Ŋwà’ne Ngyà jʉ’ 1:10 - Nouveau Testament en Ngienboum

¹⁰ Á gÿo ńgwɔ́ lyɛ’ɛ́ lá’ Cʉ̀apʉ̀a, a Zẅìge Ssé jʉʉ wɔ̀ɔn. N jú’ tsɔ̌ ngyè tetʉ́ʉ gwɔ́ nzèm mèŋ, ńne ńcʉ́me pá’ ngyè ntàŋ la,

Ŋwà’ne Ngyà jʉ’ 1:10 Referans Kwoze

Ŋwà’ne Ngyà jʉ’ 21:10

ńgɔɔn pú’u, à Zẅìge jʉʉ wɔ̀ɔn, á kaa wɔ̀ɔn ńdɔg ńgʉa ndùm tsɔ̌ máamáa lekwɛ́, ńtÿɔ́g, ésag ńgʉa tÿó tɛ’, ńdeen ńké ńnyɛɛ wɔ̀ɔn tÿǒsoŋ ndʉalʉ̌a, á Yerósalem. Á ne fóo tÿǒ lépwó á lejʉ́ŋ Ssé, ésẅɛ́’ɛ.

Ŋwà’ne Ngyà jʉ’ 17:3

A Zẅìge Ndʉalʉ̌a tó ńjʉʉ wɔ̀ɔn, *cÿɔ́’ Ssé wa kaa wɔ̀ɔn ńdɔg ńgʉ́a né tsɔ̌ nkwòŋo tsẅɛ. Mèŋ n gyá tsɔ̌ manzwě ńnéŋe ndùm tsɔ̌ nɔ̀ɔn, á paŋa lê gʉm, mezíŋ lɔg ńzoonte Ssé pú ḿbáte mbùm nɔ̀ɔn ŋwɛ́, e twó sé gwɔ́ sɔɔn mbʉ́a, mendóŋ mé gwɔ́ legém.

Megàŋ ntúm 20:7

Á gwɔ́ ndùŋ mvfò lyɛ’ɛ́ lá’ nà ngàba lá’, peg cú’te léjÿó shúm léjÿó Cʉ̀apʉ̀a. Njÿó ne ńgee lʉ́a Pɔl gʉa. Á ne shwóŋó nò Ssé mbwo mefɛ́ mefɛ́, ńké shwóŋó wɔ́b shwóŋ tà ńkú tsɛ̀ɛ tsẅɛ́’.

1 Korento 16:2

Á poŋ ngie à ńnéŋe ńgwɔ́ wɛ̌ sóondi, wɛ̌ nyìŋ gẅi wɔ́ à gee ná mmó gie à gẅǐin, ńdʉŋte ḿbí tsɔ́ nzẅìŋ nkáb mǒ, ńde’e ndá ye, ńzsé ngie mé té ge zẅí’te tà mèŋ n tó tá mé ma’ ncùb wɔ́.

Ŋwà’ne Jâŋ 20:19

Á gwɔ́ fʉ̀’ʉ ncwò nzém, pɔ́ lyɛ’ó gie á laa ndùŋ mvfò lyɛ’ɛ́ lá’ nà ngàba lá’, *ngàŋa kwò Yěsô ńnéŋe ndá, mbà pɔ́ ně ḿbú ńjÿɔ́’ mencwò ndá, ḿbɔ́gɔ pà Yuda. Yěsô kẅɛ ńtyé tsetsɛ̀ɛ pɔ́b, ńgɔɔn né pɔ́b ngie: Mbʉ́lè gwɔ́ né pi.

Matio 22:43

Á piŋ ngǎ, mbà Zẅìge Ndʉalʉ̌a la jÿó fùɔ Ndavíd á tóŋo yé lê Ndè,

Ŋwà’ne Jâŋ 20:26

É lêen ńké ńgÿo ńcʉa lyɛ̌’ lefɔ̌ɔn, *ngàŋa kwò Yěsô gíŋe ńcú’te ssé, Tomáse gwɔ́ yé nùɔ pɔ́b, á gwaa gwɔ́, mbà pɔ́ pǔ ńjÿɔ́’ mencwò ndá, Yěsô kẅɛ ńtyé tsetsɛ̀ɛ pɔ́b ńgɔɔn né pɔ́b ngie: Mbʉ́lè gwɔ́ né pi.

1 Korento 12:3

Áa yɛ̌ tá mèŋ n ne ńkwoŋo ngie pi zsé ngie: A Zẅìge Ssé zɔ̌ lɔɔn ńtsóte nyìŋ légɔɔn nò, mbà ńgwɔ́ ngàŋ á le néŋ ndòon twó Yěsô wɔ́. A Zẅìge Ndʉalʉ̌a lɔɔn ḿbiŋ tè ne ńtsóte nyìŋ légɔɔn nò wɔ́, mbà ńgwɔ́ ngàŋ á le gɔɔn ngie Yěsô aa Cʉ̀apʉ̀a wɔ́.