Ŋwà’ne Ngyà jʉ’ 1:16 - Nouveau Testament en Ngienboum

¹⁶ Á kú’te mecÿɔ́’ saŋ sɔɔn mbʉ́a nà lɔ̌ɔn pwó yé ye tʉ̀. Etsɔ̌ nně ncù gie à twó sẅíte, é gẅiin mengʉ́ŋ mémbʉ́a ne fóo ncwò yé ńkẅɛɛ. Eshÿó wé ŋwʉŋe pɔ́ pá’ lejÿɔ́g nèm á tsɛ̀ɛ zsǒ la.

Ŋwà’ne Ngyà jʉ’ 1:16 Referans Kwoze

Heber 4:12

Ashwóŋè Ssé zɔɔn ńgwɔ́ ntentʉ́ tà ńkwa’ fa’ mefà’, atwó yé sẅíte tà ńcʉa mbɔɔ ye yɛ̌ nně ncù wɔ́ gie e gẅiin mengʉ́ŋ mbʉ́a, á shú ńkúu ná nyìŋ kǔ tà ńcʉa nà jʉ’ gie azẅìge ngàŋ pɔ́ ntʉ́m wé temte wó, tà ńcʉa nà jʉ’ gie mejwoŋó mbùm ngàŋ pɔ́ mefóon mie ée tsɛ̀ɛ mekẅǐ mé ée wó. Á ŋaga nyìŋ ná mmó gie ngàŋ ne ńtsɔ́ɔn mbɔɔ ná gie à ne ńkwaŋa ntʉ́m yé.

Ŋwà’ne Ngyà jʉ’ 2:16

Pi ké ńkúbe mà gẅi, tà á té pú’u wɔ́, mbà ntyě té ge sag tá mèŋ n tóo mbʉ̀a pi wɔ́, é tó lɔg nně ncù gie e kẅɛɛ ncwò mèŋ, é ma’a wɔ́b lê ncù.

Ŋwà’ne Ngyà jʉ’ 19:15

Etsɔ̌ nně ncù ne fóo ncwò nyìŋ ŋwɛ́ gẅie à ńnéŋe ndùm fɔ́gɔ lÿóon ńkẅɛɛ. Esẅíte sẅité, ńgwɔ́ gie à ge lɔg kɔ́’ pʉ̀a pie ée tsɛ̀ɛ mengwòŋo mengwòŋ. Á gwɔ́ nyìŋ gẅie à ge lɔgɔ tÿǒ tʉ̌ ésá’ pʉ̀a mésoŋ, ńgwɔ́ nyìŋ gẅie à ge tsẅɛ́’ mentɔ̌ɔn mie mé lɔgɔ ńnyɛte melù’ tsɛ̀ɛ gÿǒon mélù’ mie é la’te ngie e Ssé ngàŋa tʉ̀ ntsèm ne ńgyáŋa lóŋ tɛ’.

Ŋwà’ne Ngyà jʉ’ 2:12

Ŋwe’e menò mɔɔn, ńtúm ńnáa mbwo *cÿɔ́’ Ssé gẅie à líe cú’tè pʉ̀a Kristo gie áa tÿǒsoŋo Pɛrgame. Ŋwe’e ngie: Nyìŋ gẅie à gẅiin nně ncù yá gie e sẅité, ńgíŋ ńgwɔ́ mengʉ́ŋ mémbʉ́a la, à ne ńgɔɔn ngie:

Efeso 6:17

Pi zẅíŋ ngie e Ssé ne ńgÿo pi tsẅɛ́ɛ. Lezẅǐŋ pú’u, aa lekaa cÿɔ́’ɔ ncù ńtɔ’. Pi kẅé nně ncù gie Zẅìge Ndʉalʉ̌a náa mbwo pi. Yɛ̌ nně ncù aa shwóŋè Ssé.

Ŋwà’ne Ngyà jʉ’ 19:21

Á gʉa na petsɔ́ pʉ̀a, nně ncù gie e la ne fóo ncwò nyìŋ gẅie à ńnéŋe ná lÿóon ńkẅɛɛ la, é zẅéte wɔ́b. Ngwòŋ meshʉ́ŋ ntsèm pfɛ́ mbab yɔb tà ńzẅɛ́.

Matio 17:2

Pɔ́ gyá àliŋé Yěsô pú sele mvfò pɔ́b, eshÿó wé ŋwʉŋe pá’ nèm la. Menzsǒ mé pú fɔ́g tà ńkyɛ’ jʉ’.

Ŋwà’ne Ngyà jʉ’ 1:20

Á gʉa nà lezsě mmó gie mecÿɔ́’ saŋ sɔɔn mbʉ́a mie ɔ̀ gyǎ mèŋ n gẅiin ná pwó yɔ́ɔn ye tʉ̀, mbɔɔ ná melâm sɔɔn mbʉ́a mie mé la lɔgɔ tʉ̌ gɔ̂l ńnyɛte, mbà mèŋ n ge shwóŋó gú ngie: Mecÿɔ́’ saŋ sɔɔn mbʉ́a lɔgɔ ńgwɔ́ *mecÿɔ́’ Ssé pie é pyɛ́bɛ mecú’tè pʉ̀a Kristo ŋwɛ́ sɔɔn mbʉ́a. Melâm sɔɔn mbʉ́a lɔgɔ ńgwɔ́ mecú’tè pʉ̀a Kristo ŋwɛ́ sɔɔn mbʉ́a.

Ŋwà’ne Ngyà jʉ’ 3:1

Ŋwe’e menò mɔɔn, ńtúm ńnáa mbwo *cÿɔ́’ Ssé gẅie à líe cú’tè pʉ̀a Kristo gie áa tÿǒsoŋo Sardɛ̀s. Ŋwe’e ngie: Nyìŋ gẅie à gẅiin Mezẅìge Ssé sɔɔn mbʉ́a mbɔɔ mecÿɔ́’ saŋ sɔɔn mbʉ́a la, à ne ńgɔɔn ngie: Mèŋ n ne ńzsé mefà’ mí, ńne ńzsé ngie mé gwaa gɔɔn ngie pi ee ntentʉ́, mbà pi léen ńkwé.

Megàŋ ntúm 26:13

Nɔ̀ɔn temà’, mèŋ n gwɔ́ mánzsè pú’u, á nà mmó tsɛ̀ɛ zsǒ, ńgyá atsɔ́ mmó fó tÿǒ lepwó, ḿbú ńkyɛ’ jʉ’, ńŋwʉŋe tà ńcʉa lejÿɔ́g nèm, ńkyɛ’ɛ wéga pʉ̀a pie pega pɔ̌ kɔ’ɔ́ ńgwɔ́ mánzsè.

Ŋwà’ne Ngyà jʉ’ 12:1

Etsɔ̌ nkʉ̀’ʉ pà mmó kẅɛɛ lefaŋ ńgwɔ́ tsɔ̌ mánzwě, á ma’ ye nzsǒ, é gwɔ́ pɔ́ lejÿɔ́g nèm, ńtÿɔ́g mekwò mé ná saŋ, ńtɔ’ɔ cÿɔ́’ɔ lefùɔ, mecÿɔ́’ saŋ gwɔ́ mǒ ntsɔ̀b pʉ́a lê legém.

Ŋwà’ne Ngyà jʉ’ 10:1

E Ssé gíŋe ńnyɛ́’ nÿɔ́g mɔ́ɔn, n gyá tsɔ̌ *cÿɔ́’ Ssé gẅie à gẅiin metʉ̀, á ne fóo lepwó sẅɛ́’ɛ, etsɔ̌ ntí melɔ́ɔn pwoon mbùm ye pá’ nzsǒ pwoon mbùm nyìŋ la. Nkwòŋ nnù ngém zéme twó yé. Eshÿó wé gwɔ́ pá’ lejÿɔ́g nèm la. Mentɔ́ɔn mé gwɔ́ pá’ melʉ́me mmɔ̌g mie é pʉ’ʉ́ nnɛ́ ńtyé tyé la.

Ŋwà’ne Ngyà jʉ’ 2:1

Ŋwe’e menò mɔɔn, ńtúm ńnáa mbwo *cÿɔ́’ Ssé gẅie à líe cú’tè pʉ̀a Kristo gie áa tÿǒsoŋo Efeso. Ŋwe’e ngie: Nyìŋ gẅie à gẅiin mecÿɔ́’ saŋ sɔɔn mbʉ́a nà lɔ̌ɔn pwó yé ye tʉ̀ la, yé gẅie à gwɔ giŋ, melâm sɔɔn mbʉ́a mie mé la lɔgɔ tʉ̌ gɔ̂l ńnyɛte é tÿɔ́’ɔ yé ńnéŋe soŋ la, à ne ńgɔɔn ngie: