pɔ́ɔn, mèŋ n te ne ńkwoŋo ngie pi lege nò ná mmó gie á la gÿo metá pégè á fʉ̀’ gie pâ Mǒse la ne ńgiŋe wɔ́, pɔ́b métsèm la gyá melɔ́ɔn Ssé lejʉ́ŋ pɔ́b. Pɔ́b métsèm la tɔ́gɔ tsɛ̀ɛ ntse té pàa,

Kolosia 1:6

Nkʉ̀ Mbòŋo ne saa jʉ’ tsɛ̀ɛ njÿó té vʉ’ʉ tsɔ́, ńgwɔ́ pá’ tÿǒ gie á ne ńzéme ntɔ̌ɔn, ńgíŋe ne ńgú’u la, ée tsetsɛ̀ɛ pi, ńgíŋe ńne ńgee ne mvfò pɔ́ pú’u, tà fó ndùŋ mvfò lyɛ̌’ gie pi la jú’ mé zye lékím pá’ e Ssé lɔgɔ menò mbòŋo mé ńcÿó gʉm pʉ̀a, pi kéen ńgyá yɛ̌ nò, ayɛ̌ nò gwɔ́ gie áa nénʉ́.

Roma 11:25

Mefɛ́ pɔ́ɔn, mèŋ n ne ńkwoŋo ngie pi zsé mmó gie áa ná yɔɔn nò, mbà á la zɔɔn ńgwɔ́ pɔ́ lelyěen, ḿbɔ́gɔ gẅi lékwaŋ ngie pi ee pàzsé nò. Yɛ̌ mmó áa ngie atsɔ́ gwǒŋo pà Israel ne ńtʉʉ twó mbwo Ssé fʉ̀’ɔɔn, tá á ké lěen ńdá’a ńgwɔ́ pɔ́ pú’u wɔ́. Pɔ́ ge tʉʉ twó tà kú fʉ̀’ gie pʉ̀a metsèm pie e Ssé la tsɔ́’, é piŋ tè pà Yuda wɔ́, ge cʉ́me nzèm yé.

Ŋwà’ne Jâŋ 15:16

Pi zɔ la tè tsɔ́’ɔ wɔ̀ɔn mɔ́, mèŋ n zɔ la tsɔ́’ɔ gẅí, ńtúmo gẅi ngie pi gʉa fa’a fà’ yɔ́ɔn. Ammó gie pi gÿǒ lá’a ńgwɔ́ pɔ́ wó, á le cʉa sẅɛɛ wɔ́. À cʉa pú’u, ńgwɔ́ gie pi lɔɔn ńdɔg lezíŋ sɔ́ɔn ńdúɔ pɔ́ kɔ́ mbwo Tá wɔ́, mbà à ge náa mbwo pi.

Ŋwà’ne Jâŋ 4:36

Nyìŋ gẅie à laga shúm, à ne ńkẅé ntsɔ’ɔ́ fà’ wé, é gwɔ́ pá’ à ne ńcú’te mmó ńnéŋe tsɛ̀ɛ le gwɔ́ tèmì. Légwɔ́ gie ambyè mmó pɔ́ ndàga ge pú kág.

2 Tesalonika 2:7

Menò mie fùɔ menò tepòŋ ge lá’ gÿo, é kěen ńzɔɔn ńzyéte, tá ńké ńnyé shúu shú, é cʉ́’ pɔ́ ndà’ pá’ mé ge pe’e nyìŋ gẅie à táte yé.

2 Korento 2:14

Tá’, peg ge ké ná pɔ́ ndǎg mbwo Ssé, á nue peg lɔɔn ńgwɔ́ pɔ́ nzɔ̌ wɔ́, mbà à ge gÿo peg gwɔ́ pɔ́ ná mánzòŋ Kristo, mbà yé Kristo jÿǒ ncù. Yé Ssé lɔgɔ wég ńgÿo mé zsé Kristo jʉ’ ntsèm, pá’ mmó gie mé túɔ, àgyě kwɔ́’ɔ ésa jʉ’ ntsèm la.

1 Korento 9:2

Petsɔ́ pʉ̀a lɔɔn ne ńdʉ’ʉ ngie n te ngàŋ ntúm Yěsô wɔ́, mbà á fó ńgʉa mbwo pi, mèŋ n gwɔ́ wɛ̌. Pá’ pi la nnɛ́ ná Cʉ̀apʉ̀a la, pi lɔg pú’u, ńgwɔ́ liŋé gie á la’te ngie n gee ngàŋ ntúm Yěsô Kristo.

Megàŋ ntúm 21:19

Pɔl tsyɛ’te wɔ́b tà á ku’, á pú ḿbíte menò mie Ssé ka lɔgɔ yé ńgÿo tsetsɛ̀ɛ pʉ̀a pie é té pà Yuda wɔ́ éshwóŋó wɔ́b.

Megàŋ ntúm 15:12

Piɛ gɔɔn tà ńtsẅé jʉ’, pʉ̀a metsèm láŋte. Mé cʉ́’ʉ ńzẅí’te pɔ́ nò gie Pɔl pɔ́ Panebâse ne ńgɔɔn. Pɔ́ ne ḿbíte menò mmɔɔn mmɔɔn laa menkʉ̀’ʉ menò mie Ssé ka lɔgɔ wɔ́b ńgÿo, á tsetsɛ̀ɛ pʉ̀a pie é té pà Yuda wɔ́, éshwóŋó wɔ́b.

