Ŋwà’ne Ngyà jʉ’ 3:1 - Nouveau Testament en Ngienboum

¹ Ŋwe’e menò mɔɔn, ńtúm ńnáa mbwo *cÿɔ́’ Ssé gẅie à líe cú’tè pʉ̀a Kristo gie áa tÿǒsoŋo Sardɛ̀s. Ŋwe’e ngie: Nyìŋ gẅie à gẅiin Mezẅìge Ssé sɔɔn mbʉ́a mbɔɔ mecÿɔ́’ saŋ sɔɔn mbʉ́a la, à ne ńgɔɔn ngie: Mèŋ n ne ńzsé mefà’ mí, ńne ńzsé ngie mé gwaa gɔɔn ngie pi ee ntentʉ́, mbà pi léen ńkwé.

Ŋwà’ne Ngyà jʉ’ 3:1 Referans Kwoze

1 Timote 5:6

Tá ńgʉa nà mpfɔ̌g gẅie à gwáa ńjÿo mbàŋte, mbà mé líe yé tà ne ngie manzwě wɛ̂, tá á gwɔ́ mbwo Ssé ńgwɔ́ mpfó.

Ŋwà’ne Jâg 2:26

Ndʉŋ ndʉŋ pá’ Zẅìge lɔɔn tè ná mbùm nnɛ́ wɔ́, mbà e kwě la, lezǎb ntʉ́n nà Ssé, á lezáb gẅie mé té ne ńgyá mefà’ wɔ́, mbà wɛ̌ aa sẅɛ̀ɛ.

Ŋwà’ne Ngyà jʉ’ 1:4

Yɔɔn ŋwà’ne fóo mbwo mèŋ Jâŋ, mèŋ n ŋwe’e ńnáa mbwo mecú’tè pʉ̀a Kristo mie ée sɔɔn mbʉ́a, ńgwɔ́ tsɛ̀ɛ ngwòŋ Azia. E Ssé gẅie aa wó, mbà à laa wó, à piŋ ńne ńtóo, pâ mezẅìge sɔɔn mbʉ́a mie ée mvfò lʉŋe lefùɔ yé, pɔ́ ne ńgwɔ́ né pi, ńne ńnéŋe sẅétè ntʉ́m pi.

Kolosia 2:13

Pi laa tsɔ́ fʉ̀’ ńgwɔ́ mbwo Ssé, ńgwɔ́ pɔ́ mepfó, ńtí menò tepòŋ mí, mbɔɔ pá’ pi la tè pʉ̀a pie mé la pú’u wɔ́b lélɔgɔ wɔ́b ńgÿo pʉ̀a Ssé wɔ́. Á ké ńgwɔ́ nà fʉ̀’ɔɔn, mbà Ssé kéen ḿbúte gẅia Kristo ńzíme nà legwé. À kéen ḿbú ńdege menò tepòŋ mégè ntsèm, ńnáa mbwo pege.

Jẅide 1:12

Pɔ́ ée pʉ̀a pie pɔ́ cʉŋe nzẅìŋ gẅi á fʉ̀’ gie pi mefɛ́ mefɛ́ cu’té ńne ńjÿó shúm, pɔ́ tó fʉ̀’ó ḿpfɛ́ɛ mmó tɛ’, ńnú melù’ tɛ’, pɔ́ té shʉ́ kú, ńkwaŋ pɔ́ ndà’ yɔ́b twó. Pɔ́ ée pá’ mbʉ̀ŋ gie e kwɔ̌’ tà mé ne ńzẅí’te ngie e lú, afóm kaa la, ńgwɔ́ pá’ metÿǒ mie ée těen ńzéme ntɔ̌ɔn wɔ́, tà mbɔɔ ná fʉ̀’ gie é kɔ’ɔ́ zém, ńgwɔ́ pá’ metÿǒ mie é léen ḿbʉe, ḿbú ńkwé.

Ŋwà’ne Ngyà jʉ’ 2:19

Mèŋ n ne ńzsé mefà’ mí, ńne ńzsé pá’ pi gẅiin nkwòŋe tsetsɛ̀ɛ pi pú’u, ńne ńzsé pá’ pi záb ntʉ́m ná mèŋ pú’u, ńne ńzsé pá’ pi ńnéŋe twó fa’a fà’ lê kwɔ́gɔ nnɛ́ pú’u, ńne ńzsé ngie mefà’ mie pi ee fʉ̀’ɔɔn ńne fa’a gyɔ́ɔn ńcʉa me fʉ̀’e mvfò.

Lukase 15:24

ńtí pá’ míŋ wɔ̀ɔn mɔɔn à ka kwě, à zǐm, à ka pyě, n giŋé ńgyá yé. Á gɔɔn pú’u, pɔ́ zye lékág.

Ŋwà’ne Ngyà jʉ’ 1:16

Á kú’te mecÿɔ́’ saŋ sɔɔn mbʉ́a nà lɔ̌ɔn pwó yé ye tʉ̀. Etsɔ̌ nně ncù gie à twó sẅíte, é gẅiin mengʉ́ŋ mémbʉ́a ne fóo ncwò yé ńkẅɛɛ. Eshÿó wé ŋwʉŋe pɔ́ pá’ lejÿɔ́g nèm á tsɛ̀ɛ zsǒ la.

Efeso 2:5

á gÿo pega Kristo pú ńgíŋe ńgwɔ́ wó, tà mbɔɔ pá’ pege laa mbwo ye tsɔ́ fʉ̀’, mbà pege léen ńkwé ńtí mefʉ̀a mégè. À la lɔg pɔ́ pòŋo ntʉ́m yé ńgÿo pege tsẅɛ́.

Lukase 15:32

Tá’, á kɔ’ɔ́ ḿboŋ ngie pege kág kwà’ mboŋó, mélà’mie afɛ̌ gù wɔɔn à ka kwě, à zimé nà legwé, à kà pyě, mèŋ n gǐŋ ńgyá yé.

Efeso 2:1

Pi laa tsɔ́ fʉ̀’ ńgwɔ́ mbwo Ssé, mbà pi léen ńkwé ńtí pá’ pi láa ngàŋa mefʉa ńgíŋ ńgwɔ́ pàgÿo menò tepòŋ.

Ŋwà’ne Ngyà jʉ’ 2:13

Mèŋ n ne ńzsé jʉ’ gie pi ńnéŋe wó. Alʉ̀ŋe lefùɔ Sátà tyé jʉ’ó tá’, n ké ńne ńzsé ngie pi cwoŋó ńcʉŋe pɔ́ ná mèŋ. Pi laa nyé lézáb ntʉ́m ná mèŋ wɔ́, tà mbɔɔ ná melyɛ̌’ mie mé la zẅé Antipas á mbʉ̀a pi, á nà jʉ’ gie Sátà ńnéŋe wó. Antipas laa nyìŋ ńgɔɔn yé pɔ́ ndà’ nò gie à zsě ná mèŋ.

Ŋwà’ne Ngyà jʉ’ 1:20

Á gʉa nà lezsě mmó gie mecÿɔ́’ saŋ sɔɔn mbʉ́a mie ɔ̀ gyǎ mèŋ n gẅiin ná pwó yɔ́ɔn ye tʉ̀, mbɔɔ ná melâm sɔɔn mbʉ́a mie mé la lɔgɔ tʉ̌ gɔ̂l ńnyɛte, mbà mèŋ n ge shwóŋó gú ngie: Mecÿɔ́’ saŋ sɔɔn mbʉ́a lɔgɔ ńgwɔ́ *mecÿɔ́’ Ssé pie é pyɛ́bɛ mecú’tè pʉ̀a Kristo ŋwɛ́ sɔɔn mbʉ́a. Melâm sɔɔn mbʉ́a lɔgɔ ńgwɔ́ mecú’tè pʉ̀a Kristo ŋwɛ́ sɔɔn mbʉ́a.

Ŋwà’ne Ngyà jʉ’ 4:5

Menne mbʉ̀ŋ la ne fóo ná lʉŋe lefùɔ ńkẅɛɛ. Mengyè pʉ̀a ne fóo mǒ ńkwɔ́’ɔ. Lefàŋ ne fóo mǒ ḿvɛ́te. Melâm sɔɔn mbʉ́a tyéte mvfò lʉŋe lefùɔ, ńne ńkÿó, ńdɔgɔ ńgwɔ́ Mezẅìge sɔɔn mbʉ́a mie ée me Ssé.

Ŋwà’ne Ngyà jʉ’ 1:11

ńne ńgɔɔn ngie: Cú’te kɔ̀ɔkɔ́ɔ gie ɔ̀ ne ńgyá, ńŋwe’e tsɛ̀ɛ lepu’ú ŋwà’ne, ńtúm ńnáa mbwo mecú’tè pʉ̀a Kristo mie ée sɔɔn mbʉ́a, ńgwɔ́ tsɛ̀ɛ metÿǒsoŋ mɔɔn: Efeso, Smirne, Pɛrgame, Tiatire, Sardɛ̀s, Filadelfia, Laodisé.

Ŋwà’ne Jâŋ 1:33

Kwà’ mèŋ n da zɔɔn tè ne ńzsé yé wɔ́, tá Ssé gẅie à la túmo wɔ̀ɔn ńgie mèŋ n gʉa ńnu’ pʉ̀a ntse, yé zɔ̌ gɔɔn né mèŋ ngie: Ɔ̀ ge gÿo gyá zẅìge Ssé tó ńnéŋe ná nyìŋ. Àa yé gẅie à ge ná pʉ̀a mbwo zẅìge Ssé.

Ŋwà’ne Jâŋ 1:16

Angàŋ keen ńtó, à lɔg pá’ à gẅiin poŋo ntʉ́m, ńcÿó gʉm yégè metsèm tɛ̀’, ńcÿó sele ńcÿó, mélà’mie à gẅiin nkwòŋe tɛ’.

Ŋwà’ne Ngyà jʉ’ 5:6

Ńgɔɔn pú’u, mèŋ n deen ńké ńgyá mûɔ *njʉ̀njÿò tyé tsetsɛ̀ɛ lʉŋe lefùɔ, á tsetsɛ̀ɛ menɔ̀ɔn lekùa, mbɔɔ tsetsɛ̀ɛ melÿò, ńgwɔ́ pɔ́ pá’ fʉ̀’ gie mé la shʉ́ʉ lóŋ we la. Mendóŋ gwɔ́ twó yé sɔɔn mbʉ́a. Menÿɔ́g mé gwɔ́ sɔɔn mbʉ́a ńdɔgɔ ńgwɔ́ mezẅìge sɔɔn mbʉ́a mie ée me Ssé, é mie e Ssé ne ńtúmo wɔ́b ngwòŋ jʉ’ ntsèm ndùmo ssé tsetsá’.

1 Piɛ 1:11

Pɔ́ la kag tʉ̀ lézsé fʉ̀’ʉ njÿó, mbɔɔ mmó gie á ge lá’ cʉa tá mmó gie Zẅìge Kristo la ne ńda’te wɔ́b à gÿo. Yɛ̌ Zẅìge gie á laa ná pɔ́b, la zɔɔn ńtʉ́ njÿó ńne ńda’te wɔ́b ngʉ̀ngʉ̀ gie Kristo ge gÿo gyá tà mbɔɔ legú’ gẅie à ge lá’ pɔ́ɔnte ngʉ̀ngʉ̀ ye ŋwɛ́.

