Ŋwà’ne Ngyà jʉ’ 19:6 - Nouveau Testament en Ngienboum

⁶ N jú’ ngyè nùɔ lá’ zẅɛ̂ pá’ lepí sie é zyɛ́’ɛ la, ḿbiŋ ńgwɔ́ pá’ ntʉ̀ lefaŋ sie é vɛ́te la, ńne ńgɔɔn ngie: Alelúyà. Á nue Cʉ̀apʉ̀a Ssé yege, ńgwɔ́ Ngàŋa tʉ̀ ntsèm, á nuŋé lefùɔ sé.

Ŋwà’ne Ngyà jʉ’ 19:6 Referans Kwoze

Ŋwà’ne Ngyà jʉ’ 14:2

N jú’ etsɔ̌ ngyè nyìŋ fóo tÿǒ lepwó, ńzẅɛ pá’ máamáa ntse gẅie é ne ńzyɛ́’ɛ la, ńgíŋe ńgwá’a lefaŋ sie é vɛ́te la, ńgíŋ ńgwɔ́ pá’ ngyè leluŋó gie pàpú’ tsɔ̌ ntí kèkÿɛ̀ ne ḿbú’u la.

Ŋwà’ne Ngyà jʉ’ 19:1

N gyá sɔɔn shúm tà ńtsẅé jʉ’, ńjú’ tsɔ̌ ngyè tetʉ́ʉ é gwɔ́ pɔ́ pá’ ngyè máamáa nùɔ lá’ la, é gwɔ́ tÿǒ lepwó ńne ńgɔɔn ngie: Alelúyà, letsẅɛ́ ńgÿo legú’ mbɔɔ metʉ̀ ée mbwo Ssé yege,

Ŋwà’ne Ngyà jʉ’ 6:1

N nyé ńdíe lǐe, ńgyá mûɔ *Njʉ̀njÿò nyɛ́’ɛ lìi nŋwá’ ná ndùŋ mvfò jʉ’ ná mejʉ’ mɛ̌ sɔɔn mbʉ́a. N jú’ tsɔ̌ tà’ ná menɔ̀ɔn pá lekùa gɔɔn nò lê tsɔ̌ ngyè gie e gwá’a lefàŋ sie é vɛ́te la ngie: Tóo.

Ŋwà’ne Ngyà jʉ’ 1:15

Mekwò mé la ne ńŋwʉŋe pá’ tʉ̌ nʉ̀ gie mé nyé ńtsíbe mmɔ̌g la. Ngyè ye ne ńzẅɛɛ pá’ lepí sie é zyɛ́’ɛ la.

Ŋwà’ne Ngyà jʉ’ 21:22

Tá’ n ké ńdíe tÿǒsoŋ ntsèm n tè *jʉ’ʉ Ssé wó gyá, á nue *jʉ’ʉ Ssé ye tÿǒsoŋ ŋwɛ́, á gwɔ́ pɔ́ Cʉ̀apʉ̀a Ssé, Ngàŋa tʉ̀ ntsèm mbɔɔ Mûɔ *Njʉ̀njÿò.

Ŋwà’ne Ngyà jʉ’ 12:10

Mèŋ n deen ńké ńjú’ tsɔ̌ nyìŋ lɔg ngyè tetʉ́ʉ, éfó tÿǒ lepwó ńne ńgɔɔn ngie: Á yɔɔn, mbà fʉ̀’ gie mé ge tsẅɛ́ á kǔ’. Á yɔɔn, mbà fʉ̀’ gie e Ssé yege ge nyɛ metʉ̀ mé, yé zɔ cʉ́’ʉ sá’a pʉ̀a á kǔ’. Á yɔɔn, mbà fʉ̀’ gie *Nzà’nkÿo we gẅie à la tsɔ́’ gee ńnyɛ mé metʉ̀ á kǔ’. Á nue mé tsǒ nyìŋ gẅie à kɔ̌ɔn ńzɔ́gɔ ńtyé mvfò Ssé yege fʉ̀’e zsó pɔ́ tsẅɛ́’, ésẅiŋe mefɛ́ pege. Mé tsǒ yé ḿma’a ndùmo ssé tsetsá’.

Ŋwà’ne Ngyà jʉ’ 8:5

*Cÿɔ́’ Ssé piŋ ńkaa mmó gie mé tuɔ shúm gyě tsoló, ńnéŋ mmɔ̌g gẅie éfóo jʉ’ gie mé nuŋe pwɔ́’ wó tà é lúe, á zé’e ḿma’a ndùmo ssé tsetsá’. Lefàŋ vɛ́te. Mé jú’ mengyè, ńgyá menně mbʉ̀ŋ. Atsetsá’ ńcʉ’e.

Ŋwà’ne Ngyà jʉ’ 4:5

Menne mbʉ̀ŋ la ne fóo ná lʉŋe lefùɔ ńkẅɛɛ. Mengyè pʉ̀a ne fóo mǒ ńkwɔ́’ɔ. Lefàŋ ne fóo mǒ ḿvɛ́te. Melâm sɔɔn mbʉ́a tyéte mvfò lʉŋe lefùɔ, ńne ńkÿó, ńdɔgɔ ńgwɔ́ Mezẅìge sɔɔn mbʉ́a mie ée me Ssé.

Matio 6:13

Tè zẅíŋ ngie peg kúu tsɛ̀ɛ nkwà’te, kẅé wég mbwó Sátà. [Á nue gù zɔɔ fùɔ, metʉ̀ ntsèm piŋ ńgwɔ́ pɔ́ mú, mé ne ńgu’te pɔ́ ndà’ gú mengù’u mengù’. Ameŋ].

Ŋwà’ne Ngyà jʉ’ 1:8

Cʉ̀apʉ̀a Ssé gẅie aa wó, mbà à laa wó, à piŋ ńne ńtóo, á yé ngàŋa tʉ̀ ntsèm, à ne ńgɔɔn ngie: Mèŋ n gee Alfa, ńgwɔ́ Omega.

Ŋwà’ne Ngyà jʉ’ 19:4

Melÿò pá ntsɔ̀b lekùa lê móm mbʉ́a, mbɔɔ menɔ̀ɔn pá lekùa kẅí’te ssé, ńgu’te Ssé gẅie à ńnéŋe nà lʉŋe lefùɔ, ńne ńgu’te yé, ńgɔɔn ngie: *Amen! Alelúyà!