Ŋwà’ne Ngyà jʉ’ 1:6 - Nouveau Testament en Ngienboum

⁶ À la lɔgɔ wégè ńgÿo pʉ̀a pie ée tsɛ̀ɛ nò *lefùɔ Ssé, ńgíŋe ńdɔgɔ wégè ńgÿo pànuŋe pwɔ́’ pá’ pege ge fa’a mbwo Tá we Ssé. Legú’ mbɔɔ metʉ̀ e lá’a ńgwɔ́ pɔ́ mbwo yé Yěsô Kristo á nà ngù’ nkɔ́ɔn nê nkɔ̌ɔn. *Amen

Ŋwà’ne Ngyà jʉ’ 1:6 Referans Kwoze

Ŋwà’ne Ngyà jʉ’ 5:10

Ɔ̀ la lɔgɔ wɔ́b ńgÿo pʉ̀a pie ée tsɛ̀ɛ nò *lefùɔ Ssé, ńgíŋe ńdɔgɔ wɔ́b ńgÿo pànuŋe pwɔ́’ pá’ pɔ́ ge fa’a mbwo Ssé yege. Mbɔɔ pá’ pɔ́ ge gÿo sá’ pʉ̀a ndùmo ssé tsetsá’.

Ŋwà’ne Ngyà jʉ’ 20:6

Pàshÿó mbòŋo, ée pʉ̀a pie é ge zíme nà legwé ná ndùŋ mvfò lezím, ée pʉ̀a pie ée kwà’ pe Ssé. Legwé we mbɔ́ɔntè yépʉ́a tè gíŋe ńku’u lé kíbe wɔ́b gwɔ́. Pɔ́ ge gÿo gwɔ́ pànuŋe pwɔ̀’ pe Ssé, mbɔɔ pe Kristo, pâ Kristo sá’ jÿó nà ngù’ ntsá’.

Roma 11:36

Kɔ̀ɔkɔ́ɔ zɔɔn fóo pɔ́ mbwo ye. Kɔ̀ɔkɔ́ɔ gwaa gwɔ́ wó yé zɔ̌ gÿo tá á gwɔ́ wó, á piŋ ńgwɔ́ pɔ́ yé. Mé gu’te yé, é mengù’u mengù’. *Amen.

Ŋwà’ne Ngyà jʉ’ 4:11

Ɔ̀ɔ nyìŋ gẅie ɔ̀ ku’ me Cʉ̀apʉ̀a weg, ńgwɔ́ Ssé yeg, ɔ̀ ku’ pá’ à lɔɔn ńgwɔ́ mé náa legú’ mbwo gù, ńná mekù’ mbwo gù, pá’ à lɔɔn ńgwɔ́ gù zɔ̌ gẅiin metʉ̀. Á nue ɔ̀ la gÿo kɔ̀ɔkɔ́ɔ á gwɔ́ wó, gù zɔ la kwoŋ tá sɛ̌ shúm kẅɛɛ tsɛ̀ɛ njÿó, gù zɔ piŋ ńne ńkwoŋo tá é gwɔ́ wó.

2 Piɛ 3:18

Pi lɔg pɔ́ pá’ pi ne ńzsé Yěsô Kristo, Cʉ̀apʉ̀a wege, ńgwɔ́ nyìŋ gẅie à gÿo pege tsẅɛ́ɛ, ńdɔg ńgʉa né mvfò, ńzsé ngie à ge kẅi’i cÿó gʉm gí, é ne ńgwɔ́ɔ né pi. Legú’ à gwɔ́ mbwo yé tà fó fʉ̀’ɔɔn, à lá’a ńgwɔ́ɔ pɔ́ pú’u! *Amen.

Jẅide 1:25

ée ndà’ yé ńgwɔ́ Ssé. À la lɔgɔ Cʉ̀apʉ̀a wege Yěsô Kristo ńgÿo pege tsẅɛ́. Mé gu’te pɔ́ yé, yé zɔ gẅiin legú’, yé zɔ̌ gẅiin metʉ̀, yé zɔ̌ sá’a pʉ̀a, pá’ à la lá’ ńzye, á ké ńgwɔ́ pɔ́ pú’u, tà ńkú fʉ̀’ɔɔn, é lá’a gwɔ́ pɔ́ pú’u, á nà ngù’ nkɔ̌ɔn nê nkɔ̌ɔn. *Amen.

