Ŋwà’ne Ngyà jʉ’ 1:18 - Nouveau Testament en Ngienboum

¹⁸ Mèŋ n gee nyìŋ gẅie à gÿo mé gwɔ́ wó. N da kwé, tá mèŋ n gee fʉ̀’ɔɔn ńgwɔ́ wó, é ké lá’a gwɔ́ pɔ́ wó. Mèŋ n gẅiin metsɔ́’ɔ kí, mie é náa wɔ̀ɔn metʉ̀ lélɔg ńjÿɔ́’ɔ jʉ’ gie mepfó ée wó, kà pɔ́ lélɔg ńtsɔ́’ éfó wó ńkẅile pʉ̀a wɔ́.

Ŋwà’ne Ngyà jʉ’ 1:18 Referans Kwoze

Roma 6:9

Peg cwoŋo ne ńzsé ngie Kristo la vɔg tà ńzíme nà legwé, à tè lá’ gíŋe kwé wɔ́. Legwé tè gíŋe ńgẅiin tsɔ́ nò ná yé wɔ́.

Heber 7:25

Áa mmó gie á gíŋe ńgÿo á ku’u légÿo pʉ̀a pie pɔ́ ne ńdɔgɔ yé ńtsóte nnɛ́ nê lejʉ́ŋ Ssé, pɔ́ tsẅɛ́ ndà’ ndà’. Pú’u nue yé Yěsô aa ńgwɔ́ pɔ́ wó, pá’ à ge sẅíŋte Ssé nà twó yɔ́b.

Ŋwà’ne Ngyà jʉ’ 3:7

Ŋwe’e menò mɔɔn, ńtúm ńnáa mbwo *cÿɔ́’ Ssé gẅie à líe cú’tè pʉ̀a Kristo gie áa tÿǒsoŋo Filadelfia. Ŋwe’e ngie: Nyìŋ gẅie à fóo lejʉ́ŋ Ssé, ńgwɔ́ shwóŋò nò nénʉ́, yé gẅie à ngẅiin kí fùɔ Ndavíd, yé gẅie à tsɔ́’ ncwò ndá nyìŋ tè ku’u léjÿɔ́’ wɔ́, ńjÿɔ́’ nyìŋ tè ku’u létsɔ́’ wɔ́, à ne ńgɔɔn ngie:

Heber 12:2

Pege ne ńtÿɔ́gɔ menÿɔ́g pɔ́ ná Yěsô gẅie à la zí’i wégè lézáb ntʉ́m nà Ssé, yé zɔɔ nyìŋ gẅie à ge lá’ ńnéŋe wégè ná mbwó Ssé ndà’ ndà’. À la nyé lekág gẅie à laa we, mé kíme yé nà tÿǒ nkǐ á shÿɔg shÿɔg, à tè lɔg shʉ́ gẅie ée nà lekwě pú’u, ńtóŋo tsɔ́ nò wɔ́. Aa fʉ̀’ɔɔn ńnéŋe ngʉ̀ŋe lʉŋe lefùɔ ye Ssé, á nà gwǒŋo pwó Ssé ye tʉ̀.

Matio 16:19

Mèŋ n ge gÿo ná metsɔ́’ɔ lélɔg ńtsɔ́’ nzsè *lefùɔ Ssé á mbwó gù. Àmmó gie ɔ̀ ge gÿo lʉ’ʉ ndùmo ssé tsetsá’, mé gÿo ńdʉ’ʉ tÿǒ lepwó. Àmmó gie ɔ̀ ge zẅíŋe á ndùmo ssé tsetsá’ mé ge gÿo zẅíŋe tÿǒ lepwó.

Ŋwà’ne Ngyà jʉ’ 20:14

Mé lêen ńké ńzé’e legwé mbɔɔ lá’ gie mepfó ée wó, ḿma’a tsɛ̀ɛ lepÿé mmɔ̌g. Lepÿé mmɔ̌g ŋwɛ́ lɔgɔ ńgwɔ́ legwé mbɔ́ɔntè yépʉ́a.

Heber 1:3

Mé fó pɔ́ ná múɔ wɔ̀ɔn tá ńgyá pá’ legú’ Ssé aa tè laa yé pú’u. Á lɔɔn ńgwɔ́ gie e Ssé aa lêkɔ́ wɔ́, mbà míŋ we giŋé ńgwɔ́ yé kwà’ pú’u. Á yé gẅie à lɔg pɔ́ metʉ̀ mie ée nà shwóŋè yé, ńtóonte kɔ̀ɔkɔ́ɔ gie áa tsɛ̀ɛ njÿó ntsèm. À la gwɔ́ tà ńgÿo mmó gie e Ssé ne fóo mǒ ńdege menò tepòŋ pʉ̀a mesoŋ tà á mag, á gʉa nê tÿǒ lepwó, ńnéŋe nà gwoŋó pwó Ssé ye tʉ̀, yé Ssé gẅie à pǔ sá’a kɔ̀ɔkɔ́ɔ.

Galatia 2:20

Mèŋ n zɔ tè pá’ɔɔn ńgíŋe sá’a twó mbùm yɔ́ɔn mɔ́, Kristo zɔ cʉ̌’ ńgwɔ́ soŋ nnɛ́ mèŋ ésá’a wɔ̀ɔn. N dɔɔn ńgÿo pɔ́ kɔ́ wɔ́, mbà á gwɔ́ pɔ́ ngie m bǔ ńzáb ntʉ́m wɔ̀ɔn ná Míŋ Ssé. Àa nyìŋ gẅie à la kwoŋo wɔ̀ɔn kwoŋ tà ńkwé nà twó yɔ́ɔn.

Ŋwà’ne Ngyà jʉ’ 4:9

Á gwɔ́ ngwòŋ fʉ̀’ ntsèm gie menɔ̀ɔn pɔɔn lekùa ne ńzɔbɔ, ńdɔgɔ ńnáa legú’, ńdɔgɔ ńnáa mekù’, ńdɔgɔ ńnáa ndǎg mbwo nyìŋ gẅie à ńnéŋe nà lʉŋe lefùɔ ńgwɔ́ pɔ́ wó ngù’ nkɔ́ɔn nê nkɔ̌ɔn,

Heber 7:16

À tè gwaa gwɔ́ nùŋe pwɔ́’ pá’ɔɔn, á fóo ná tsɔ́ *lepʉ̌ sie mé la záb ngie pʉ̀a mesoŋ giŋe mǒ wɔ́. Á fóo pɔ́ nà metʉ̀ mie ée nà we le gwɔ́. Wɛ̌ le gwɔ́ á gwɔ́ tèmì,

2 Korento 13:4

Áa nénʉ́ ngie à laa tsɔ́ fʉ̀’, ḿbÿɛ́ pá’ nyìŋ mesoŋ, mé kime yé nà tÿǒ nkǐ. Tá’ à ké ńgwɔ́ fʉ̀’ɔɔn ńgwɔ́ ntentʉ́, é gwɔ́ metʉ̀ Ssé. Peg yég, peg fó ná pá’ peg la nnɛ́ ná yé, ḿbÿɛ́ pá’ à la gwɔ́. Tá’ é ké gÿo lɔg yeg ntí légẅiin gẅí, é nyɛɛ gẅi ngie pega Kristo ee ntentʉ́, é gwɔ́ metʉ̀ Ssé.

Ŋwà’ne Ngyà jʉ’ 9:1

*Cÿɔ́’ Ssé mbɔ́ɔntè yétʉ̀a tóŋ wé ntaŋ. Mèŋ n gyá tsɔ̌ cÿɔ́’ saŋ, mbà à ně fó lepwó ńgwe ndùmo ssé tsetsá’. Mé náa kí lɔg ńtsɔ́’ ncwò pÿé té lǎŋ mbwo ye.

Ŋwà’ne Jâŋ 14:19

Á cʉ́’ pɔ́ méjʉ’, pʉ̀a njÿó le gíŋ ńgyá wɔ̀ɔn mɔ́, tá ńgʉa ná pi, pi ne ńgyá wɔ̀ɔn gyǎ, mélà’mie n gwɔ̌ pɔ́ ntentʉ́. Pi gÿo ńgíŋe ńgwɔ́ gí ntentʉ́.

Kolosia 3:3

Pi zsé ngie áa nà menò njÿó, mbà pi léen ńkwé. Agẅi le gwɔ́, aa mbwo Kristo á lejʉ́ŋ Ssé, mé té ne ńgyá pá’ à gwɔ̌ wɔ́.

Ŋwà’ne Ngyà jʉ’ 5:14

Mé zɔb pú’u, menɔ̀ɔn pá lekùa lêen ńké ngie *Amen. Melÿò pá lêen ńké ńkẅí’te ssé, ńgu’te Ssé.

