Ŋwà’ne Jâŋ 8:46 - Nouveau Testament en Ngienboum

⁴⁶ Awɔ̌ ná pi lɔɔn ńgwɔ́ á la’te nò tepòŋ gie mèŋ n dǎ gÿo? N dɔɔn ńgwɔ́ gie mèŋ shwóŋó nò nénʉ́, mbà pi piŋ ńké tě ńzẅíŋe wɔ́ mélà’a kɔ́?

Ŋwà’ne Jâŋ 8:46 Referans Kwoze

Heber 4:15

À wege *nùŋe pwɔ́’ we lÿò ŋwɛ́ zɔɔn ḿbú ńzsé ntí gie menò gyá wégè pú’u, menò la gyá yé, nkwà’te mentí mentí kúu yé yé pá’ pege, tá á ké ńdá’ tè tsɔ́ nò fʉa.

Ŋwà’ne Jâŋ 14:30

Tà fó fʉ̀’ɔɔn pege tè gíŋe ńgee shwóŋe wɔ́. Á nue fùɔ gẅie à sá’a yɔɔn njÿó ne ńtóo. À tè gẅiin shÿó légÿo mmó ná mèŋ wɔ́.

Ŋwà’ne Jâŋ 8:7

Pɔ́ ké ne ńzɛ́te yé zɛ́te, á ńnéŋe tà ḿbʉ’ʉ nnɛ́ ńgɔɔn né pɔ́b ngie: Nyìŋ gẅie aa tsetsɛ̀ɛ pi, mbà à laa nò tepòŋ gÿo, à vɔg ńzye lélɔgɔ tóon ńtéme yé.

Malékuse 11:31

Pɔ́ jú’, ńkwaŋte tsetsɛ̀ɛ pɔ́b ngie: Pege lɔɔn ngie: E Ssé zɔ la túmo yé, mbà à ge zɛ́te wégè ngie: Tà mélà’a kɔ́ pege la tè zẅíŋe nò gie Jâŋ lɔ̌ɔn ńgɔɔn wɔ́?

Matio 21:25

Àwɔ̌ la túmo Jâŋ lénu’ pʉ̀a ntse? E Ssé ka nyìŋ mesoŋ? Pɔ́ jú’, ńkwaŋte tsetsɛ̀ɛ pɔ́b ngie: Pege lɔɔn ngie e Ssé zɔ la túmo yé, mbà à ge zɛ́te wégè ngie tà mélà’a kɔ́ pege la tè zẅíŋe nò gie Jâŋ lɔ̌ɔn ńgɔɔn wɔ́?

1 Piɛ 2:22

Yé Kristo la tè tsɔ́ nò tepòŋ gÿo, ńké tè shwóŋ cÿɔ̌ nò wɔ́.

Heber 7:26

À lɔgɔ ńgwɔ́ *nùŋe pwɔ́’ we lÿò gẅie á la ne ńzɛ́te mbwo pege. Àa kwà’ Míŋ Ssé, ńgwɔ́ mbú’ nà kɔ̀ɔkɔ́ɔ, ńgwɔ́ té tsɔ́ nò tepòŋ ná ye, pâ pàgÿo menò tepòŋ té tsɔ́ nò tem, mbà Ssé la ńnéŋe yé tàa tÿǒ tà tsɔ́ mmó té gíŋe ńtɔ́gɔ yé ńgwɔ́ tÿǒ wɔ́.

2 Korento 5:21

Pá’ ndòon laa twó pege la, e Ssé la kaa menò tepòŋ mégè, ńzába twó Kristo, mbà à la tè tsɔ́ nò tepòŋ gẅiin. À la gÿo pú’u, pá’ pege ge lɔgɔ léla nnɛ́ ná Kristo, é gwɔ́ pʉ̀a pie ée mbwo Ssé ńgwɔ́ ndʉŋ ndʉŋ.

Ŋwà’ne Jâŋ 18:37

*Pilato leen ńké ńzɛ́te yé ngie: Ɔ̀ lɔgɔ ńgwɔ́ fùɔ wɔ́? Yěsô tsɔ́’ ngie, ɔ̀ gɔ̌ɔn pú’u, mèŋ n gee fùɔ. Jú’u mmó gie á la gÿo mé zyé wɔ̀ɔn, ńgíŋe ńjú’u mmó gie á la gÿo mèŋ n tóo tsɛ̀ɛ njÿó. N da tó légɔɔn mmó gie mèŋ n zsé nà nò nénʉ́. Nyìŋ gwɔ́ ná nò nénʉ́, á jú’ ngyè yɔ̀ɔn.

Ŋwà’ne Jâŋ 16:8

Aa gÿo gwɔ́ tà tó, é nyɛɛ mbwo pʉ̀a njÿó ngie pɔ́ gÿo pɔ́ nò tepòŋ, tá pɔ́ téen ńzsé mmó gie menò tepòŋ ée mɛ̌ wɔ́, pɔ́ téen zsé mmó gie nò nénʉ́ áa yɛ̌ wɔ́, ḿbiŋ ńké těen nzsé mmó gie aŋàg, áa yɛ̌ wɔ́.

Ŋwà’ne Jâŋ 15:10

Pi lɔɔn ńkú’te mbʉ̌ mɔ́ɔn, mbà mèŋ n ge ne kwoŋo gẅi kwoŋ. Ndʉŋ ndʉŋ pá’ mèŋ n da kú’te mbʉ̌ Tá wɔ̀ɔn á piŋ ne ńkwoŋo wɔ̀ɔn kwoŋ.

Ŋwà’ne Jâŋ 8:47

Nyìŋ gẅie aa nyìŋ Ssé à zẅí’te shwóŋè Ssé. Pi piŋ tě ńzẅí’te shwóŋè yɔ́ɔn mɔ́, mélà’mie pi tè pʉ̀a Ssé wɔ́.