Ŋwà’ne Ngyà jʉ’ 15:6 - Nouveau Testament en Ngienboum

⁶ *Mecÿɔ́’ Ssé sɔɔn mbʉ́a, pie pɔ́ la gẅiin ngʉ̀ngʉ̀ mentí sɔɔn mbʉ́a la, fó jʉ’e Ssé ńkẅɛ, ḿma’ metà’ shʉ̀a meféfɔ́gɔ nzsǒ, é ne ńŋwʉŋe. Mbà pɔ́ lɔgɔ́ tsɔ́ pɔ́ɔn mmó, ńtʉ́me kʉ́kʉ́b wɔb, á gwɔ́ gie mé la lɔgɔ tʉ̌ gɔ̂l ńnyɛte.

Ŋwà’ne Ngyà jʉ’ 15:6 Referans Kwoze

Ŋwà’ne Ngyà jʉ’ 1:13

N gyá tsɔ̌ nyìŋ á tyé tsetsɛ̀ɛ melâm ápɛ̌, ńgwɔ́ pɔ́ pá’ *Míŋ Nyìŋ mesoŋ la, ḿma’a tsɔ̌ tà’ shʉ̀a nzsǒ á cwóŋ tà ńtyé mekwò yé, á lɔgɔ tsɔ́ pɔ́ɔn mmó ńtʉ́me kʉ́kʉ́b we, á gwɔ́ gie mé la lɔgɔ tʉ̌ gɔ̂l ńnyɛte.

Ŋwà’ne Ngyà jʉ’ 15:1

M bɔ́ɔntè ńgyá tsɔ́ mmó gíŋe ńkẅɛɛ lefaŋ, ńgwɔ́ wó tɛ’, ńgwɔ́ gie á gÿo mé vege vege, é gwɔ́ *Mecÿɔ́’ Ssé sɔɔn mbʉ́a. Pɔ́ tyéte ńgẅiinte ngʉ̀ngʉ̀ mentí sɔɔn mbʉ́a mie é ge kúu ná pʉ̀a mesoŋ, é lɔgɔ ńgwɔ́ menzsònzèm mengʉ̀ngʉ̀, á nue lóŋ Ssé ge gÿo gwɔ pʉ́le, mbà mɛ̌ mengʉ̀ngʉ̀ tɔ̌g.

Ŋwà’ne Ngyà jʉ’ 14:15

Atsɔ̌ *cÿɔ́’ Ssé fó tsɛ̀ɛ jʉ’e Ssé gie áa tÿǒ lepwó, ńdɔg ngyè tetʉ́ʉ ńtsẅii mbwo nyìŋ gẅie à ńnéŋe ndùm féfɔ́gɔ melɔ́ɔn la ngie: Lɔg nně ńdag shúm, ńdag shúm ndùmo ssé tsetsá’. Afʉ̀’e lélag shúm kǔ’, á nue shúm ée ndùmo ssé tsetsá’, mbà é tʉ̌.

Lukase 24:4

Pɔ́ la tyé ńdíe jʉ’ é ne ńkʉ́’ʉ wɔ́b, pɔ́ gwoon ńgyá pʉ̀a mépʉ́a kẅɛ, ḿma’ menzsǒ é fɔ́g tà ńŋwʉŋe.

Ŋwà’ne Ngyà jʉ’ 14:17

Wetsɔ̌ *cÿɔ́’ Ssé fó tsɛ̀ɛ jʉ’e Ssé gie áa tÿǒ lepwó ńkẅɛ, ńgíŋe ńgẅiin yé ntí nně ya gie mé lɔgɔ ńdaga shúm nká’ la, é ne ńdúmo tɛ’.

Ŋwà’ne Ngyà jʉ’ 19:8

Mé ka gÿo nà ntí gie à ge ma’ mefɔ́gɔ nzsǒ mie é ŋwʉŋe ńgwɔ́ té *lɔ̌’. Á nue mefɔ́gɔ nzsǒ lɔgɔ ńgwɔ́ mefà’ pʉ̀a Ssé mie é tyé ndʉŋ ndʉŋ.