Ŋwà’ne Ngyà jʉ’ 8:2 - Nouveau Testament en Ngienboum

² Mèŋ n gyá mé ná mentàŋ Sɔɔn mbʉ́a á mbwo *mecÿɔ́’ Ssé sɔɔn mbʉ́a pie pɔ́ ée ntyé mvfò Ssé.

Ŋwà’ne Ngyà jʉ’ 8:2 Referans Kwoze

Ŋwà’ne Ngyà jʉ’ 11:15

*Cÿɔ́’ Ssé mbɔ́ɔntè sɔɔn mbʉ́a tóŋ wé ntaŋ. Mé jú’ *Mecÿɔ́’ Ssé gwɔ́ tÿǒ lepwó ńdɔgɔ ngyè tetʉ́ʉ ńgɔɔn ngie: Lesǎ’ njÿó cʉ̌’ ńgwɔ́ pɔ́ nà mbwo Cʉ̀apʉ̀a wege mbɔɔ ná mbwo *Nzà’nkÿo gẅie à la tsɔ́’. Wɛ̌ lésá’ ge lá’ gwɔ́ nà ngù’ nkɔ́ɔn nê nkɔ̌ɔn.

Lukase 1:19

*Cÿɔ́’ Ssé tsɔ́’ ngie: Mèŋ n gee Ngáapeleya, ńju’u mbwo Ssé. Yé zɔ tumó wɔ̀ɔn ngie n tó ńtsẅi wɔɔn nkʉ̀ mbòŋo mbwo gù.

Ŋwà’ne Ngyà jʉ’ 8:6

*Mecÿɔ́’ Ssé pie pɔ́ la gẅiin mentàŋ sɔɔn mbʉ́a la, pɔ́ nyɛte mbùm yɔb pá’ pɔ́ gee ńtóŋ mentàŋ ŋwɛ́.

Matio 18:10

Pi laga twó gí légwága tsɔ̌ tà’ ná gígyé penkʉ́ pɔɔn. Tà mèŋ shwóŋó gẅí, *mecÿɔ́’ Ssé pie é lie wɔ́b tyé mvfo Ssé fʉ’ ntsem. [

Ŋwà’ne Ngyà jʉ’ 16:1

N jú’ tsɔ̌ ngyè tetʉ́ʉ fó tsɛ̀ɛ jʉ’e Ssé ńne ńgɔɔn mbwo *Mecÿɔ́’ Ssé pa sɔɔn mbʉ́a ngie: Pi gʉa ndùmo ssé tsetsá’, ḿpfɛte gyáŋa lóŋ Ssé gie áa tsɛ̀ɛ mentú’ sɔɔn mbʉ́a lɛ.

Ŋwà’ne Ngyà jʉ’ 15:1

M bɔ́ɔntè ńgyá tsɔ́ mmó gíŋe ńkẅɛɛ lefaŋ, ńgwɔ́ wó tɛ’, ńgwɔ́ gie á gÿo mé vege vege, é gwɔ́ *Mecÿɔ́’ Ssé sɔɔn mbʉ́a. Pɔ́ tyéte ńgẅiinte ngʉ̀ngʉ̀ mentí sɔɔn mbʉ́a mie é ge kúu ná pʉ̀a mesoŋ, é lɔgɔ ńgwɔ́ menzsònzèm mengʉ̀ngʉ̀, á nue lóŋ Ssé ge gÿo gwɔ pʉ́le, mbà mɛ̌ mengʉ̀ngʉ̀ tɔ̌g.

Matio 24:31

é túm mecÿɔ́’ pé, pɔ́ tóŋo máamáa ntaŋ, ńdɔg ńcú’te pʉ̀a pé pie à la tsɔ́’ɔ tsɛ̀ɛ njÿó mesǎg lekùɔ, pɔ́ fó meshÿó meshÿó ńtó.

Lukase 21:36

Pi pɔ́ɔn lélyé, ńně sẅíŋte Ssé fʉ̀’ ntsèm, à náa gẅi tʉ̀ lélɔg ńtsẅɛ́ menò ŋwɛ́ mie é ne ńtóo, mbɔɔ lélɔg ńtyé mvfò Míŋ Nyìŋ.

1 Korento 15:52

pɔ́ tà’ legʉa, lê gàg, mbà nzsòte nzèm ngyè ntàŋ e cʉ̌m, á nue yɛ̌ ngyè ntàŋ ge lá’ cʉ́m mepfó e zíme nà legwé pá’ pɔ́ té ge lá’ gíŋe kwé wɔ́, á gwɔ́ pú’u, pege gẅiin mbùm ye sẅé.

1 Tesalonika 4:16

Á ge lá’a lyɛ̌’ áyɛ̌, mé jú’u mmó gie á pÿé, á gwɔ́ pá’ *cÿɔ́’ Ssé we lÿò ge ná ngyè ye tÿǒ gɔɔn nò, ńgwɔ́ pá’ mé ge jú’ ngyè ntàŋ Ssé, kwà’ Cʉ̀apʉ̀a Kristo à fó tÿǒ lepwó ésẅɛ́’, pʉ̀a pie é la gwɔ kwé ńne ńzába ntʉ́m ná ye vɔg ńzíme nà legwé.

Ŋwà’ne Ngyà jʉ’ 1:4

Yɔɔn ŋwà’ne fóo mbwo mèŋ Jâŋ, mèŋ n ŋwe’e ńnáa mbwo mecú’tè pʉ̀a Kristo mie ée sɔɔn mbʉ́a, ńgwɔ́ tsɛ̀ɛ ngwòŋ Azia. E Ssé gẅie aa wó, mbà à laa wó, à piŋ ńne ńtóo, pâ mezẅìge sɔɔn mbʉ́a mie ée mvfò lʉŋe lefùɔ yé, pɔ́ ne ńgwɔ́ né pi, ńne ńnéŋe sẅétè ntʉ́m pi.

Ŋwà’ne Ngyà jʉ’ 8:13

N nyé ńdíe lǐe, ńjú’ atsɔ̌ máamáa gúm ndóŋ gẅie à la ne ńzie tàa tÿǒ á ne ńgɔɔn nê ngyè tetʉ́ʉ ngie: Pi ee pà shÿó tepòŋ. Pi ee pà shÿó tepòŋ. Pi ee pà shÿó tepòŋ. Pi pʉ̀a mesoŋ pie ée ndùmo ssé tsetsá’, ńtí ngyè mentàŋ mie *mecÿɔ́’ Ssé méntá nyé tá ńgee ńtóŋo.

Ŋwà’ne Ngyà jʉ’ 9:1

*Cÿɔ́’ Ssé mbɔ́ɔntè yétʉ̀a tóŋ wé ntaŋ. Mèŋ n gyá tsɔ̌ cÿɔ́’ saŋ, mbà à ně fó lepwó ńgwe ndùmo ssé tsetsá’. Mé náa kí lɔg ńtsɔ́’ ncwò pÿé té lǎŋ mbwo ye.