Ŋwà’ne Ngyà jʉ’ 1:3 - Nouveau Testament en Ngienboum

³ Ashÿó mbòŋo aa nyìŋ gẅie à ge tóŋo yɔɔn ŋwà’ne. Pà shÿó mbòŋo gwɔ́ pʉ̀a pie pɔ́ ge jú’u yɔɔn shwóŋè gie á fóo mbwo Ssé, é gÿo mmó gie mé ŋwe’é tsoló. Á nue fʉ̀’ gie mɔɔn menò gee mbumté á tsoté tà ne ḿbɔ́ɔnte.

Ŋwà’ne Ngyà jʉ’ 1:3 Referans Kwoze

Lukase 11:28

Yěsô pʉŋe ńgɔɔn né yé ngie: Ɔ̀ kɔ’ɔ́ gɔɔn pɔ́ ngie: Pàshÿó mbòŋo ée pʉ̀a pie pɔ́ jú’u shwóŋè Ssé, ńgÿo pá’ á ne ńzɛ́te.

Ŋwà’ne Ngyà jʉ’ 22:10

MÀbɔ́ɔnte ńgɔɔn né mèŋ ngie: Tè lÿoon menò mie mé tsẅǐ tsɛ̀ɛ yɔɔn ŋwà’ne, ée menò mie é ge gÿo, mbɔɔ mie e ge lá’ tá gÿo. Tè lÿoon, á nue afʉ̀’ gie mɔɔn menò gee mbumté á tsoté tà ne ḿbɔ́ɔnte.

Roma 13:11

Pi kag tʉ̀, ńgÿo mɛ̌ menò á nue pi ne ńzsé kème njÿó gie pege ee mǒ. Yɔɔn áa fʉ̀’ gie á zɛ́te ngie pi zyeen. Á nue áa fʉ̀’ɔɔn, mbà fʉ̀’ gie Ssé ge gÿo pege tsẅɛ́, á pɔɔnté, ńtɔ́g pá’ á laa fʉ̀’ gie pege lá nyé ńzyete lézáb ntʉ́m nà Ssé.

1 Piɛ 4:7

Afʉ̀’ʉ nzsòte kɔ̀ɔkɔ́ɔ wɔ́, á ne ńku’u. Pá’ áa pú’u la, pi gwɔ́ pàzsé nò. Tà pi gwá’a lÿɔg, ńzsé ngie pi ge ku’u lésẅíŋte Ssé.

Ŋwà’ne Ngyà jʉ’ 22:12

Ayɔɔn, Yěsô ké ně ńgɔɔn ngie: Mèŋ n ge tɔ́g tó, n gẅiin mmó gie n ge lɔg tsɔ́’ɔ fà’a pʉ̀a, á le ná ye wɔ̌wɔ́ɔ pɔ́ pá’ mefà’ mé ée pú’u.

2 Piɛ 3:8

Tá’ meshǔ pɔ́ɔn pe tʉ́ nzẅìŋ, à tsɔ̌ tà’a mmó aa wó gẅie á té poŋ ngie pi lege wɔ́. Áa mbwo Cʉ̀apʉ̀a tà’a lyɛ̌’ gwɔ́ pá’ ngù’ ntsá’, ngù’ ntsá’ gwɔ́ pá’ tà’a lyɛ̌’.

Ŋwà’ne Ngyà jʉ’ 22:20

Nyìŋ gẅie à ne ńnyɛte ńgɔɔn mɔɔn menò, gɔ̌ɔn ngie: Kwà’ nénʉ́, mèŋ n ge tɔ́g tó. *Amen. Tóo me Cʉ̀apʉ̀a Yěsô.

Matio 24:15

Á ge lá’ gwɔ́ fʉ̀’ó, pi gyá nyìŋ gẅie *ntsẅì nkʉ̀ Ssé Ndaniɛ la tóŋo yé lê «nkʉ̀’ʉ ntàgte jʉ’». Á tó ńtyé kwà’ tsɛ̀ɛ jʉ’ gie e Ssé ee wo. Nyìŋ tóŋo jʉ’ʉ ŋwà’né yɔɔn, á kag tʉ lenyɛte ńjú’.

Roma 13:12

Letsẅɛ́’ zyě ńgiŋ, njÿó ne ńdʉ́a. Pú’u la, pege gwá’ mefà’ mie mé fa’a pɔ́ tsɛ̀ɛ nzěm, pege kaa shúm ncù sie mé tyé ná jʉ’e kyɛ̀’, ńdɔg ńdÿɔ́’ ncù.

Ŋwà’ne Ngyà jʉ’ 3:11

Mèŋ n ge tɔ́g tó. Pi kú’te mmó gie áa mbwo pi tà à tʉ ńzsé ngie tsɔ̌ nyìŋ tè kẅé gi ngú’ wɔ́.