Ŋwà’ne Ngyà jʉ’ 20:4 - Nouveau Testament en Ngienboum

⁴ N gíŋe ńgyá melʉŋe lefùɔ tyéte. Epʉ̀a tó ńnéŋe mǒ. Mé ná metʉ̀ mbwo pɔ́b lélɔg ńtsɔ́’te ntsaŋ. Mèŋ n gyá mbɔɔ mentʉ́m pʉ̀a pie mé la gwoonte wɔ́b ńzá’ twó sɔ́b, ńtí pá’ pɔ́ zsé yɔ́b pɔ́ ndà’ nò gie Yěsô ka gÿo mé zsé, mbɔɔ nò Ssé. Mbà pɔ́ ka tè gu’te nkʉ̀’ʉ nɔ̀ɔn wɔ́, ńké tè tútú we gu’te, aliŋé nɔ̀ɔn ŋwɛ́ piŋ tè na zí yɔ́b kà nà pwó yɔ́b wɔ́. Pɔ́ fó lá’ mepfó ḿbiŋ nzèm, ńgíŋ ńgwɔ́ wó, pâ Kristo púte sá’ njÿó nà ngù’ ntsá’. Á lɔgɔ ńgwɔ́ ndùŋ mvfò *lezimé nà legwé.

Ŋwà’ne Ngyà jʉ’ 20:4 Referans Kwoze

Matio 19:28

Yěsô tsɔ́’ ngie: Tà mèŋ shwóŋó gẅí, kwà’ nénʉ́, mé ge lá’ kúu tsɛ̀ɛ ngwòŋ sẅé, *Míŋ Nyìŋ ńnéŋe nà lʉŋe lefùɔ yé gie á gẅiin shʉ́shÿɔ́g, pi pʉ̀a ntsɔ̀b pʉ́a nê legém pie pi la cʉ́me nzèm mèŋ, gíŋe ńnéŋe gí nà melʉŋ ntsɔ̀b pʉ́a nê legém, ńŋag pʉ̀a Israel, ngẅɛ̀ ntsɔ̀b pʉ́a nê legém

Ŋwà’ne Ngyà jʉ’ 6:9

Mûɔ *Njʉ̀njÿò nyɛ́’ɛ lìi nŋwá’ nà jʉ’ mbɔ́ɔntè yétʉ̀a, mèŋ n gyá mentʉ́m pʉ̀a pie mé la zẅéte wɔ́b, mélà’mie pɔ́ la shwóŋó nò Ssé mbɔɔ ná pá’ pɔ́ la gɔɔn mmó gie pɔ́ zsé nà nò Yěsô, é nuŋte tsìŋe jʉ’ gie mé nuŋe pwɔ́’ wó,

Ŋwà’ne Ngyà jʉ’ 3:21

Á ge gÿo gʉa ná nyìŋ gẅie à lÿɔ̌’ ncù tà ńcʉa nò tepòŋ, mèŋ n zẅíŋ à ńnéŋe nà lʉŋe lefùɔ á ngʉ̀ŋe yɔ́ɔn, pá’ mèŋ yɔ́ɔn n da lÿɔ́’ ncù tà ńcʉa nò tepòŋ, Tá wɔ̀ɔn zẅíŋ mèŋ n ńnéŋe ná lʉŋe lefùɔ á ngʉ̀ŋe yé la.

2 Timote 2:12

Pege lɔɔn ńké ńne shÿɔgɔ tsɛ̀ɛ ngɔ́’ shÿɔg, mbà pege lâ pɔ̌ ge gÿo púte sá’a lá’ Tá pege ké ńgwá’a yé, mbà à ge gÿo gwá’a wégè yé.

Ŋwà’ne Ngyà jʉ’ 20:6

Pàshÿó mbòŋo, ée pʉ̀a pie é ge zíme nà legwé ná ndùŋ mvfò lezím, ée pʉ̀a pie ée kwà’ pe Ssé. Legwé we mbɔ́ɔntè yépʉ́a tè gíŋe ńku’u lé kíbe wɔ́b gwɔ́. Pɔ́ ge gÿo gwɔ́ pànuŋe pwɔ̀’ pe Ssé, mbɔɔ pe Kristo, pâ Kristo sá’ jÿó nà ngù’ ntsá’.

Lukase 22:30

Afʉ̀’ gie mèŋ n ge gwɔ́ Fùɔ la, pege tem shúm ḿpfɛ́, ńnú, pi piŋ ńnéŋe nà melʉŋe lefùɔ, ńŋag ngẅɛ̀ ndá Israel ntsɔ̀b pʉ́a nê legém.

