Ŋwà’ne Ngyà jʉ’ 21:5 - Nouveau Testament en Ngienboum

⁵ Nyìŋ gẅie à la ńnéŋe nà lʉŋe lefùɔ gíŋe ńgɔɔn ngie: Áa fʉ̀’ɔɔn n ne ńgÿo kɔ̀ɔkɔ́ɔ pɔ́ sẅé sẅé, ḿbɔ́ɔnte ńgɔɔn né mèŋ ngie: Ŋwe’e. Á nue nò yɔɔn té gie à lɔɔn ńgwɔ́ nyìŋ jú’ ḿmʉ́’te wɔ́, áa nénʉ́,

Ŋwà’ne Ngyà jʉ’ 21:5 Referans Kwoze

2 Korento 5:17

Nyìŋ gwɔ̌ tá ńda nnɛ́ ná Kristo, ńcʉ́’ ńgwɔ́ pɔ́ nyìŋ we sẅé, ńgwɔ́ tsɛ̀ɛ ntʉ́m yé à tè gíŋe ńgwɔ́ pá’ à ka zɔɔn ńgwɔ́ wɔ́, mbà à zyě léńnéŋe we sẅé.

Ŋwà’ne Ngyà jʉ’ 19:9

Atsɔ̌ *cÿɔ́’ Ssé gɔɔn né mèŋ ngie: Ŋwe’e tsɛ̀ɛ ŋwà’ne ngie pàshÿó mbòŋo ée pʉ̀a pie mé toŋó wɔ́b á jʉ’ʉ línɔ́ɔn lɔ́ɔn ndá mûɔ *Njʉ̀njÿò, ńgíŋe ńgɔɔn né mèŋ ngie: Áa shwóŋè gie á kẅɛ̌ kwà’ ncwò Ssé.

Ŋwà’ne Ngyà jʉ’ 22:6

*Cÿɔ́’ Ssé pɔ́ɔnte ńgɔɔn né mèŋ ngie: Menò mɔɔn é té mie à lɔɔn ńgwɔ́ nyìŋ jú’ mʉ́’te wɔ́, ée nénʉ́. Cʉ̀apʉ̀a Ssé gẅie yé zɔɔ ńdɔgɔ Zẅìge yé ńtúmo pà Ntsẅì nkʉ̀ pé, kwà’ yé zɔ tumó cÿɔ́’ we pá’ à ge nyɛɛ mbwo megàŋa fà’ pé, mmó gie á ge tɔ́g tó.

Ŋwà’ne Ngyà jʉ’ 20:11

M biŋ ńgyá tsɔ̌ máamáa lʉŋe lefùɔ tyé, ńgwɔ́ féfɔ́gɔ, ńgyá mbɔɔ nyìŋ gẅie à ńnéŋe mǒ. Tsetsá’ pɔ́ lefaŋ pú fó mvfò yé ńkÿo. À yɔ́b jʉ’ té gíŋe ńgwɔ́ wó wɔ́.

Ŋwà’ne Ngyà jʉ’ 4:2

A Zẅìge Ssé lêen ńgwoon wɔ̀ɔn, n gwóon ńgyá tsɔ́ lʉŋe lefùɔ tyé tÿǒ lepwó, atsɔ̌ nyìŋ ńnéŋe mǒ.

Ŋwà’ne Ngyà jʉ’ 4:9

Á gwɔ́ ngwòŋ fʉ̀’ ntsèm gie menɔ̀ɔn pɔɔn lekùa ne ńzɔbɔ, ńdɔgɔ ńnáa legú’, ńdɔgɔ ńnáa mekù’, ńdɔgɔ ńnáa ndǎg mbwo nyìŋ gẅie à ńnéŋe nà lʉŋe lefùɔ ńgwɔ́ pɔ́ wó ngù’ nkɔ́ɔn nê nkɔ̌ɔn,

Ŋwà’ne Ngyà jʉ’ 1:19

Pú’u la, pú ŋwe’e kɔ̀ɔkɔ́ɔ gie ɔ̀ gyǎ, á gie ɔ̀ ne ńgyá fʉ̀’ɔɔn mbɔɔ gie ɔ̀ ge piŋ tá gyá.

Ŋwà’ne Ngyà jʉ’ 1:11

ńne ńgɔɔn ngie: Cú’te kɔ̀ɔkɔ́ɔ gie ɔ̀ ne ńgyá, ńŋwe’e tsɛ̀ɛ lepu’ú ŋwà’ne, ńtúm ńnáa mbwo mecú’tè pʉ̀a Kristo mie ée sɔɔn mbʉ́a, ńgwɔ́ tsɛ̀ɛ metÿǒsoŋ mɔɔn: Efeso, Smirne, Pɛrgame, Tiatire, Sardɛ̀s, Filadelfia, Laodisé.

Ŋwà’ne Ngyà jʉ’ 5:1

Mèŋ m biŋ ńgyá nyìŋ gẅie à la ńnéŋe nà lʉŋe lefùɔ la, á gẅiin tà’ shʉ̀a ffo ŋwà’ne á nà pwó yé ye tʉ̀, mbà mé la ŋwe’e mmó mǒ, á nzèm ntsèm, ńkáte, ńdɔgɔ lìi nŋwá’ ńdɔg ńdyɛte nà mejʉ’ sɔɔn mbʉ́a.

Heber 12:27

Yɔɔn nò lɔgɔ ńgɔɔn ngie: Á ge lá’a tsɔ́ fʉ̀’ mé pe’e shúm sie à lɔɔn ńnʉ’te é zóŋe, ńnáa nzèm é mag, á nue ée shúm sie mé la nyɛte nyɛte, é gÿo pú’u, é zsé ngie shúm sie mé nʉ’te é té zóŋe, zɔ̌ ge cʉ́’ gwɔ́ wó.

Ŋwà’ne Ngyà jʉ’ 22:19

Nyìŋ ké ńgʉa ná menò mie mé gɔ̌ɔn tsɛ̀ɛ yɔɔn ŋwà’ne, é gwɔ́ mie é ge gÿo mbɔɔ mie e ge lá’ tá gÿo lɔɔn, ńtsẅɛ́te tsɔ́ mmó, mbà Ssé ge gÿo tsẅɛ́te yé mmó gie á kɔ’ɔ́ ńgẅiin nà mentɔ̌ɔn tÿó gie á gÿo mé kwa’a ńgwɔ́ wó tà mbɔɔ ye mmó gie á ké ńgẅiin tsɛ̀ɛ tÿǒsoŋo ndʉalʉ̌a gie mé la’te tsɛ̀ɛ yɔɔn ŋwà’ne.

Lukase 5:38

Á ne ńzɛ́te ngie mé néŋ melù’ mesẅé pɔ́ tsɛ̀ɛ ntú’ ye sẅé.