Ŋwà’ne Ngyà jʉ’ 19:10 - Nouveau Testament en Ngienboum

¹⁰ N jú’ pú’u, ńnuŋe mekwò yé légu’te yé. Tá’ á gɔɔn né mèŋ ngie: Tè gÿo pɛ́’ɛ̀. Mèŋ n gíŋe ńgwɔ́ yɔ́ɔn pɔ́ tsɔ̌ nyìŋ nà kwò fà’ gí, lâ petsɔ́ mefɛ́ pú pie, pia pɔ̌ kú’te mmó gie Yěsô Kristo ka gÿo mé zsé. Legÿo pú’u, áa mmó gie á tsóte pà *ntsẅì nkʉ̀ Ssé pɔ́ tsẅii nkʉ̀ gẅie é fóo mbwo Ssé. Pú’u la, gu’te pɔ́ Ssé.

Ŋwà’ne Ngyà jʉ’ 19:10 Referans Kwoze

Ŋwà’ne Jâŋ 5:39

Pi mwoon ŋwà’ne Ssé, mélà’mie pi ne ńkwaŋa ngie pi ge cʉa mǒ gẅiin le gwɔ́ tèmì. Yɛ̌ zɔ ké ne ńgɔɔn nyìŋ gẅie mèŋ n gee wɛ̌.

Heber 1:14

Anò *mecÿɔ́’ Ssé zɔɔn pá’a ńgwɔ́ kɔ́? Pɔ́ gwɔ́ pɔ́ mezẅìge mie é fa’a mbwo Ssé, á ne ńtúmo wɔ́b ngie pɔ́ gʉa fa’a fà’ gie á ge kẅéte pʉ̀a pie yé Ssé ge tâ gÿo pɔ́ tsẅɛ́.

Ŋwà’ne Ngyà jʉ’ 4:10

melÿò pá ntsɔ̀b lekùa lê móm mbʉ́a, ésẅɛ́’ ńkẅí’te mvfò nyìŋ gẅie à ńnéŋe nà lʉŋe lefùɔ, ńgu’te yé nyìŋ gẅie aa ńgwɔ́ pɔ́ wó ngù’ nkɔ́ɔn nê nkɔ̌ɔn, ńtsɔ́’ mecÿɔ́’ɔ lefùɔ twó pɔ́b, ńgwɔ́ nùŋe mvfò lʉŋe lefùɔ, ńne ńgɔɔn ngie:

Ŋwà’ne Ngyà jʉ’ 12:17

Lóŋ máamáa nnù ngém wá pú ńgyáŋ ńtí manzwě wá tɛ’. Nnù ngém gʉa ńdɔg ncù ńcʉ́’ ńdÿɔ́’ pɔ́ pfwɔ́’ɔ ngẅɛ̀ manzwě wa, epʉ̀a pie pɔ́ ne ńkú’te mbʉ̌ Ssé, ḿbiŋ ńne ńkímte nò nénʉ́ gie Yěsô la gɔɔn.

Ŋwà’ne Ngyà jʉ’ 12:11

Mefɛ́ pégè ka zẅɛ́’ metse mûɔ *Njʉ̀njÿò, ńgíŋe ńzẅɛ́’ mbɔɔ shwóŋè gie pɔ́ ka ne ńgɔɔn ńdɔgɔ ńda’te mmó gie pɔ́ zsé ná mûɔ *Njʉ̀njÿò, ńjÿó wɛ̌ nyìŋ. Pɔ́ ka tè lɔg twó sɔ́b ńtóŋo tsɔ́ mmó tà ḿbɔ́g pá’ ńgwɔ́ mé zẅé wɔ́b gwɔ́.

1 Jâŋ 5:10

Nyìŋ lɔɔn ńzáb ntʉ́m wé ná Míŋ Ssé, mbà mɔɔn menò méntá ge ne fa’a ntʉ́m ye. Nyìŋ gẅie à kaa zẅíŋe nò gie e Ssé gɔ̌ɔn wɔ́, angàŋ lɔgɔ Ssé ńgÿo ngàŋa cÿɔ̌ nò, mélà’mie à kaa záb ntʉ́m nà nò gie e Ssé gɔ̌ɔn ńtí mmó gie yé Ssé zsé nà nò Míŋ we wɔ́.

Heber 12:25

Pú’u la, pi pɔ́ɔn le lʉ’ʉ lézẅí’te nò gie á kẅɛɛ ncwò nyìŋ gẅie à ne ńgɔɔn nò mbwo pi, á nue á lɔɔn ńgwɔ́ gie mé la néŋ ntsaŋ twó pʉ̀a pie pɔ́ la lʉ’ʉ lé jú’u nò gie Mǒsê laa ndùmo ssé tsetsá’ ńne ńkága tuŋó yɔ́b mǒ, mbà pege lɔɔn ńtém nzèm Ssé gẅie aa tÿǒ lepwó, ńne shwóŋó wégè nò, mbà á ge gǎ tá pege e le kú pɔ́ ngɔ́’ gie e tɔ́g yɛ̌ wɔ́.