Ŋwà’ne Ngyà jʉ’ 22:5

Letsẅɛ́’ těen ńge gÿo gíŋe gwɔ́ wó wɔ́. Pɔ́ té nge gÿo gíŋe tsɔ́ɔn kyɛ̀’ gie á fóo ná lâm wɔ́, é ké le ye nèm tsɔ́ɔn. Á nue Cʉ̀apʉ̀a Ssé ge gÿo lɔgɔ yé kyɛ̀’ é kyɛ’ɛ wɔ́b. Pâ pɔ̌ sá’ njÿó nà ngù’ nkɔ́ɔn nê nkɔ̌ɔn.

Ŋwà’ne Ngyà jʉ’ 12:11

Mefɛ́ pégè ka zẅɛ́’ metse mûɔ *Njʉ̀njÿò, ńgíŋe ńzẅɛ́’ mbɔɔ shwóŋè gie pɔ́ ka ne ńgɔɔn ńdɔgɔ ńda’te mmó gie pɔ́ zsé ná mûɔ *Njʉ̀njÿò, ńjÿó wɛ̌ nyìŋ. Pɔ́ ka tè lɔg twó sɔ́b ńtóŋo tsɔ́ mmó tà ḿbɔ́g pá’ ńgwɔ́ mé zẅé wɔ́b gwɔ́.

Ŋwà’ne Ngyà jʉ’ 1:9

Àa mèŋ Jâŋ, fɛ́ gẅi, ńcʉa ná pá’ pege la nnɛ́ ná Yěsô. Pege pǔ ńne ńgyá ngɔ́’, ḿbú ńgwɔ́ tsɛ̀ɛ nò *lefùɔ Ssé, ḿbiŋ ńgíŋ ńne ńdɔgɔ kwɔ́gɔ nnɛ́ ńzẅí’te Yěsô. Mé la gʉa Patmos, á gwɔ́ lá’ gie ntse la kéle ńnéŋe soŋ, ńnyé wɔ̀ɔn, mélà’ mie mèŋ shwóŋó nò Ssé ḿbiŋ ńkú’te mmó gie Yěsô Kristo ka gÿo mé zsé.

Roma 8:17

Pá’ pege ee púɔ Ssé la, pege ge lá’ gẅiin yégè mmó nà fù’ gie e Ssé la ka’a mbwo pʉ̀a pé, ńdɔgɔ ńgẅiin yégè mmó nà shúm Ssé, pega Kristo lɔgɔ ḿbú ńgẅiin. Pá’ pege ne ńzẅíŋe légyá ngɔ́’ pá’ à la zẅíŋ yé la, pega pɔ̌ ge gÿo gíŋe púte gwɔ́ tsɛ̀ɛ legú’ we.

Ŋwà’ne Ngyà jʉ’ 15:2

N gíŋe ńgyá tsɔ̌ ntí tetʉ́a, ésaŋte pá’ ntse té pàa, ńne síi pɔ́ pá’ tsɔ̌ ntí tóon gie e gwɔ̌ pɔ́ pá’ gyà shÿó, mé tóŋ lê Kristal la. Á gwɔ́ pɔ́ pá’ fʉ̀’ gie mmɔ̌g ée tsoló ńne ńkyɛ’ɛ jʉ’ la. Epʉ̀a tyéte ndùm wó, ńgwɔ́ pʉ̀a pie pɔ́ mǎ’ ncù tà ńcʉa nkʉ̀’ʉ nɔ̀ɔn, é pʉ̀a pie pɔ́ kaa tútú we gu’te, ńké tè zẅíŋ mé ŋwe’e menómbà mie é la’te lezíŋ sé ná pɔ́b wɔ́. Megàŋ gẅiin tsɔ̌ ntí mekèkÿɛ̀ mbwó pɔ́b, é gwɔ́ mie e Ssé la ná né pɔ́b.

Ŋwà’ne Ngyà jʉ’ 14:11

Ndyé mmɔ̌g gẅie pɔ́ ée tsoló e lá’a ńzɔ́gɔ ńkwɔ́’ɔ kwɔ̌’ nà ngù’ nkɔ́ɔn nê nkɔ̌ɔn. Awɔ̌wɔ́ɔ gẅie à ne ńgu’te nɔ̀ɔn, ńgíŋe ńne ńgu’te tútú nɔ̀ɔn ŋwɛ́, tà mbà mé cÿɔ’ɔ́ liŋé lezíŋ nɔ̀ɔn ná yé, á lá’a ńzɔ́gɔ légyá ngɔ́’ á zsǒ mbɔɔ tsẅɛ́’, atsɔ̌ lézẅɛte á le gwɔ́ wó wɔ́.