Megàŋ ntúm 14:27

Pɔ́ gʉa tà ńkúu wó, ńcú’te pʉ̀a Kristo metsèm, ḿbú ḿbíte kɔ̀ɔkɔ́ɔ wɔ́ gie Ssé cʉ̌a ná pɔ́b ńgÿo, éshwóŋó wɔ́b. Lelÿò menò gwɔ́ pá’ e Ssé kéen ná shÿó mbwo pʉ̀a pie pɔ́ té pà Yuda wɔ́, ss lézáb ntʉ́m ná Yěsô.

Ŋwà’ne Jâŋ 12:24

Tà mèŋ shwóŋó gẅí, kwà’ nénʉ́, mvòm ngesáŋ lɔɔn tè gwe ssé tà ńkwé wɔ́, mbà e ge gwɔ́ pɔ́ yémɔ’ɔ́. Tá ńké ńkwé, mbà e ge sá’, é ná memvòm tà é gyɔ́ɔn gyɔ́ɔn.

Megàŋ ntúm 1:15

Á gÿo ńgwɔ́ tsɔ̌ lyɛ̌’, mefɛ́ mefɛ́ cú’te ssé, (tà ńgwɔ́ mmó pʉ̀a nkÿo lemóm mbʉ́a). Piɛ lu ssé, ńtyé tsetsɛ̀ɛ pɔ́b ńgɔɔn ngie:

Megàŋ ntúm 28:14

ńkúu wó, ńgyá tsɔ́ mefɛ́ mefɛ́. Pɔ́ tóŋo wég ngie peg laa pɔ̌ ńnéŋe mbʉ̀a pɔ́b tà’ ngàba lá’. Wɔɔn aa pá’ peg la gÿo tá ńkúu tÿǒsoŋo *Roma.

Roma 1:12

Ndyɛ̌’ n kɔ’ɔ́ gɔɔn pɔ́ ngie n dɔɔn tó ńgwɔ́ tsetsɛ̀ɛ pi, egi ntí lézáb ntʉ́m nà Ssé é kẅiŋte wɔ̀ɔn, eyɔ́ɔn ntí kẅiŋte gẅí.

Roma 7:1

Mefɛ́ pɔ́ɔn, pi pie pi ne ńzsé mmó gie *lepʉ̌ ée yɛ̌, pi tè ne ḿmoŋe ngie *lepʉ̌ gẅiin nò ná nyìŋ pɔ́ fʉ̀’ gie angàŋ nyé ntentʉ́ wɔ́.

1 Korento 1:10

Mefɛ́ mefɛ́, n dɔ̌g lezíŋ Cʉ̀apʉ̀a wege Yěsô Kristo ńgɔɔn né pi ngie: Pi gwɔ́ tà’ ncwò, ńgie tà fàgte gwɔ́ tsetsɛ̀ɛ pi, ńgie pi gẅiin tà’ ntí lesaŋá nò, ńgẅiin tà’ nkwaŋá.

1 Korento 14:20

Mefɛ́ pɔ́ɔn, tà pi cʉ́’ʉ lésáŋa nò, ésáŋ pá’ pènkʉ́ la. Pi gʉa nà nò tepòŋ ńgwɔ́ pɔ́ mecʉ̀cʉ̀ŋ. Tá’ ńgʉa nà lesaŋá nò, ńnyɛ ngie pi cÿɔgté.

1 Korento 14:26

Mefɛ́ pɔ́ɔn pá’ áa pá’ɔɔn lɔɔn pege gÿo lêkɔ́? Pi lɔɔn ńgwɔ́ tà ńcú’te nyìŋ gẅi gẅiin zɔ́bɔ ntse á zɔb, nyìŋ gẅiin mmó gie à ge zí’i petsɔ́ pʉ̀a á zí’i, nyìŋ gẅiin mmó gie e Ssé ne ńnyɛɛ yé, á shwóŋ, nyìŋ gẅiin nò gie à ge gɔɔn lê shwóŋè gie mé té ne ńzsé wɔ́ á gɔɔn, nyìŋ gẅiin lékyagte á kyagte. Tá’ á ne ńzɛ́te ngie sɛ̌ shúm ntsèm e kẅéte lélɔg ńgÿo à cú’tè pʉ̀a Kristo ntsèm kẅi’i ńzáb ntʉ́m nà Ssé.

Galatia 3:15

Mefɛ́ mefɛ́, n ge pí fʉ̀’ ná mà wege pʉ̀a mesoŋ, pege zsě ngie nyìŋ gwɔ́ tà ńŋwe’e mmó ńdɔg ńtÿɔ́g legwé sé nà ntí gie á zɛ́te, ńgwɔ́ tsɔ̌ nyìŋ lelʉ’, ńké le gíŋe ńkẅi’i tsɔ́ mmó mǒ wɔ́.

Galatia 6:18

Mefɛ́ mefɛ́, Cʉ̀apʉ̀a wege Yěsô Kristo ne ńgwɔ́ né pi, á tsɛ̀ɛ ntʉ́m pi. *Amen.

Filipo 1:22

Tà áa pú’u, pá’ɔɔn ńgwɔ́ gie n dɔɔn ńnyé ńgẅiin léńnéŋe ndùmo ssé tsetsá’, éfa’ mefà’ mbòŋo, mbà mèŋ n ge kaŋ pɔ́ lékwé kà leńnéŋe? N kaa zsé gie mèŋ n ge kaŋ wɔ́.

Kolosia 1:10

Pú’u, pi ku’u léńnéŋe ná ntí gie Cʉ̀apʉ̀a ne ńkwoŋo, ńne ńgÿo pɔ́ mmó gie á poŋo yé, éfa’ mefà’ mbòŋo mentí mentí, ńkẅi’i ńzsé yé Ssé.