Ŋwà’ne Jâŋ 9:5 - Nouveau Testament en Ngienboum

⁵ Afʉ̀’ gie mèŋ n nyé tsɛ̀ɛ njyó, mèŋ, n gwɔ́ kyɛ̀’ɛ njÿó.

Ŋwà’ne Jâŋ 9:5 Referans Kwoze

Ŋwà’ne Jâŋ 8:12

Yěsô gíŋe ńzye lézí’i mmó mbwo lá’, ńgɔɔn ngie: Akyɛ̀’ gie á kyɛ’ɛ jʉ’ náa né pʉ̀a mesoŋ tsɛ̀ɛ njÿó á gwɔ́ pɔ́ mèŋ. Nyìŋ lɔɔn ńcʉ́me nzèm mèŋ, mbà ngàŋ tě ńdá’a ńgiŋe tsɛ̀ɛ nzěm wɔ́. Mbà à gẅǐin kyɛ̀’ gie áa kyɛ̀’ɛ mánzsè kwà’ le gwɔ́.

Ŋwà’ne Jâŋ 12:46

Mèŋ, n gee kyɛ̀’, n ka tóo tsɛ̀ɛ njÿó légwɔ́ gie nyìŋ lɔɔn ńzáb ntʉ́m ná mèŋ, á le gwɔ́ tsɛ̀ɛ nzěm wɔ́.

Megàŋ ntúm 13:47

mélà’mie Cʉ̀apʉ̀a ka zɔɔn ńtsẅii mbwo peg ngie: Mèŋ n dɔgɔ gú ńgÿo kyɛ̀’ gie á ge kyɛ’ɛ mengwòŋo mengwòŋ. Ɔ̀ gʉa tà ńkúu jʉ’ gie tsetsá’ zsote wó, ńgɔɔn mbwo lá’ ngie: E Ssé gÿǒ pi tsẅɛ́!

Efeso 5:14

Á zɔɔn tè gwɔ́ pɔ́ ndà’ pú’u wɔ́, ammó vɔg tà ńkẅɛɛ jʉ’e fɔ̌g, ńkúbe, ńcʉ́’ ńkyɛ’ pɔ́ jʉ’. Áa yɛ̌ tá mé gɔɔn ngie: Gù gẅie ɔ̀ ne ńdyé, zyeen, Fó tsetsɛ̀ɛ mepfó ńdu ssé, Pú’u, Kristo ńnéŋe kyɛ̀’ yé ná gù.

Megàŋ ntúm 26:18

Mèŋ n túmo gú pú’u, ɔ̀ gʉa ńnyɛ́’ nÿɔ́g mɔ́b, ńgÿo pɔ́ fó tsɛ̀ɛ nzěm ńkẅɛ, ńkúu nà jʉ’ gie á ne fɔ́gɔ. Á lɔgɔ ńgwɔ́ ngie ɔ̀ ge gÿo gÿo pɔ́ fó nà mbwó Sátà ńkẅɛ, ḿbiŋe nà mbwó Ssé, é záb ntʉ́m wɔ́b ná mèŋ, e Ssé lege menò tepòŋ mɔ́b ńnáa mbwó pɔ́b, é piŋ náa yɔ́b jʉ’ á tsetsɛ̀ɛ pʉ̀a pé.

Ŋwà’ne Ngyà jʉ’ 21:23

Shʉ́shÿɔ́g Ssé ne ńkyɛ’ɛ yɛ̌ tÿǒsoŋ, kyɛ’ mûɔ *Njʉ̀njÿò gíŋe ne ńkyɛ’ɛ yé. Tà yɛ̌ tÿǒsoŋ té gíŋe ne ńtsɔ́ɔn ngie nèm tʉ́a wó wɔ́, ńké tè ne ńtsɔ́ɔn ngie saŋ kyɛ’ jʉ’ wó wɔ́.

Matio 4:16

Pi pie pi ka neŋé tsɛ̀ɛ nzěm, gi njÿó kwǎ’ ńdʉ́a. Nèm sǎ’ tà ne ńtʉ́a ná pʉ̀a pie e ka neŋé tsɛ̀ɛ ngwòŋ gẅie ssé nzěm we legwé à kaa wó».

Megàŋ ntúm 26:23

Mé la gɔɔn ngie, *Nzà’nkÿo pù’ ge gÿo tó, é gyá ngɔ́’, ńgie yé zɔ ge gÿo gwɔ́ ndùŋ mvfò nyìŋ lézíme ná legwé, ńgie yé zɔ ge gÿo gɔɔn shwóŋè gie á ge kyɛ’ pà Yuda mbɔɔ pʉ̀a pie pɔ́ té pà Yuda wɔ́, pɔ́ tsẅɛ́.

Lukase 2:32

Á gwɔ́ kyɛ̀’ gie á ge gÿo mé zsé ɔ́ tsɛ̀ɛ njÿó ntsèm. Pú’u, ɔ̀ lɔg ńnáa legú’ mbwo Israel, á lá’ ɔ́.

Matio 5:14

Pi zɔɔ kyɛ̀’ tsɛ̀ɛ njÿó. Mé lɔɔn ńkwɛ́ɛ tÿǒsoŋ ndùm lekwɔ’ɔ́, mbà à lɔɔn ńgwɔ́ á le lyeen.