Roma 1:11 - Nouveau Testament en Ngienboum

¹¹ Á nue n kwà’ ne ńtsɔ́ɔn létó ńgyá gẅí, légwɔ́ gie n ge gÿo Zẅìge Ndʉalʉ̌a cÿó gem gí, mentʉ́m mí kẅi’i ńtʉte. Pi lɔg pú’u ńkẅi’i ńtʉte.

Roma 1:11 Referans Kwoze

2 Piɛ 1:12

Áa mmó gie á gÿo n ge lá’a zɔ́gɔ kímte gẅi mɔɔn menò kimté tà mbɔɔ pá’ pi ne ńzsé, ḿbiŋ ne ńgiŋe pɔ́ nà nò gie áa nénʉ́ gie mé la shwóŋó gẅí.

Roma 16:25

Pege gu’te Ssé. Yé zɔ ku’u légÿo pi tʉte tʉte nzèm yé. Nkʉ̀ Mbòŋo gẅie mèŋ n tsẅii é gɔɔn nò ná Yěsô Kristo, é ge ne fa’a yɛ̌ fà’. E Ssé lɔgɔ wɔɔn Nkʉ̀ Mbòŋo, ńnyɛɛ mmó gie à la zába ná Kristo, mbà á ka zɔ̌ɔn ńgwɔ́ pɔ́ lelyěen tà fó taa mángù’.

2 Tesalonika 3:3

Cʉ̀apʉ̀a aa ńké těen ńkúbe wɔ́. À ge gÿo pi le kʉ́a, é piŋ le zẅíŋ Sátà zába pwó ná pi wɔ́.

Roma 15:29

M biŋ ne ńzsé ngie n ge gÿo tó, e Ssé cʉa ná mèŋ, ńnéŋ mbʉ́lè ná pi tɛ’.

1 Piɛ 5:12

Silase ka kẅéte wɔ̀ɔn léŋwe’e wɔɔn mûɔ méŋwà’ne. Àa mbwo mèŋ ńgwɔ́ fɛ́ gẅie à zsé yé pɔ́ ndà’ nò Yěsô. Mèŋ n náa yɔɔn ŋwà’ne mbwo pi lélɔg ńkẅiŋte gẅi mbɔɔ lélɔg ńnyɛte shwóŋó gẅi ntí gie e Ssé la lɔg menò mbòŋo ńcÿó gʉm yégè, kwà’ pá’ mèŋ n ŋwe’é lɔɔn. Pi tʉte nà menò ŋwɛ́ mboŋó.

1 Piɛ 5:10

Ngɔ́’ gi ge ná’a ńnéŋe pɔ́ méjʉ’, e Ssé gẅie à kɔ̀ɔkɔ́ɔ nò mbòŋo gwɔ́ fóo pɔ́ mbwo yé, yé gẅie à la cʉa ná Yěsô Kristo ńtóŋo gẅi pá’ pi ge gwɔ́ gí tsɛ̀ɛ legú’ we gẅie à pàa té wó wɔ́, à ge fó pú’u, é gÿo tsɔ́ mmó le gíŋe ńzága ná pi wɔ́, étsẅìŋ ndù gi, pi tʉte, mé le gíŋe ńku’u létsó gẅi tà ḿma’a ssé wɔ́.

2 Tesalonika 2:17

Pɔ́ kẅiŋte gẅí, ńnáa gẅi tʉ̀ pi lɔg ńgÿo pɔ́ menò mbòŋo, ḿbiŋ ńgẅiin pɔ́ shwóŋè mbòŋo.

Megàŋ ntúm 19:6

Pɔl gwɔ́ tà ńzáb mbwó twó pɔ́b, a Zẅìge Ndʉalʉ̌a kúu ná pɔ́b. Pɔ́ zye léshwóŋó meshwóŋè mie pɔ́ laa zɔɔn ńzí’i wɔ́, ḿbiŋ ne ńtsẅii nkʉ̀ gẅie é fóo mbwo Ssé.

Megàŋ ntúm 16:5

Epʉ̀a Kristo ne ńkẅi’i ńzába ntʉ́m nà Ssé ńdɔgɔ ńgee pɔ́ lê mvfò. Anùɔ yɔ́b ne ńgwɔ́ lyɛ̌’ ntsèm, ńkẅi’i kẅi’i.

1 Tesalonika 3:13

ńgíŋe gÿo ntʉ́m gẅi ké ne ńzébe pɔ́ ná yé. Tá à lá’a lyɛ̌’ gie Cʉ̀apʉ̀a wege Yěso pâ pʉ̀a pie à la tsɔ́’ é tǒ, pi tyé mvfò Tá wege Ssé, ńgwɔ́ ndʉalʉ̌a, atsɔ́ *lɔ̌’ɔ gí le gwɔ́ wó wɔ́.

