Ŋwà’ne Ngyà jʉ’ 20:13 - Nouveau Testament en Ngienboum

¹³ Ntse té pàa ná mepfó pʉ̀a pie é la fÿɛ́ɛ ntse. Legwé mbɔɔ lá’ mepfó gíŋe ńná pɔ́b mepfó, mé ŋaga wɔ̌wɔ́ɔ ná pá’ mefà’ mé la gwɔ́.

Ŋwà’ne Ngyà jʉ’ 20:13 Referans Kwoze

Ŋwà’ne Ngyà jʉ’ 6:8

N díe ńgyá atsɔ̌ lÿóon kẅɛ, ńgeme síŋ sǐŋ. Lezíŋ nyìŋ gẅie à ńnéŋe mǒ gwɔ́ le legwé. À jʉ’ gie mepfó ée wó á gwɔ́ nzèm ye. Mé gabte ndùmo tsetsá’ nzsè lekùa, ńnáa tà’ nzsè ngie pɔ́ sá’ légwɔ́ gie pɔ́ ge lɔg nně ncù, é lɔgɔ gwáŋa, é lɔgɔ gwá’a mbɔɔ menɔ̀ɔn tsẅɛ̀, é zẅéte pʉ̀a ná yɛ̌ gwǒŋ.

Ŋwà’ne Ngyà jʉ’ 20:14

Mé lêen ńké ńzé’e legwé mbɔɔ lá’ gie mepfó ée wó, ḿma’a tsɛ̀ɛ lepÿé mmɔ̌g. Lepÿé mmɔ̌g ŋwɛ́ lɔgɔ ńgwɔ́ legwé mbɔ́ɔntè yépʉ́a.

Ŋwà’ne Ngyà jʉ’ 20:12

M biŋ ńgyá mepfó ssé, é melÿò mbɔɔ penkʉ́, pɔ́ tyéte mvfò lʉŋe lefùɔ. N gíŋ ńgyá pá’ mé nyɛ́’ɛ meŋwà’ne. Mé gÿo ńgíŋe nyɛ́’ɛ yetsɔ́, á gwɔ́ gie mé la ŋwe’e mezíŋ pʉ̀a pie pɔ́ gẅiin légwɔ́ tèmì tsoló. Mé lɔgɔ mmó gie mé la ŋwe’e tsɛ̀ɛ meŋwà’ne ńŋag mepfó ssé, ńŋaga wɔ́b pɔ́ pá’ mefà’ mɔ́b ka gwɔ̌.

Ŋwà’ne Ngyà jʉ’ 1:18

Mèŋ n gee nyìŋ gẅie à gÿo mé gwɔ́ wó. N da kwé, tá mèŋ n gee fʉ̀’ɔɔn ńgwɔ́ wó, é ké lá’a gwɔ́ pɔ́ wó. Mèŋ n gẅiin metsɔ́’ɔ kí, mie é náa wɔ̀ɔn metʉ̀ lélɔg ńjÿɔ́’ɔ jʉ’ gie mepfó ée wó, kà pɔ́ lélɔg ńtsɔ́’ éfó wó ńkẅile pʉ̀a wɔ́.

Matio 11:23

ńgʉ́a nà pi pʉ̀a Kapernawúm, pi kwǎŋ ngie Ssé ge kwé’e gẅi kwé’e tà pi kúu lefaŋ káa? Éshwóŋó gẅi ngie: Ngǎŋ, à ge sẅé’e gẅi sẅé’e pi gʉa tà ńkúu lá’ mepfó ssé. Á nue menò mmɔɔn mmɔɔn mie mé la gÿo lá’ pi, à laa pé’e ńgÿo pɔ́ Sodom, mbà Sodom aa yé pɔ́ wó tà ńkú lyɛ̌’ɔɔn

Matio 16:27

Pi zsé ngie: *Míŋ Nyìŋ pâ mecÿɔ́’ pé ge gÿo tó, á tsɛ̀ɛ legú’ Tá we, à leen ńké ńtsɔ́’ɔ fà’a wɔwɔ́, pɔ́ nà ngÿǒ menò mé.

1 Korento 15:26

Anzsò nzèm ngàŋ mbù gẅie e Ssé ge lá’ pyága yé aa legwé gẅie à lɔgɔ pʉ̀a.

Ŋwà’ne Ngyà jʉ’ 2:23

N ge zẅéte gubé yé. À cʉa pú’u, mecú’tè pʉ̀a Kristo ntsèm zsé ngie mèŋ n gee nyìŋ gẅie à zsé nkwaŋá pʉ̀a mesoŋ, ńgíŋe ńzsé mbɔɔ mmó gie pɔ́ ne ńtsɔ́ɔn. Mèŋ n ge gÿo fó pɔ́ nà mmó gie wɔ̌wɔ́ɔ gÿǒ, tá zsé pá’ mèŋ n ge gÿo ná ngàŋ.

Ŋwà’ne Ngyà jʉ’ 21:4

À ge gÿo tsí’i ntse nÿɔ́g mɔ́b ntsèm. Legwé tè gÿo gíŋe gwɔ́ wó wɔ́. Mé le gíŋe ńdʉa legwé wɔ́. Mé le gíŋe ńga’te wɔ́. Mé le gíŋe ńgyá ngɔ́’ wɔ́. Á nue ngwòŋ we nzẅìŋ kéen ḿmag.