Ŋwà’ne Ngyà jʉ’ 1:13 - Nouveau Testament en Ngienboum

¹³ N gyá tsɔ̌ nyìŋ á tyé tsetsɛ̀ɛ melâm ápɛ̌, ńgwɔ́ pɔ́ pá’ *Míŋ Nyìŋ mesoŋ la, ḿma’a tsɔ̌ tà’ shʉ̀a nzsǒ á cwóŋ tà ńtyé mekwò yé, á lɔgɔ tsɔ́ pɔ́ɔn mmó ńtʉ́me kʉ́kʉ́b we, á gwɔ́ gie mé la lɔgɔ tʉ̌ gɔ̂l ńnyɛte.

Ŋwà’ne Ngyà jʉ’ 1:13 Referans Kwoze

Ŋwà’ne Ngyà jʉ’ 15:6

*Mecÿɔ́’ Ssé sɔɔn mbʉ́a, pie pɔ́ la gẅiin ngʉ̀ngʉ̀ mentí sɔɔn mbʉ́a la, fó jʉ’e Ssé ńkẅɛ, ḿma’ metà’ shʉ̀a meféfɔ́gɔ nzsǒ, é ne ńŋwʉŋe. Mbà pɔ́ lɔgɔ́ tsɔ́ pɔ́ɔn mmó, ńtʉ́me kʉ́kʉ́b wɔb, á gwɔ́ gie mé la lɔgɔ tʉ̌ gɔ̂l ńnyɛte.

Ŋwà’ne Ngyà jʉ’ 14:14

N gyá sɔɔn shúm tà ńtsẅé jʉ’, e Ssé gíŋe ńnyɛ́’ nÿɔ́g mɔ́ɔn, ńgwóon ńgyá tsɔ̌ féfɔ́gɔ melɔ́ɔn, nyìŋ ńnéŋe ndumó ńgwɔ́ pá’ míŋ nyìŋ mesoŋ la, ńtɔ’ɔ cÿɔ́’ɔ lefùɔ gie mé la lɔgɔ tʉ̌ gɔ̂l ńnyɛte, ńgẅiin tsɔ̌ ntí nně gie mé lɔgɔ ńdaga shúm nká’, é ne ńdúmo tɛ’.

Heber 4:15

À wege *nùŋe pwɔ́’ we lÿò ŋwɛ́ zɔɔn ḿbú ńzsé ntí gie menò gyá wégè pú’u, menò la gyá yé, nkwà’te mentí mentí kúu yé yé pá’ pege, tá á ké ńdá’ tè tsɔ́ nò fʉa.

Ŋwà’ne Ngyà jʉ’ 2:1

Ŋwe’e menò mɔɔn, ńtúm ńnáa mbwo *cÿɔ́’ Ssé gẅie à líe cú’tè pʉ̀a Kristo gie áa tÿǒsoŋo Efeso. Ŋwe’e ngie: Nyìŋ gẅie à gẅiin mecÿɔ́’ saŋ sɔɔn mbʉ́a nà lɔ̌ɔn pwó yé ye tʉ̀ la, yé gẅie à gwɔ giŋ, melâm sɔɔn mbʉ́a mie mé la lɔgɔ tʉ̌ gɔ̂l ńnyɛte é tÿɔ́’ɔ yé ńnéŋe soŋ la, à ne ńgɔɔn ngie: