Ŋwà’ne Ngyà jʉ’ 22:8 - Nouveau Testament en Ngienboum

⁸ Mèŋ Jaŋ, n ka jú’ mɔɔn menò, ńgíŋe ńgyá. N ka jú’ mɔɔn menò ńgíŋe ńgyá pú’u, ńnuŋe mekwò *cÿɔ́’ Ssé légu’te yé, á *cÿɔ́’ Ssé gẅie à ka ne ńnyɛɛ wɔ̀ɔn mɛ̌ menò.

Ŋwà’ne Ngyà jʉ’ 22:8 Referans Kwoze

Ŋwà’ne Ngyà jʉ’ 19:10

N jú’ pú’u, ńnuŋe mekwò yé légu’te yé. Tá’ á gɔɔn né mèŋ ngie: Tè gÿo pɛ́’ɛ̀. Mèŋ n gíŋe ńgwɔ́ yɔ́ɔn pɔ́ tsɔ̌ nyìŋ nà kwò fà’ gí, lâ petsɔ́ mefɛ́ pú pie, pia pɔ̌ kú’te mmó gie Yěsô Kristo ka gÿo mé zsé. Legÿo pú’u, áa mmó gie á tsóte pà *ntsẅì nkʉ̀ Ssé pɔ́ tsẅii nkʉ̀ gẅie é fóo mbwo Ssé. Pú’u la, gu’te pɔ́ Ssé.

Ŋwà’ne Ngyà jʉ’ 1:1

Anò gie áa tsɛ̀ɛ yɔɔn ŋwà’ne áa gie á laa lelyěen, Yěsô Kristo gÿo ńgÿo mé zsé. Á gwaa gwɔ́, mbà Ssé tʉ̌ njÿó ńgÿo Yěsô zsé yɛ̌ nò légwɔ́ gie à ge la’te mbwo pʉ̀a pé mmó gie á ge tɔ́g tó. Kristo la túmo cÿɔ́’ we, á gʉa ńda’te yɛ̌ nò á mbwo Jâŋ gẅie aa ngàŋa fà’ Yěsô.

Ŋwà’ne Ngyà jʉ’ 19:19

Mèŋ n gyá nkʉ̀’ʉ nɔ̀ɔn wa, ńgyá mefùɔ ndùmo ssé tsetsá’ mbɔɔ menùɔ ncù mɔ́b. Mbà pɔ́ cu’té léma’a nyìŋ gẅie à ńnéŋe ná lÿóon pâ wé nùɔ ncù lê ncù.

Megàŋ ntúm 10:26

Tá Piɛ pʉ’ʉ yé, ńgɔɔn ngie: Lu ssé, mèŋ n gee yɔ́ɔn pɔ́ nyìŋ mesoŋ pá’ gù.

Ŋwà’ne Ngyà jʉ’ 1:4

Yɔɔn ŋwà’ne fóo mbwo mèŋ Jâŋ, mèŋ n ŋwe’e ńnáa mbwo mecú’tè pʉ̀a Kristo mie ée sɔɔn mbʉ́a, ńgwɔ́ tsɛ̀ɛ ngwòŋ Azia. E Ssé gẅie aa wó, mbà à laa wó, à piŋ ńne ńtóo, pâ mezẅìge sɔɔn mbʉ́a mie ée mvfò lʉŋe lefùɔ yé, pɔ́ ne ńgwɔ́ né pi, ńne ńnéŋe sẅétè ntʉ́m pi.