Ŋwà’ne Jâŋ 8:40 - Nouveau Testament en Ngienboum

⁴⁰ Mèŋ shwoŋó gẅi nò nénʉ́ gie mèŋ n ka jú’u mbwo Ssé, pi piŋ ńgwɔ́ fʉ̀’ɔɔn ńne fa’a lézẅé wɔ̀ɔn, mbà Ábalam la tè pú’u gÿo.

Ŋwà’ne Jâŋ 8:40 Referans Kwoze

Ŋwà’ne Jâŋ 8:26

Mèŋ n gẅiin menò mie mèŋ n ge gɔɔn né pi tà é gyɔ́ɔn gyɔ̌ɔn, mbɔɔ mie mèŋ n ge ŋaga gẅi mǒ. Tá’ n gɔɔn mbwo pʉ̀a tsɛ̀ɛ njÿó pɔ́ mmó gie n da jú’u mbwo nyìŋ gẅie à la túmo wɔ̀ɔn. Àa ńké shwóŋó yé pɔ́ nò nénʉ́.

Galatia 4:29

Tá’ pá’ á laa tsɔ́ fʉ̀’, múɔ gẅie mé la kwoŋ kwoŋ ńzyé ne ńkʉ́e gẅie Zẅìge Ssé zɔ̌ la gÿo tá mé zyé yé la, á gíŋ ńgwɔ́ lyɛ̌’ɔɔn ńgwɔ́ pɔ́ pú’u.

Galatia 4:16

Áa fʉ̀’ɔɔn, mbà mèŋ n kéen ńcʉ́’ʉ ngàŋ mbù gẅi á nue mèŋ n kě ne shwóŋó gẅi pɔ́ nò nénʉ́ keen?

Ŋwà’ne Ngyà jʉ’ 12:17

Lóŋ máamáa nnù ngém wá pú ńgyáŋ ńtí manzwě wá tɛ’. Nnù ngém gʉa ńdɔg ncù ńcʉ́’ ńdÿɔ́’ pɔ́ pfwɔ́’ɔ ngẅɛ̀ manzwě wa, epʉ̀a pie pɔ́ ne ńkú’te mbʉ̌ Ssé, ḿbiŋ ńne ńkímte nò nénʉ́ gie Yěsô la gɔɔn.

Ŋwà’ne Ngyà jʉ’ 12:4

À la ne ńdɔgɔ nku wé ńjÿɔgɔ tà’ nzsè ná Mecÿɔ́’ saŋ nzsè tá, ḿbÿɛɛ ndùmo ssé tsetsá’, ńtyé mvfò manzwě wá, ńne ḿbyɛ́bɛ pá’ à ge zyé à gwóon ńkaa múɔ ḿmi.

Roma 4:12

Ábalam gǐŋ ńgwɔ́ tá pà pʉ̀a pie mé la pú’u wɔ́b. N tě ńgɔɔn pʉ̀a pie mé la pú’u wɔ́b á ku’ pú’u mbwo pɔ́b wɔ́. N gɔɔn pie pɔ́ gíŋe ne ńzába ntʉ́m nà Ssé, pá’ tá wege Ábalam la záb wé yé tá mé gÿo ḿbú’u yé.

Ŋwà’ne Jâŋ 8:56

Ntʉ́m tá gẅi Ábalam la ne ńkága ngwòŋ fʉ̀’ ntsèm gie à la tsɔ́ɔn légyá fʉ̀’ gie mèŋ n ge gÿo tó. À la ké ńgyá, ńkág tɛ’.

Ŋwà’ne Jâŋ 7:1

Yɔɔn nò tɔ́g, Yěsô gwɔ́ pɔ́ tsɛ̀ɛ pàga ngwòŋ Galilea, ńne ńgwá ńgiŋe, à tè ne ńkwoŋo légʉa tsɛ̀ɛ pàga ngwòŋ Jẅidea wɔ́, mélà’mie pàsá’a lá’ pà Yuda la ne fa’a lézẅé yé.