Ŋwà’ne Jâŋ 8:43 - Nouveau Testament en Ngienboum

⁴³ Pi piŋ ńké tè ne ńjú’u shwóŋè yɔ́ɔn mɔ́ mélà’a kɔ́? Áa nue pi tè ku’u lézẅí’te shwóŋè yɔ́ɔn mɔ́.

Ŋwà’ne Jâŋ 8:43 Referans Kwoze

Ŋwà’ne Jâŋ 5:43

Mèŋ n ka lɔg lezíŋ Tá wɔ̀ɔn ńtó, pi lʉ’ʉ lézẅíŋe yɔ́ɔn nò. Tá ńgwɔ́ gie tsɔ̌ nyìŋ ndyɛ̀’ɛ lɔɔn ńtó fʉ̀’ɔɔn pɔ́ nà sé lezíŋ, mbà pi ge zẅíŋe yé nó.

Ŋwà’ne Jâŋ 7:17

Nyìŋ lɔɔn ne ńkwoŋo légÿo mmó gie Ssé ne ńkwoŋo, mbà ngàŋ ge zsé, ka mmó gie mèŋ n zí’i pʉ̀a fóo pɔ́ mbwo Ssé wɔ́, ka á gwɔ́ pɔ́ yɔ́ɔn shwóŋè wɔ́.

Megàŋ ntúm 7:51

Etien la pú ḿbíte tà á ku’, á gɔɔn mbwo pàŋag ntsaŋ ngie: Pi tʉʉ twó tɛ’. Ntʉ́m gẅi pâ nkwaŋá nò gẅi gwɔ́ we pʉ̀a pie pɔ́ té Ssé zsé. Pi giŋé ńdʉ’ʉ nò gie Zẅìge Ssé zɔ̌ gɔ̌ɔn, ńdɔgɔ ńgÿo pɔ́ pá’ pàmangʉa njʉ’ pí.

Ŋwà’ne Jâŋ 6:60

*Ngàŋa kwò Yěsô jú’u shwóŋè yé, lelÿò zye légɔɔn ngie: Ashwóŋe yɛ̂ á tʉ̌ tà ńcʉa! À lɔɔn ńgwɔ́ à wɔ̌ zẅí’te?

Ŋwà’ne Jâŋ 8:27

Yěsô gɔɔn pá’ɔɔn, pɔ́ té zsé ngie anò gie à gɔɔn né pɔ́b, à gɔɔn pɔ́ nà Ssé Tá wɔ́.

Roma 3:11

Atsɔ̌ nyìŋ gẅie à gẅiin legyè à tè wó wɔ́. Atsɔ̌ nyìŋ gẅie à kwa’ ne ńtsɔ́ɔn lézsé mánzsè Ssé à tè wó wɔ́.

Matio 13:15

Á nue ntʉ́m pà lá’ pɛ̂ leen shÿɔg pɔ́ leen ńziŋe metuŋó mɔ́b, ńkábte menÿɔ́g mɔ́b, ńdɔgɔ tě ńkwoŋo lélɔg menÿɔ́g mɔ́b ńgyá jʉ’ wɔ́, lélɔg metuŋó mɔ́b ńjú’u nò wɔ́, lélɔg legye sɔ́b ńkwaŋa nò wɔ́. Pɔ́ té kwoŋo lékube mà wɔ́b gwɔ́, ńdɔgɔ tě ńkwoŋo ngie n gÿo pɔ́ zeŋe wɔ́».

Ŋwà’ne Jâŋ 5:25

Tà mèŋ shwóŋó gẅí, kwà’ nénʉ́, afʉ̀’ ne ńku’u, tà á ně ńzɔɔn ńdá’ ńku’, pá’ mepfó ssé ge jú’ ngyè Míŋ Ssé, epʉ̀a pie pɔ́ jǔ’ yɛ̌ ngyè pɔ́ gwɔ́ wó.

Ŋwà’ne Jâŋ 8:33

Pɔ́ tsɔ́’ɔ mbwo yé ngie: Peg ee pʉ̀a ná ngẅà Ábalam, peg laa zɔɔn ńgwɔ́ nkwɔɔn tsɔ̌ nyìŋ wɔ́. Ɔ̀ gǎ ńgɔɔn ngie nò nénʉ́ ge cu’u weg?

Ŋwà’ne Jâŋ 8:39

Pɔ́ tsɔ́’ɔ mbwo yé ngie: Tá wèg aa Ábalam. Yěsô gɔɔn né pɔ́b ngie: Pi gwé’e ńgwɔ́ púɔ Ábalam, mbà pi gÿo pá’ yé.