Matio 4:10

Yěsô gɔɔn né yé ngie: Sátà, fó lejʉ́ŋ mèŋ sẅɛ’te nnɛ́, mélà’mie mé la ŋwe’e tsɛ̀ɛ ŋwà’ne Ssé ngie: «Nyìŋ gu’te pɔ́ ndà’ Cʉ̀apʉ̀a Ssé gíle yé ḿbiŋ ńjú’ pɔ́ ndà’ ncwò wé».

Ŋwà’ne Ngyà jʉ’ 14:7

Á ne ńdɔgɔ ngyè tetʉ́ʉ ńgɔɔn ngie: Pi pɔ́g Ssé, ńnáa legú’ mbwo yé. Á nue afʉ̀’ gie à ge ŋag pʉ̀a mesoŋ áa pá’ɔɔn, mbà á kǔ’. Pi gu’te nyìŋ gẅie à la nyɛte lepwó, ńnyɛte tsetsá’, ńnyɛte ntse té pàa, ńnyɛte mbɔɔ mesá’a ntse.

Ŋwà’ne Ngyà jʉ’ 15:4

Cʉ̀apʉ̀a, ńgwɔ́ wɔ̌ nyé té pɔ́gɔ gú? Ńgwɔ́ wɔ̌ nyé té gu’te lezíŋ shú. Ndà’ gú zɔɔ ndʉalʉ̌a; Mengwòŋ ntsèm ge gÿo tó é kẅí’te mvfò gù á nue wɔ̌wɔ́ɔ kéen ńgyá mefà’ mú pá’ é tyé ndʉŋ ndʉŋ.

Megàŋ ntúm 10:43

Yé zɔ zɔɔn ńgwɔ́ nyìŋ gẅie pà *ntsẅì nkʉ̀ Ssé metsèm lɔ́ɔn ńda’te, pá’ pɔ́ la ne ńgɔɔn ngie: Awɔ̌wɔ́ɔ gẅie à zǎb ntʉ́m wé ná yé wɔ́, e Ssé ge lege menò tepòŋ ngàŋ é náa mbwó yé, é tí yé.

Ŋwà’ne Ngyà jʉ’ 1:9

Àa mèŋ Jâŋ, fɛ́ gẅi, ńcʉa ná pá’ pege la nnɛ́ ná Yěsô. Pege pǔ ńne ńgyá ngɔ́’, ḿbú ńgwɔ́ tsɛ̀ɛ nò *lefùɔ Ssé, ḿbiŋ ńgíŋ ńne ńdɔgɔ kwɔ́gɔ nnɛ́ ńzẅí’te Yěsô. Mé la gʉa Patmos, á gwɔ́ lá’ gie ntse la kéle ńnéŋe soŋ, ńnyé wɔ̀ɔn, mélà’ mie mèŋ shwóŋó nò Ssé ḿbiŋ ńkú’te mmó gie Yěsô Kristo ka gÿo mé zsé.

Filipo 3:3

Pege pɔɔn zɔ ee pʉ̀a pie mé la kwà’ ḿbú’u wégè. Pege zɔ̌ gwɔ́ pʉ̀a pie é gwɔ ne gu’te Ssé, ńne ńzẅí’te nò ncwò Zẅìge yé. Pege lɔgɔ pɔ́ Yěsô ńka’te, à lɔɔn ńgwɔ́ pege zɔɔn le lɔg shúm sie pʉ̀a mesoŋ gÿo ńtí mà lá’ gwɔ́b ńdɔg ńka’te wɔ́ le.

Lukase 24:44

MÀpfɛ́ tà ḿmag, ńgɔɔn né pɔ́b ngie: Pi gyá mmó gie n kɔ̌ɔn shwóŋó gẅí, á fʉ̀’ gie pege ka nyě ńzɔ́gɔ. Mèŋ n da shwóŋó gẅi ngie á ne ńzɛ́te ngie yɛ̌ kɔ́ wɔ́ gie mé la ŋwe’e ná mèŋ wɔ́ à pumte. Menò ŋwɛ́ ntsèm ntsèm ée tsɛ̀ɛ ŋwà’ne Mǒsê, mbɔɔ tsɛ̀ɛ ye *pàntsẅì nkʉ̀ Ssé lâ ye Mezɔ́bɔ Ntse.

