Ŋwà’ne Ngyà jʉ’ 4:1 - Nouveau Testament en Ngienboum

¹ N gyá sɔɔn shúm tà ńtsẅé jʉ’, e Ssé gíŋe ńnyɛ́’ nÿɔ́g mɔ́ɔn, n gwɔ gyá, mbà mé tsɔ̌’ tsɔ́ ncwò ndá á tÿǒ lepwó. N deen ńké ńgíŋe ńjú’ nyìŋ gẅie à la zɔɔn ńgɔɔn nò né mèŋ, ngyè ye gwɔ́ pɔ́ pá’ ngyè ntàŋ la, á gɔɔn né mèŋ ngie: Kwɔ́’ɔ tà ńkúu jʉ’ɔɔn, mèŋ n nyɛɛ gú mmó gie á ge pɔ́ɔnte tó.

Ŋwà’ne Ngyà jʉ’ 4:1 Referans Kwoze

Ŋwà’ne Ngyà jʉ’ 11:12

Pà *ntsẅì nkʉ̀ Ssé pa mépʉ́a jú’, etsɔ̌ ngyè tetʉ́ʉ fóo tÿǒ lepwó ńgɔɔn né pɔ́b ngie: Pi kwɔ́’ ńtó né jʉ’ɔɔn. Pɔ́ ne ńkwɔ́’ɔ, ńgwɔ́ tsɛ̀ɛ melɔ́ɔn, megàŋ mbù pɔ́b ne ńgyá.

Ŋwà’ne Ngyà jʉ’ 1:19

Pú’u la, pú ŋwe’e kɔ̀ɔkɔ́ɔ gie ɔ̀ gyǎ, á gie ɔ̀ ne ńgyá fʉ̀’ɔɔn mbɔɔ gie ɔ̀ ge piŋ tá gyá.

Ŋwà’ne Ngyà jʉ’ 1:10

Á gÿo ńgwɔ́ lyɛ’ɛ́ lá’ Cʉ̀apʉ̀a, a Zẅìge Ssé jʉʉ wɔ̀ɔn. N jú’ tsɔ̌ ngyè tetʉ́ʉ gwɔ́ nzèm mèŋ, ńne ńcʉ́me pá’ ngyè ntàŋ la,

Malékuse 1:10

Yěsô ně fóo ntse ńkẅɛɛ, ńgyá ncwò tÿǒ lepwó gwóon ńtsɔ́’ɔ ńtyé, Zẅìge Ndʉalʉ̌a sẅɛ́’, ńgwɔ́ pá’ kàpʉ̀ŋ lá, ńtó ńtyé ná yé.

Ŋwà’ne Ngyà jʉ’ 22:6

*Cÿɔ́’ Ssé pɔ́ɔnte ńgɔɔn né mèŋ ngie: Menò mɔɔn é té mie à lɔɔn ńgwɔ́ nyìŋ jú’ mʉ́’te wɔ́, ée nénʉ́. Cʉ̀apʉ̀a Ssé gẅie yé zɔɔ ńdɔgɔ Zẅìge yé ńtúmo pà Ntsẅì nkʉ̀ pé, kwà’ yé zɔ tumó cÿɔ́’ we pá’ à ge nyɛɛ mbwo megàŋa fà’ pé, mmó gie á ge tɔ́g tó.

Ŋwà’ne Ngyà jʉ’ 16:17

*Cÿɔ́’ Ssé mbɔ́ɔntè sɔɔn mbʉ́a pfɛte ye ntú’ tÿǒ tsɛ̀ fÿɔ́g. Etsɔ̌ ngyè tetʉ́ʉ fóo ná lʉŋe lefùɔ gie áa tsɛ̀ɛ jʉ’e Ssé ńkẅɛ, ńgɔɔn ngie: Á zsoté

Megàŋ ntúm 7:56

Etien gɔɔn ngie: Mèŋ n ne ńgyá pá’ ncwò tÿǒ lepwó tsɔ’ɔ́ ńtyé. *Míŋ Nyìŋ tyé nà gwǒŋo pwó Ssé ye tʉ̀.

Ŋwà’ne Jâŋ 16:13

À zẅìge Ndʉalʉ̌a ge gÿo tó, é gÿo pi zsé nò nénʉ́ ntsèm, á nue yé zɔ la’te nò nénʉ́, à tè gÿo gɔɔn pɔ́ yé nò wɔ́. À ge gÿo gɔɔn pɔ́ nò gie à jǔ’, é piŋ shwóŋó gẅi menò mie é ne ńtóo.

Lukase 3:21

Jâŋ la ké ńgwɔ kú tsǎŋ, mbà á laa tsɔ́ lyɛ̌’, á nu’ pʉ̀a ntse tà é mag, Yěsô lêen ńké ńtó yé, á nu’u yé yé ntse. Á gwɔ́ tà ne ńgu’te Ssé, ncwò tÿǒ lepwó tsɔ́’ɔ ńtyé.

Megàŋ ntúm 10:11

ńgyá ncwò tÿǒ lepwó tsɔ́’ɔ ńtyé, atsɔ́ mmó fó wó sẅɛ́’, ńne ńtóo lê ssé, ńgwɔ́ pá’ máamáa pwó nzsǒ gie mé ku’tě nà mezẅé lekùa la.

Matio 3:16

ńnu’u yé ntse. Yěsô gwɔ́ tá ńkẅɛ, ncwò tÿǒ lepwó tsɔ́’ɔ ńtyé. Á gyá Zẅìge Ssé fó tÿǒ ésẅɛ́’ ńgwɔ́ pá’ kàpʉŋ la, ńtó ńnéŋe ná yé.

Ŋwà’ne Ngyà jʉ’ 1:12

N jú’ pú’u, ésele nnɛ́ lé gyá nyìŋ gẅie à gɔɔn nò mbwo mèŋ, ésele nnɛ́ pú’u, ńgyá melâm sɔɔn mbʉ́a mie mé la lɔgɔ tʉ̌ gɔ̂l ńnyɛte.

Ŋwà’ne Ngyà jʉ’ 11:19

Pɔ́ gɔɔn pú’u, tà ńgwɔ cʉ́me, ncwò jʉ’e Ssé gie áa tÿǒ lepwó tsɔ́’ɔ ńtyé, akʉ̀b gie e Ssé la lɔg ńgwaa *kʉ̀a kẅɛ ńtyé tsɛ̀ɛ jʉ’ yé ŋwɛ́. Menně mbʉ̀ŋ kyɛ’ jʉ’. Mé jú’ ngyè *mecÿɔ́’ Ssé, ńjú’ lefaŋ vɛ́te ngʉ̀a ngʉ̀a. Atsetsá’ cʉ’e. Megẅì pú ńgwe pá’ɔɔn tɛ’.

Ŋwà’ne Ngyà jʉ’ 19:11

M biŋ ńgyá ncwò lepwó nyɛ́’ɛ ńtyé, fɔ́gɔ lÿóon kẅɛ ńtyé. Nyìŋ gẅie à ńnéŋe ná wɛ̌ lÿóon, mé tóŋo yé lê tèkubé shwóŋè, mbɔɔ lê nyìŋ gẅie à gÿo pɔ́ mmó gie áa ndʉŋ ndʉŋ. À tsɔ́’te ntsaŋ pɔ́ ndʉŋ ndʉŋ, ńdÿɔ́’ pɔ́ ncù gẅie ée ndʉŋ ndʉŋ.