Ŋwà’ne Jâŋ 8:37 - Nouveau Testament en Ngienboum

³⁷ Mèŋ n né ńzsé ngie pi ee ngẅɛ̀ Ábalam, tá’ pi ne fa’a lézẅé wɔ̀ɔn, á nue pi ne ńdʉ’ʉ shwóŋè yɔ́ɔn lʉ’.

Ŋwà’ne Jâŋ 8:37 Referans Kwoze

1 Korento 2:14

Nyìŋ mesoŋ lɔɔn nyé ńgwɔ́ pɔ́ nà ntí gie mé la zyé yé á gwɔ́, mbà à lɔɔn ńgwɔ́ á le jú’u mmó gie á fóo mbwo zẅìge Ssé wɔ́. Áa mbwo ye ńgwɔ́ pɔ́ menò pʉ̀a. À tè ku’u lé jú’u nò gie á gɔɔn wɔ́. Á nue à Zẅìge Ndʉalʉ̌a zɔ gÿo tá mé jú’u nò gie yɛ̌ mmó lɔgɔ ńgɔɔn.

Roma 9:7

ḿbiŋ ńgwɔ́ mé le gɔɔn ngie pɔ́ ée ngẅɛ̀ Ábalam pé’è ńdɔgɔ ńgwɔ́ kwà’ púɔ Ábalam wɔ́. Á nue e Ssé la gɔɔn né Ábalam ngie: «Epʉ̀a pie mé ge lá’ tóŋ ngie ngẅɛ̀ jù, é gwɔ́ pɔ́ pie é ge lá’ gwɔ́ zyé Esâg»

Ŋwà’ne Jâŋ 7:1

Yɔɔn nò tɔ́g, Yěsô gwɔ́ pɔ́ tsɛ̀ɛ pàga ngwòŋ Galilea, ńne ńgwá ńgiŋe, à tè ne ńkwoŋo légʉa tsɛ̀ɛ pàga ngwòŋ Jẅidea wɔ́, mélà’mie pàsá’a lá’ pà Yuda la ne fa’a lézẅé yé.

Ŋwà’ne Jâŋ 8:59

Pɔ́ jú’ pú’u, ńdag metóon lélɔg ńtémte Yěsô ńzẅé. Á sele nnɛ́ ḿbyé, éshú fó tsɛ̀ɛ *jʉ’ʉ Ssé ńkẅɛ.

Megàŋ ntúm 13:26

Pɔl gíŋe ńgɔɔn ngie: Mefɛ́ mefɛ́, e Ssé gɔɔn yɔɔn nò pɔ́ mbwo pege metsèm. Á lélɔg ńgÿo pege tsẅɛ́. À túmo yɔɔn nò mbwo pi pie pi ee púɔ Ábalam, mbɔɔ mbwo pi pie pi pɔ́g Ssé.

Ŋwà’ne Jâŋ 8:43

Pi piŋ ńké tè ne ńjú’u shwóŋè yɔ́ɔn mɔ́ mélà’a kɔ́? Áa nue pi tè ku’u lézẅí’te shwóŋè yɔ́ɔn mɔ́.

Ŋwà’ne Jâŋ 11:53

Á fó lyɛ’ó, mekěm pà Yuda záb ngie pɔ́ ge fa’ shÿó tà zẅé Yěsô.

Ŋwà’ne Jâŋ 7:19

Mǒsê zɔ la tè ná meŋwà’ne né pi wɔ́ le? Tà wɔ̌ ná pi mɔ̌ɔn ńne ńgiŋe mǒ? Pi piŋe fa’a lézẅé wɔ̀ɔn mélà’a kɔ́?

Ŋwà’ne Jâŋ 10:31

Pà Yuda gíŋe ńdag metóon, lélɔg ńtémte Yěsô ńzẅé.

Ŋwà’ne Jâŋ 8:6

Pɔ́ gɔɔn pú’u, é gwɔ́ pɔ́ lejÿɔ’ lélɔg ńgwoon yé. Pɔ́ fa’a ndiletáŋ lélɔg sẅiŋe yé. Tá’ Yěsô ŋwé’e ssé, ńzye lélɔgɔ mûɔ tepwó we, ńŋwe’e mmó ssé.

Ŋwà’ne Jâŋ 7:25

Tsɔ́ ntá’ pʉ̀a Yerósalem ne ńgɔɔn ngie: Wɛ̂ tè nyìŋ wá gẅie mé fa’a lézẅé yé la wâ?

Ŋwà’ne Jâŋ 5:44

Ńgwɔ́ pi záb ntʉ́m ná mèŋ lêkɔ́? Pi fa’ pɔ́ ngie nyìŋ mesoŋ ná ngɔ́ɔnte wetsɔ̌, pi tè fa’ ngie e Ssé gílé yé zɔ ná ngɔ́ɔnte gi wɔ́, ée ndà’ yé ńgwɔ́ Ssé.

Matio 13:15

Á nue ntʉ́m pà lá’ pɛ̂ leen shÿɔg pɔ́ leen ńziŋe metuŋó mɔ́b, ńkábte menÿɔ́g mɔ́b, ńdɔgɔ tě ńkwoŋo lélɔg menÿɔ́g mɔ́b ńgyá jʉ’ wɔ́, lélɔg metuŋó mɔ́b ńjú’u nò wɔ́, lélɔg legye sɔ́b ńkwaŋa nò wɔ́. Pɔ́ té kwoŋo lékube mà wɔ́b gwɔ́, ńdɔgɔ tě ńkwoŋo ngie n gÿo pɔ́ zeŋe wɔ́».

Ŋwà’ne Jâŋ 8:33

Pɔ́ tsɔ́’ɔ mbwo yé ngie: Peg ee pʉ̀a ná ngẅà Ábalam, peg laa zɔɔn ńgwɔ́ nkwɔɔn tsɔ̌ nyìŋ wɔ́. Ɔ̀ gǎ ńgɔɔn ngie nò nénʉ́ ge cu’u weg?

Matio 3:9

Pi pɔ́ɔn lélɔg pɔ́ ndà’ ncwò gẅi ńgɔɔn ngie: Peg ee ngẅɛ̀ Ábalam. Tà mèŋ n ké shwóŋó gẅí, e Ssé ku’u lésele metóon pɔ̀ɔn ńdɔg ńgÿo ngẅɛ̀ Ábalam

Ŋwà’ne Jâŋ 8:56

Ntʉ́m tá gẅi Ábalam la ne ńkága ngwòŋ fʉ̀’ ntsèm gie à la tsɔ́ɔn légyá fʉ̀’ gie mèŋ n ge gÿo tó. À la ké ńgyá, ńkág tɛ’.

1 Jâŋ 2:14

Penkʉ́ pɔ́ɔn, mèŋ n gee pá’ɔɔn ńne ńŋwe’e shwóŋó gẅi ngie pi ne ńzsé Tá wege, ńgʉa ná pi melÿò, mbà mèŋ n gee pá’ɔɔn ne shwóŋó gẅi ngie pi ne ńzsé nyìŋ gẅie aa wó tà fó nzyeté, ńgʉa ná pi pûɔ shum, mèŋ n ne shwóŋó gẅi ngie, pi ne ńtʉte tʉte, ashwóŋè Ssé ké ńgwɔ́ pɔ́ ntʉ́m pi, pi kěen ńtʉ̀ ńcʉa nyìŋ tepòŋ.