Ŋwà’ne Ngyà jʉ’ 13:4 - Nouveau Testament en Ngienboum

⁴ Pɔ́ gu’te nnù ngém ya, á nue à ka nyé lésá’ pʉ̀a á mbwo nɔ̀ɔn, ńne ńgu’te nɔ̀ɔn, ńgɔɔn ngie: À wɔ̌ gẅiin tʉ̀ pá’ nɔ̀ɔn? Ńgwɔ́ wɔ̌ ma’a yé lê ncù?

Ŋwà’ne Ngyà jʉ’ 13:4 Referans Kwoze

Ŋwà’ne Ngyà jʉ’ 13:2

Nɔ̀ɔn gẅie n da gyá à la gwɔ́ pɔ́ pá’ ŋɔ́ɔn ŋʉ́, mekwò mé gwɔ́ pá’ me tsɔ́ máamáa tsò, ncwò wé gwɔ́ pá’ we pú’ ntʉ̀. Máamáa nnù ngém wa ná metʉ̀ mé mbwo yé, ńnáa lʉŋe lefùɔ yé né yé, ńnyé lésá’ pʉ̀a mbwo yé.

Ŋwà’ne Ngyà jʉ’ 18:18

ńne ńgyá ndyé mmɔ̌g gẅie éfóo ná tÿǒsoŋ pá’ á ne shÿó, ńne ńga’te ńgɔɔn ngie: Yɛ̌ tÿǒsoŋ kaa gwɔ́ gie á lɔɔn ńgwɔ́ á gwɔ́ pá’ máamáa tÿǒsoŋ?

Ŋwà’ne Ngyà jʉ’ 13:15

Mé gíŋe ńnáa yé metʉ̀ pá’ à ge gÿo tútú gẅie mé lɔ̌g fʉ’te nɔ̀ɔn ŋwɛ́, à ŋele, ńzsé ngie tútú ŋwɛ́ ge ku’u légɔɔn nò, é ku’u lézẅéte pʉ̀a metsèm pie pɔ́ kaa zẅíŋe légu’te yé tútú wɔ́.

Ŋwà’ne Ngyà jʉ’ 12:3

Atsɔ́ mmó gíŋe ńkẅɛɛ lefaŋ, ńgwɔ́ tsɔ̌ ntí máamáa nnù ngém ya, ḿbaŋa pá’ mmɔ̌g la, metwó mé gwɔ́ sɔɔn mbʉ́a, mendóŋ mé gwɔ́ legém, acÿɔ́’ɔ lefùɔ gwɔ́ ná metwó mé sɔɔn mbʉ́a ntsèm.

2 Tesalonika 2:4

À ge lá’ kẅɛ tyé, é lêen ké zye létɔ’ pʉ̀a ngie tà pɔ́ gíŋe ńgu’te tsɔ́ mmó tà mbɔɔ Ssé, é ne gɔɔn ngie yé pú ńcʉa wɔ́b métsèm, é kú mbɔɔ tsɛ̀ɛ jʉ’e Ssé ńnéŋe, é gɔɔn ngie yé zɔɔ Ssé.

Ŋwà’ne Ngyà jʉ’ 17:14

Pɔ́ ge ma’a Mûɔ *Njʉ̀njÿò lê ncù, tá à ké ńcʉa wɔ́b, á nue aa Cʉ̀apʉ̀a mecʉ̀apʉ̀a, ńgwɔ́ Fùɔ mefùɔ. Epʉ̀a pie à la tóŋo wɔ́b, ńtsɔ́’ɔ wɔ́b, pɔ́ zsé pɔ́ ndà’ yé, pâ pɔ̌ pú ńcʉa nɔ̀ɔn ŋwɛ́.

Ŋwà’ne Ngyà jʉ’ 9:20

Á gʉa nà pfwɔ́’ɔ pʉ̀a pie sɔɔn shúm sie é náa ngɔ́’ la tè wɔ́b zẅé, pɔ́ ké tè kúbe mà wɔ́b ńgwá’ mefà’ tepòŋ mie pɔ́ fa’a wɔ́. Pɔ́ la tè nyé légu’te *messé tepòŋ wɔ́. Pɔ́ té nyé légu’te shúm sie mé gu’te ngie ee messé wɔ́, é sie mé la lɔgɔ tʉ̌ gɔ̂l ńnyɛte, kà pɔ́ sie mé la lɔgɔ tʉ̌ nkáb ńnyɛte wɔ́, kà sie mé la lɔgɔ tʉ̌ nʉ̀ ńnyɛte wɔ́, kà sie mé la lɔgɔ tóon ńnyɛte wɔ́, kà sie mé la lɔgɔ kème tÿǒ ńnyɛte wɔ́, éshúm sie é té ku’u légyá jʉ’ wɔ́, ńké tè ku’u lé jú’u nò wɔ́, ńké tè ku’u légiŋ wɔ́.

2 Korento 4:4

ée pà jú’u nò Ssé té záb ntʉ́m mǒ, pie e ssé yé yɔɔn njÿó kéen ńjÿɔ́’ legyè sɔ́b ńdɔg ńtɔ́’ɔ wɔ́b légyá kyɛ̀’ gie á fóo ná nkʉ̀ mbòŋo, pú’u, pɔ́ té zsé pá’ shʉ́shÿɔ́g Kristo aa pú’u wɔ́. Yé Kristo aa pá’ e Ssé gwɔ̌.

Ŋwà’ne Ngyà jʉ’ 12:4

À la ne ńdɔgɔ nku wé ńjÿɔgɔ tà’ nzsè ná Mecÿɔ́’ saŋ nzsè tá, ḿbÿɛɛ ndùmo ssé tsetsá’, ńtyé mvfò manzwě wá, ńne ḿbyɛ́bɛ pá’ à ge zyé à gwóon ńkaa múɔ ḿmi.

Ŋwà’ne Ngyà jʉ’ 13:11

Mèŋ m biŋ ńgyá wetsɔ̌ nkʉ̀’ʉ nɔ̀ɔn ne fóo tsɛ̀ɛ tsetsá’ ńkẅɛɛ. Mendóŋ mé gwɔ́ mémbʉ́a pá’ me mûɔ *Njʉ̀njÿò, tá á ne ńgɔɔn nò pá’ máamáa nnù ngém la.