1 Tesalonika 3:2

é túmo Timoté né pi. Pi ne ńzsé ngie aa fɛ́ wege gẅie pega pɔ̌ fa’a fà’a Ssé, ńgwá ńtsẅii Nkʉ̀ mbòŋo Kristo. Peg ka túmo yé légwɔ́ gie à ge gÿo pi tʉte, é piŋ kẅiŋte gẅi nà gẅi lezáb ntʉ́m nà Ssé,

Filipo 4:1

Mefɛ́ pɔ́ɔn pe ntʉ̀ nzẅìŋ, áa yɛ̌ tá mèŋ n gɔɔn né pi ngie, pi lɔgɔ gẅi leńnéŋe ńnyɛ ngie pi kú’te nò Cʉ̀apʉ̀a tà á tʉ̀. Mèŋ n ne ńtsɔ́ɔn légíŋe ńgyá gẅí. Pi ée mefɛ́ pɔ́ɔn pe ntʉ̀ nzẅìŋ. Pi pie pi ee ssé ńgwɔ́ wɔ̀ɔn lekág, ńgwɔ́ yɔ̀ɔn *ngǔ’.

Filipo 2:26

Kwà’ yé zɔɔn ne ńtsɔ́ɔn tɛ’ légíŋe ńgyá gẅi métsèm, á nue à zsě ngie pi ka jú’u nò guɔ yé, á gege gẅi tɛ’.

Filipo 1:8

E Ssé ne ńzsé ngie mèŋ n neŋé ńtsɔ́ɔn légyá gẅi tɛ’, ḿbiŋ ńzsé ngie mèŋ n kwoŋo gẅi lê ntʉ́m wɔ̀ɔn ntsèm, ndʉŋ ndʉŋ pá’ Yěsô Kristo.

2 Korento 9:14

Anò gí ge kúu ntʉ́m pɔ́b, pɔ́ ńnéŋe ne sẅíŋte Ssé nà twó sí, á nue pɔ́ gyá ngie à cÿó gʉm gí, pi gẅiin ntʉ́m mbòŋo tɛ’, tà ne ńkẅéte pʉ̀a pá’ɔɔn.

2 Korento 1:21

Kwà’ Ssé zɔ gÿo tá peg ne ńtʉte tʉte nzèm Kristo tà mbɔɔ pi. À la faga wégè,

Roma 15:32

Pú’u, n gwɔ́ tóo mbʉ̀a pi, ntʉ́m wɔ̀ɔn ne ńkága, e Ssé zẅíŋ, mbà n ge nèŋe tsetsɛ̀ɛ pi, é zẅɛ́te.

Roma 15:23

Tá á ké ńgwɔ́ nà fʉ̀’ɔɔn, mbà mèŋ n kéen ḿmaga fà’ yɔ́ɔn ná mɔɔn mepàga ngwòŋ, ée fʉ̀’ɔɔn ńgwɔ́ mengù’ tà ńgyɔ́ɔn pá’ mèŋ n ne ńtsɔ́ɔn létó ńgyá gẅí.

Megàŋ ntúm 19:21

Mɔɔn menò la tɔ́g, Pɔl záb ngie à ge gʉa Yerósalem, é gwɔ gʉa é cʉa tsɛ̀ɛ pàga ngwòŋ Makedonia pɔ́ ye Akay, ńne ńgɔɔn ngie: Á ne ńzɛ́te ngie n dɔɔn ńgʉa tà ńkúu wó, ńgíŋe ńgʉa *Roma,

Heber 13:9

Tà pi zẅíŋ mé zí’i gẅi menò ntí ntí mie é té tsẅé’e nà nò gie pege zába ntʉ́m mǒ wɔ́, e gÿo pi fʉa mánzsè. Á poŋ ngie atsɔ́ɔn mezìŋe Ssé zɔ néŋ ntʉ́m nyìŋ tà mbʉ̌ mie mé zába, é gɔɔn nò ná shúm léjÿó zɔ̌ le néŋ. Epʉ̀a pie pɔ́ kú’te mɛ̌ mbʉ̌ pɔ́ laa jÿó tsɔ́ pì mǒ wɔ́.

2 Korento 11:4

Mèŋ n gɔɔn pá’ɔɔn nue mèŋ n ne ńgyá ngie nyìŋ léen ńgwɔ́ tà ńtó, éshwóŋó gẅi nò ná tsɔ̌ Yěsô, á ké tè gẅie peg la gɔɔn nò ná yé wɔ́, pi gwóon ńzẅíŋ, ńgíŋe ne ńgyá, nyìŋ tó ńgɔɔn nò ndyɛ̀’ɛ ná Zẅìge Ndʉalʉ̌a, kà pɔ́ nà nkʉ̀ mbòŋo wɔ́, á ké tè pumte nà menò mie pi la vɔg ńzẅíŋ wɔ́, pi zẅíŋ zẅǐŋ.

Roma 1:12

Ndyɛ̌’ n kɔ’ɔ́ gɔɔn pɔ́ ngie n dɔɔn tó ńgwɔ́ tsetsɛ̀ɛ pi, egi ntí lézáb ntʉ́m nà Ssé é kẅiŋte wɔ̀ɔn, eyɔ́ɔn ntí kẅiŋte gẅí.

2 Korento 1:15

Mèŋ n ka ne ńzsé ngie á ge gwɔ́ pɔ́ pú’u. Áa mmó gie á ka gÿo tá mèŋ fa’a lévɔg ńcʉa mbʉ̀a pi, tá ńgÿo ńgíŋ ńcʉa, ńzsé ngie n ge gÿo pi kág kág ngʉ̀a mbʉ́a.