Megàŋ ntúm 2:33

E Ssé ka gÿo, á kwɔ́’ tà ńnéŋe nà gwǒŋo pwó yé ye tʉ̀. Áa fʉ̀’ɔɔn pá’ɔɔn, mbà Tá wé Ssé cʉmé Zẅìge Ndʉalʉ̌a mbwó yé, á gwɔ́ pá’ yé Ssé la ka’. Ammó gie pi jú’u ḿbiŋe ńgyá lɛ̀, áa Zẅìge Ndʉalʉ̌a ŋwɛ́ gie Yěsô nǎ né pʉ̀a pé.

Ŋwà’ne Jâŋ 20:22

Ńgɔɔn pú’u, éfÿɔ́g fÿɔ́g ncwò ye ná pɔ́b, ńgɔɔn ngie: Pi kẅé Zẅìge Ndʉalʉ̌a.

Ŋwà’ne Jâŋ 3:34

Nyìŋ gẅie e Ssé túmo yé, à gɔɔn menò mie é fóo mbwo Ssé, á nue e Ssé gÿo Zẅìge yé gwɔ́ pɔ́ ná yé fʉ̀’ ntsèm.

Ŋwà’ne Ngyà jʉ’ 2:9

Mèŋ n ne ńzsé ngʉ̀ngʉ̀ gi, ńne ńzsé ngie pi gwɔ́ pɔ́ mepóŋ, tá’, ńké ńgwɔ́ nà lezsě Ssé ńgwɔ́ ngàŋa mmó. Mèŋ n giŋé ńne ńzsé ngie pʉ̀a pie pɔ́ gɔɔn ngie pɔ́ ée pà Yuda, tá ńké ńdɔgɔ pɔ́ ncwò ńgɔɔn, pɔ́ ne ńkíme lezíŋ sí té poŋ. Pɔ́ gwɔ́ pɔ́ pʉ̀a pe cú’tè ye Sátà.

Ŋwà’ne Ngyà jʉ’ 2:2

Mèŋ n ne ńzsé mefà’ mí, ńne ńzsé gẅi letéŋe zì’i, ńzsé pá’ pi kag tʉ̀ pú’u, ńzsé pá’ pi tè kwoŋo légwɔ́ gie pia pʉ̀a pie é gẅiin ssé ntʉ́m e teme kwò wɔ́, ńne ńzsé pá’ pi kéen ńdʉŋte pʉ̀a pie pɔ́ gɔɔn ngie pɔ́ ée megàŋ ntúm Yěsô tá ńgwɔ́ pɔ́ pà gwaa ńkú, tà ńzsé ngie pɔ́ gwɔ́ pɔ́ megàŋa cÿɔ̌ nò.

Ŋwà’ne Ngyà jʉ’ 3:2

Pi zyeen, ńgwoon yɛ̂ pfwɔ́’ gie á ne ńgee mege kwé lɛ, ńkú’te. N gɔɔn nue mèŋ n gyá mefà’ mí gwɔ́ mvfò Ssé yɔɔn, tsoon tà’ mǒ tè nyé té gẅiin *lɔ̌’ wɔ́.

Ŋwà’ne Ngyà jʉ’ 3:8

Mèŋ n ne ńzsé mefà’ mí, ńne ńzsé ngie pi tè mbòŋ metʉ̀ gẅiin tá mbà pi ka kě ńkú’te shwóŋè yɔ́ɔn tà pi tè wɔ̀ɔn moŋe. À yɛ, mbà mèŋ n tsɔ̌’ ncwò ndá ńná né pi. Atsɔ̌ nyìŋ gẅie à piŋ ńku’u léjÿɔ́’ à tè wó wɔ́.

Ŋwà’ne Ngyà jʉ’ 3:15

Mèŋ n ne ńzsé mefà’ mí. Pi tè sẅé, ńké tè tween. Pi gɔ̌ɔn ngie pi ge fó sẅé sẅé à gaa, éfó tween tween à gaa.