Ŋwà’ne Ngyà jʉ’ 9:4 - Nouveau Testament en Ngienboum

⁴ Mé tsẅii mbwo pɔ́b ngie tà pɔ́ gÿo nò tepòŋ ná legǐ, ńgie tà pɔ́ gÿo nò tepòŋ ná tsɔ́ mmó gie á sa’á ndùmo ssé tsetsá’, tà ńne sẅéte, ńgie pɔ́ gÿo nò tepòŋ ná tsɔ́ tÿǒ, ńgie pɔ́ gÿo nò tepòŋ pɔ́ ná pʉ̀a pie à liŋé ye Ssé á té nà zǐ yɔ́b wɔ́.

Ŋwà’ne Ngyà jʉ’ 9:4 Referans Kwoze

Ŋwà’ne Ngyà jʉ’ 14:1

N gyá sɔɔn shúm tà ńtsẅé jʉ’, e Ssé gíŋe ńnyɛ́’ nÿɔ́g mɔ́ɔn, n gyá Mûɔ *Njʉ̀njÿò, á tyé ndùm lekwɔ’ɔ́ Sioŋ. Pâ pʉ̀a ntsá’ nkÿo lê ntsá’ ntsɔ̀b lekùa lê móm lekùa gwɔ́ (144.000). Mbà mé la ŋwe’e lezíŋ Mûɔ *Njʉ̀njÿò mbɔɔ se Tá we á nà zǐ sɔ́b.

Ŋwà’ne Ngyà jʉ’ 8:7

Ndùŋ mvfò tóŋ wé ntàŋ. Mé ma’ megẅì lê mmɔ̌g á ndùmo ssé tsetsá’. Á gwɔ gwɔ́ mbà mé temté metse mǒ. Tà’ nzsè á nà ndùmo ssé tsetsá’ nzsè tá, pú shÿó lê metÿǒ, lâ legǐ gẅie à ne sẅéte.

Ŋwà’ne Ngyà jʉ’ 6:6

N jú’ tsɔ́ mmó fó tsetsɛ̀ɛ menɔ̀ɔn lekùa ńkẅɛ, ńgwá’a ngyè nyìŋ la, ńne ńgɔɔn ngie: Gÿo ná ntí gie mé ge lɔg nkába fà’ ye tà’a lyɛ’ɛ́ lá’, éjú pɔ́ ndà’ tà’ kílo ngesáŋ ntsíŋ, ńgwɔ́ gie e lɔɔn ńgwɔ́ ngesáŋ yege, mé lɔg nkába fà’ ye tà’a lyɛ’ɛ́ lá’, ńjúu kílo yétá, ńgʉa nà mèvɛ pɔ́ melù’, tè gÿo ná ntí gie mé ge zág.

Efeso 4:30

Tà pi gÿo Zẅìge ndʉalʉ̌a gie Ssé la lɔg ńcÿɔ’ɔ liŋé ná pi gyá ngɔ́’. À lɔ̌ɔn ńdɔgɔ ńnyɛɛ ngie pi ee pʉ̀a pé, ńgíŋe ńdɔgɔ ńnyɛɛ ngie alyɛ̌’ gé lá’ gwɔ́, à pú ńcu’u wégè, pege pú ńtsẅɛ́.

Matio 24:24

mélà’mie pà nzà’ nkÿo pe cÿɔ̌ nò, lâ pà *ntsẅì nkʉ̀ Ssé pe cÿɔ̌ nò ge lá’ kẅɛ, é nyɛ memáa meliŋé, é gÿo menò mmɔɔn mmɔɔn lélɔg fʉte pʉ̀a tà ńgyɔ́ɔn, tà ńgwáa we pɔ́ gwe’e ńku’, mbà à lɔɔn ńgwɔ́ pɔ́ fʉte mbɔɔ pʉ̀a pie Ssé la tsɔ́’.

Ŋwà’ne Ngyà jʉ’ 7:1

M bɔ́ɔntè ńgyá *mecÿɔ́’ Ssé lekùa ndùmo ssé tsetsá’, é tyéte ná meshÿó lekùa, ńne ńtáte mefefà lekùa mie ée ndùmo ssé tsetsá’, légwɔ́ gie atsɔ̌ fefà tè cʉa ndùmo ssé tsetsá’ wɔ́, é ké le cʉa ndùm ntse té pàa wɔ́, é ké le cʉ’e tsɔ̌ tà’a tÿǒ wɔ́.