Ŋwà’ne Ngyà jʉ’ 11:7

Tá’, pɔ́ ge gÿo ké gɔɔn nò gie pɔ́ ne ńzsé ná mèŋ tà tsẅé jʉ’, nkʉ̀’ʉ pà nɔ̀ɔn gie ee fóo tsɛ̀ɛ pÿé té lǎŋ ńkwɔ́’ɔ, à tó ḿma’a wɔ́b lê ncù, ńjÿó wɔ́b, ńzẅéte wɔ́b.

Ŋwà’ne Jâŋ 14:19

Á cʉ́’ pɔ́ méjʉ’, pʉ̀a njÿó le gíŋ ńgyá wɔ̀ɔn mɔ́, tá ńgʉa ná pi, pi ne ńgyá wɔ̀ɔn gyǎ, mélà’mie n gwɔ̌ pɔ́ ntentʉ́. Pi gÿo ńgíŋe ńgwɔ́ gí ntentʉ́.

Ŋwà’ne Ngyà jʉ’ 17:8

Nɔ̀ɔn gẅie ɔ̀ gyǎ lɛ, à laa wó, tá’ à ké ńcʉ́’ʉ wó wɔ́. À ge gÿo gíŋe gwɔ́ wó, éfóo tsɛ̀ɛ pÿé té lǎŋ kwɔ́’ gʉa lé jʉ’ gie à ge kúu wó é kúu pyé. Epʉ̀a pie ée ndùmo ssé tsetsá’, mbà mé la tè ŋwe’e lezíŋ sɔ́b tsɛ̀ɛ ŋwà’ne gie á gÿo mé gwɔ́ wó, tà fó fʉ̀’ gie mé la nuŋe njÿó wɔ́, pɔ́ ge gÿo gyá nɔ̀ɔn ŋwɛ́ é mɔɔn tɛ’. Á nue à laa wó, à tè gíŋe ńgwɔ́ wó wɔ́, é ké gÿo gíŋe kẅɛ.

Ŋwà’ne Ngyà jʉ’ 11:15

*Cÿɔ́’ Ssé mbɔ́ɔntè sɔɔn mbʉ́a tóŋ wé ntaŋ. Mé jú’ *Mecÿɔ́’ Ssé gwɔ́ tÿǒ lepwó ńdɔgɔ ngyè tetʉ́ʉ ńgɔɔn ngie: Lesǎ’ njÿó cʉ̌’ ńgwɔ́ pɔ́ nà mbwo Cʉ̀apʉ̀a wege mbɔɔ ná mbwo *Nzà’nkÿo gẅie à la tsɔ́’. Wɛ̌ lésá’ ge lá’ gwɔ́ nà ngù’ nkɔ́ɔn nê nkɔ̌ɔn.

Ŋwà’ne Ngyà jʉ’ 11:11

Tá’, melyɛ’ɛ́ lá’ ma méntá lê kèm è gwɔ́ tà ńcʉa, a Zẅìge gie á gÿo mé gwɔ́ wó, à fó mbwo Ssé, ńtó ńkúu ná pɔ́b. Pɔ́ lu ssé ńtyé tyé. Ecÿɔ’ pú ńgwoon pʉ̀a pie pɔ́ la ne ńgyá mepfó mɔ́b.

Ŋwà’ne Ngyà jʉ’ 11:3

ńgʉa ná pʉ̀a pɔɔn mépʉ́a pie pɔ́ ge gɔɔn nò gie pɔ́ zsé ná mèŋ, mbà mèŋ n ge gÿo náa wɔ́b metʉ̀ lélɔg ńtsẅi nkʉ̀ wɔ̀ɔn. Pɔ́ ne ńtsẅii, ḿma’ menzsǒ lɔg ńdúŋ legwé ma’ nà melyɛ’ɛ́ lá’ ntsá’ lê nkÿo pʉ́a lê móm ntɔgɔ́ (1.260).