Matio 11:23

ńgʉ́a nà pi pʉ̀a Kapernawúm, pi kwǎŋ ngie Ssé ge kwé’e gẅi kwé’e tà pi kúu lefaŋ káa? Éshwóŋó gẅi ngie: Ngǎŋ, à ge sẅé’e gẅi sẅé’e pi gʉa tà ńkúu lá’ mepfó ssé. Á nue menò mmɔɔn mmɔɔn mie mé la gÿo lá’ pi, à laa pé’e ńgÿo pɔ́ Sodom, mbà Sodom aa yé pɔ́ wó tà ńkú lyɛ̌’ɔɔn

Lukase 24:5

Pɔ́ cÿɔ’ tà ńcʉ́’ ńdíe pɔ́ ssé, tá pʉ̀a ŋwɛ́ zɛ́te wɔ́b ngie: Pi tóo tsetsɛ̀ɛ mepfó ssé, éfa’a nyìŋ gẅie aa ntentʉ́ mélà’a kɔ́?

Ŋwà’ne Jâŋ 11:25

Yěsô tsɔ́’ɔ mbwo yé ngie: Mèŋ n gee nyìŋ gẅie à gÿo mé zíme ná legwé, ńgwɔ́ nyìŋ gẅie à gÿo mé gwɔ́ wó. Nyìŋ lɔɔn ńzáb ntʉ́m ná mèŋ ńkwé mbɔɔ kwě, mbà à ge gÿo gwɔ́ wó.

Ŋwà’ne Ngyà jʉ’ 2:8

Ŋwe’e menò mɔɔn, ńtúm ńnáa mbwo *cÿɔ́’ Ssé gẅie à líe cú’tè pʉ̀a Kristo gie áa tÿǒsoŋ Smirne. Ŋwe’e ngie: Nyìŋ gẅie aa ndùŋ mvfò, ńgwɔ́ nzsònzèm, nyìŋ gẅie à la kwé ḿbiŋ ńgíŋ fóo lá’ mepfó, à ne ńgɔɔn ngie:

Ŋwà’ne Ngyà jʉ’ 6:8

N díe ńgyá atsɔ̌ lÿóon kẅɛ, ńgeme síŋ sǐŋ. Lezíŋ nyìŋ gẅie à ńnéŋe mǒ gwɔ́ le legwé. À jʉ’ gie mepfó ée wó á gwɔ́ nzèm ye. Mé gabte ndùmo tsetsá’ nzsè lekùa, ńnáa tà’ nzsè ngie pɔ́ sá’ légwɔ́ gie pɔ́ ge lɔg nně ncù, é lɔgɔ gwáŋa, é lɔgɔ gwá’a mbɔɔ menɔ̀ɔn tsẅɛ̀, é zẅéte pʉ̀a ná yɛ̌ gwǒŋ.

Ŋwà’ne Ngyà jʉ’ 10:6

ńdɔgɔ lezíŋ nyìŋ gẅie aa ńgwɔ́ pɔ́ wó á nà ngù’ nkɔ́ɔn nê nkɔ̌ɔn, yé gẅie à la nyɛte lefaŋ mbɔɔ kɔ̀ɔkɔ́ɔ gie áa tsoló, yé gẅie à la nyɛte tsetsá’ mbɔɔ kɔ̀ɔkɔ́ɔ gie áa ndùmo, yé gẅie à la nyɛte ntse té pàa mbɔɔ kɔ̀ɔkɔ́ɔ gie áa tsoló, ńkʉa, ńgɔɔn ngie atsɔ̌ légíŋe ńzẅí’te à tè nyé ńgwɔ́ wó wɔ́.

Ŋwà’ne Ngyà jʉ’ 15:7

Atsɔ̌ tà’ ná menɔ̀ɔn pá lekùa, á ná mentú’ sɔɔn mbʉ́a mbwo *mecÿɔ́’ Ssé pa sɔɔn mbʉ́a. Mentú’ ŋwɛ́ gwɔ́ mie mé la lɔgɔ tʉ̌ gɔ̂l ńnyɛte, agyáŋa lóŋ Ssé gẅie aa ńgwɔ́ pɔ́ wó nà ngù’ nkɔ́ɔn nê nkɔ̌ɔn gwɔ́ tsɛ̀ɛ mentú’ ŋwɛ́ tà ńdúe.

Ŋwà’ne Ngyà jʉ’ 20:13

Ntse té pàa ná mepfó pʉ̀a pie é la fÿɛ́ɛ ntse. Legwé mbɔɔ lá’ mepfó gíŋe ńná pɔ́b mepfó, mé ŋaga wɔ̌wɔ́ɔ ná pá’ mefà’ mé la gwɔ́.