Lukase 1:19

*Cÿɔ́’ Ssé tsɔ́’ ngie: Mèŋ n gee Ngáapeleya, ńju’u mbwo Ssé. Yé zɔ tumó wɔ̀ɔn ngie n tó ńtsẅi wɔɔn nkʉ̀ mbòŋo mbwo gù.

Malékuse 5:22

atsɔ̌ nyìŋ tó, lezíŋ sé gwɔ́ le Yayelo, á gwɔ́ tsɔ̌ tà’ nà melÿò tsɛ̀ɛ *ndá cú’tè pà Yuda, ńgwɔ́ tà ńgyá Yěsô, ńdeen ńnuŋe mekwò ye,

Megàŋ ntúm 13:27

Tá á ke ńgwɔ́ pá’ɔɔn, mbà pʉ̀a Yerósalem pâ pà sá’a lá’a yɔ́b kéen tè zsé nyìŋ gẅie Yěsô aa wɛ̌ wɔ́, pɔ́ kéen ńgíŋ tè jú’u mmó gie shwóŋè pà *ntsẅì nkʉ̀ Ssé gɔɔn wɔ́, tá ḿbiŋ ne ńtóŋo ngwòŋ melyɛ’ɛ́ nzse mɔ́b ntsèm. Á ka cʉa pú’u, pɔ́ sẅiŋe Yěsô pá’ mé ge zẅé. Pɔ́ ka lɔg pú’u, ńgÿo ammó gie pà *ntsẅì nkʉ̀ Ssé la tʉ́ njÿó ńtsẅi á púmte,

1 Jâŋ 5:21

Penkʉ́ pɔ́ɔn, pi laga twó gí nà shúm sie pʉ̀a gu’te ngie ee Ssé.

1 Tesalonika 5:15

Pi pɔ́ɔn lélɔgɔ nò tepòŋ ńtsɔ́’ɔ nò tepòŋ. Pi gÿo pɔ́ nò mbòŋo tsetsɛ̀ɛ pi té tyɛ̀’te.

Efeso 5:15

Pú’u la pi gwaa gÿo kɔ̀ɔkɔ́ɔ gí wɔ́, ńdaga twó gí mboŋó. Pi pɔ́ɔn léńnéŋe we megʉ̀gʉ̀, pi ńnéŋe pá’ megàŋa zsě nò

2 Korento 8:7

Á tyé nà kɔ́ wɔ́ pi zɔ̌ ná fʉ̀’ mbòŋo, pi záb ntʉ́m nà Ssé mboŋó, ńzsé légɔɔn nò á kẅɛ, ńzsé nò Ssé kwà’ mboŋó, ńzeŋe nɛ́ ngwòŋ fʉ̀’ ntsèm, ńgẅiin nkwòŋe á nzèm peg, pú’u la pi gíŋ ńná fʉ̀’ mbòŋo á ná yɔɔn fà’a pòŋo ntʉ́m.

Malékuse 7:25

Atsɔ̌ manzwě gwɔ́ yé wó, mbà *ssé tepòŋ ka gwoon míŋ we we manzwě, ńne ḿbue yé. Á jú’ yé mé gɔɔn ngie Yěsô tǒ, á nɔ́ɔnte yé, ńnuŋe mekwò yé,

Efeso 5:33

Tá ńké ńgíŋe ńgɔɔn mbɔɔ ná pi gí. Á ne ńzɛ́te ngie wɔ̌wɔ́ɔ mámbàŋa wɔ́ kwoŋo nzwě we pá’ à kwoŋo twó mbùm yé, wɔ̌wɔ́ɔ manzwě wɔ́ gÿo mekù’ ndǔm we.

Ŋwà’ne Ngyà jʉ’ 1:1

Anò gie áa tsɛ̀ɛ yɔɔn ŋwà’ne áa gie á laa lelyěen, Yěsô Kristo gÿo ńgÿo mé zsé. Á gwaa gwɔ́, mbà Ssé tʉ̌ njÿó ńgÿo Yěsô zsé yɛ̌ nò légwɔ́ gie à ge la’te mbwo pʉ̀a pé mmó gie á ge tɔ́g tó. Kristo la túmo cÿɔ́’ we, á gʉa ńda’te yɛ̌ nò á mbwo Jâŋ gẅie aa ngàŋa fà’ Yěsô.

Ŋwà’ne Ngyà jʉ’ 19:9

Atsɔ̌ *cÿɔ́’ Ssé gɔɔn né mèŋ ngie: Ŋwe’e tsɛ̀ɛ ŋwà’ne ngie pàshÿó mbòŋo ée pʉ̀a pie mé toŋó wɔ́b á jʉ’ʉ línɔ́ɔn lɔ́ɔn ndá mûɔ *Njʉ̀njÿò, ńgíŋe ńgɔɔn né mèŋ ngie: Áa shwóŋè gie á kẅɛ̌ kwà’ ncwò Ssé.