1 Piɛ 4:11

Afù’ ye nyìŋ lɔɔn ńgwɔ́ légɔɔn nò Ssé, á gɔɔn pɔ́ gie á fóo mbwo Ssé. Aye nyìŋ gwɔ́ léfa’ mefà’ tsɛ̀ɛ cú’tè, á lɔg pɔ́ metʉ̀ mie Ssé náa mbwo yé ńdɔg fa’. Pi gÿo pá’ɔɔn ńzsé ngie mé ge cʉa ná Yěso Kristo, égu’te Ssé nà kɔ̀ɔkɔ́ɔ, yé gẅie metʉ̀ ntsèm, mbɔɔ lésá’ njÿó ée mbwo yé nà mengù’ nkɔ́ɔn nê nkɔ́ɔn. Amɛn

Heber 13:21

Á poŋ ngie e Ssé mbʉ́lè ŋwɛ́, à gÿo pi ku’u légÿo nò mbòŋo légwɔ́ gie pi ge gÿo pɔ́ mmó gie à ne ńkwoŋo. Á poŋ ngie yé Ssé fó ná Yěsô Kristo, ńgÿo ammó gie á poŋo yé, à gwɔ́ ná pege. Legú’ à gwɔ́ mbwo Yěsô Kristo á nà ngù’ nkɔ́ɔn nê nkɔ̌ɔn! *Amen.

Filipo 2:11

Á piŋ ne ńzɛ́te ngie mbàa wɔ̌wɔ́ɔ sá’ ngie Yěsô Kristo aa Cʉ̀apʉ̀a. Mé ge gɔ́ɔn pú’u, é lɔg ná mekù’ á mbwo Ssé Tá.

Roma 15:6

À cʉa pú’u, pi lɔgɔ tà’ ncwò, ńdɔgɔ tà’ ngyè ńgu’te Ssé Tá pà Cʉ̀apʉ̀a wege Yěsô Kristo.

Ŋwà’ne Jâŋ 5:23

Á cʉa pú’u, mânyìŋ ntsèm ná mekù’ Míŋ we pɔ́ ndʉŋ ndʉŋ pá’ à ne ńnáa me Tá. Nyìŋ gẅie à kaa ná mekù’ Míŋ Ssé wɔ́, angàŋ lɔgɔ tě ńnáa mekù’ Tá we gẅie à la túmo yé wɔ́.

Matio 6:13

Tè zẅíŋ ngie peg kúu tsɛ̀ɛ nkwà’te, kẅé wég mbwó Sátà. [Á nue gù zɔɔ fùɔ, metʉ̀ ntsèm piŋ ńgwɔ́ pɔ́ mú, mé ne ńgu’te pɔ́ ndà’ gú mengù’u mengù’. Ameŋ].

1 Timote 6:16

ée ndà’ yé gílé yé gẅie aa tèkwé. À ńnéŋe nà jʉ’ gie á pú ńŋwʉŋe tà ńgwɔ́ gie à lɔɔn ńgwɔ́ nyìŋ mesoŋ le tsíŋte tà ḿbɔ́ɔnte jʉ’ó wɔ́. Nyìŋ laa zɔɔn ńgyá yé wɔ́, ńgwɔ́ nyìŋ le ku’u légyá yé wɔ́. Á poŋ mekù’ mé mbɔɔ lefùɔ sé e lá’a ńgwɔ́ pɔ́ wó. *Amen.

1 Piɛ 5:11

Yé zɔ gẅiin lésá’ njÿó á nà mengù’u mengù’. *Amen

Ŋwà’ne Ngyà jʉ’ 1:9

Àa mèŋ Jâŋ, fɛ́ gẅi, ńcʉa ná pá’ pege la nnɛ́ ná Yěsô. Pege pǔ ńne ńgyá ngɔ́’, ḿbú ńgwɔ́ tsɛ̀ɛ nò *lefùɔ Ssé, ḿbiŋ ńgíŋ ńne ńdɔgɔ kwɔ́gɔ nnɛ́ ńzẅí’te Yěsô. Mé la gʉa Patmos, á gwɔ́ lá’ gie ntse la kéle ńnéŋe soŋ, ńnyé wɔ̀ɔn, mélà’ mie mèŋ shwóŋó nò Ssé ḿbiŋ ńkú’te mmó gie Yěsô Kristo ka gÿo mé zsé.