Roma 11:15

E Ssé la zɔɔn ńgwɔ́ tá ńtÿɔ́gɔ wɔ́b nzèm tá ńgÿo yé Ssé pâ pʉ̀a mesoŋ tsɛ̀ɛ njÿó mag mbù, à ge piŋ lá’ gwɔ́ tà gíŋe líe wɔ́b á gwɔ́ lêkɔ́? À gwɔ́ kwà’ légíŋ ńgwɔ́ wó á mbwo pʉ̀a pie é la zɔɔn ńkwé.

Lukase 1:17

E Ssé ge lá’ náa yé metʉ̀, à lɔg ńgwɔ́ yé pá’ *Elîɛ, *ntsẅì nkʉ̀ Ssé, lélɔg ńgwɔ́ mvfò e fa’a pá’ à ge gÿo metá gẅiin nkwaŋá mbòŋo nà gubé yɔ́b, é piŋ gÿo pàte jǔ’ ncwò gẅiin ntʉ́m pʉ̀a pie é pɔ́g Ssé. Pú’u, e Ssé lɔg ńtáŋte pʉ̀a pie é ge lá’ ku’u légu’te yé.

Malékuse 9:11

Pɔ́ leen ńké ḿbiŋ ńzɛ́te Yěsô ngie: Tà *pàkyàgte lepʉ̌ Mǒsê gɔɔn ngie *Elîɛ ge lá’ vɔg tó pé’e mélà’a kɔ́?

Malékuse 6:27

Á gwóon ńtúmo feffò, ńtsẅi ngie à gʉa ńdɔgɔ twó Jâŋ ńtó. Feffò gʉa ndá tsǎŋ ńzá’a twó Jâŋ,

Malékuse 6:16

Fùɔ *Herôd jú’ mɔɔn menò, ńgɔɔn yé ngie: Aa Jâŋ gẅie n da gÿo mé zá’a twó yé lá, mbà à zǐm.

Matio 24:10

Á ge lá’ gwɔ́ gwɔ́ tà pʉ̀a tà ńgyɔ́ɔn tsetsɛ̀ɛ pi le gíŋe ńzáb ntʉ́m ná mèŋ wɔ́, pɔ́ sele sẅiŋ mennɛ́ mɔ́b, ésele ḿbʉa mennɛ́ mɔ́b.

Lukase 14:14

Ɔ̀ gÿo pú’u, mbà ɔɔ shÿó mbòŋo, mélà’mie à lɔɔn ńgwɔ́ pɔ́ le tsɔ́’ shʉ́’ gú wɔ́, pú’u, e Ssé lá’ ńtsɔ́’ɔ fà’ ɔ́, á fʉ̀’ gie pʉ̀a pé ge lá’ zíme nà legwé.

Ŋwà’ne Ngyà jʉ’ 1:2

Jâŋ ŋwɛ́ aa jʉ’ɔɔn ńne ńŋwe’e kɔ̀ɔkɔ́ɔ gie à ka gyǎ. Kwà’ yé ne ńgɔɔn ngie á fóo mbwo Ssé, ńgwɔ́ nò gie áa nénʉ́, mbà Yěsô Kristo ka gÿo mé zsé.

Ŋwà’ne Ngyà jʉ’ 2:26

Á gʉa ná nyìŋ gẅie à ge gÿo lÿɔ́’ ncù tà cʉa nò tepòŋ, á nyìŋ gẅie à ge gÿo é ké ne gÿo pɔ́ mmó gie mèŋ n da tsẅi ngie mé ne ńgÿo, á légÿo pɔ́ pú’u, tà ńkúu lyɛ’ɛ́ nzsònzèm, mbà mèŋ n ge lá’ ná metʉ̀ mbwo ye, à lɔg sá’ patè zsé Ssé.

Ŋwà’ne Ngyà jʉ’ 4:4

Etsɔ́ melʉŋe lefùɔ ntsɔ̀b lekùa lê móm mbʉ́a la kéle yɛ̌ lʉŋe lefùɔ ńnéŋe soŋ. Melÿò ntsɔ̀b lekùa lê móm mbʉ́a néŋte mǒ, ḿma’ mefɔ́gɔ nzsǒ, ńtɔ’ mecÿɔ́’ɔ lefùɔ mie mé la lɔgɔ tʉ̌ gɔ̂l ńnyɛte.

Ŋwà’ne Ngyà jʉ’ 7:3

Tà pi gwóon ńgÿo nò tepòŋ ndùmo ssé tsetsá’. Tà pi gÿo ná ntse té pàa. Tà pi gÿo ná metÿǒ. Pi zẅí’te tà peg cÿɔ’ɔ liŋé nà zǐ pafa’a fà’ Ssé yege.