Ŋwà’ne Jâŋ 8:15 - Nouveau Testament en Ngienboum

¹⁵ Pi ŋag pʉ̀a gí pɔ́ nà ntí yé pʉ̀a mesoŋ. Á gʉa ná mèŋ, mbà mèŋ n tè ŋaga nyìŋ wɔ́.

Ŋwà’ne Jâŋ 8:15 Referans Kwoze

Ŋwà’ne Jâŋ 12:47

Nyìŋ lɔɔn ńjú’u shwóŋè yɔ́ɔn à tè kú’te, mbà mèŋ n zɔ tè ŋaga yé wɔ́. Á nue n da tè tóo tsɛ̀ɛ njÿó léŋag pʉ̀a wɔ́. N da tó légÿo pʉ̀a tsẅɛ́.

Ŋwà’ne Jâŋ 7:24

Tà pi ŋaga nò nyìŋ té zsé letsiŋé, pi ŋag pɔ́ pá’ áa jʉ’ó ńgwɔ́ pú’u.

Ŋwà’ne Jâŋ 3:17

E Ssé la tè zɔɔn ńtúmo Míŋ we tsɛ̀ɛ njÿó ngie à gʉa ńnéŋ ndòon twó njÿó wɔ́. À la túmo yé pɔ́ légwɔ́ gie à ge gʉa gÿo njÿó tsẅɛ́ ndòon.

Ŋwà’ne Jâŋ 18:36

Yěsô tsɔ́’ ngie: Esɔ́ɔn lefùɔ té se yɔɔn njÿó wɔ́. Lefùɔ sɔ́ɔn ke ńgwɔ́ se yɔɔn njÿó, mbà pʉ̀a pɔ́ɔn ně ńtág nzèm yɔ̀ɔn, tà mé té wɔ̀ɔn mbwo mekěm pà Yuda néŋ. Tá’, mèŋ n kě ńgɔɔn ngie sɔ́ɔn lefùɔ ké tè se yɔɔn njÿó wɔ́.

1 Korento 2:15

Nyìŋ gẅie à Zẅìge Ndʉalʉ̌a áa ná ye, à ku’u létsa’a yɛ̌ nò wɔ́ ntsèm ńdíe. Tá ńgʉa ná ye, mbà à lɔɔn ńgwɔ́ tsɔ̌ nyìŋ letsa’a yé nò ńdíe wɔ́.

Roma 2:1

Ńgwɔ́ nyìŋ zye letúu *lɔ̌’ pʉ̀a pie é gÿo yɛ̌ ntí menò, gù gẅie ngwɔ́ ɔ̀ tú, zsé ngie ńgwɔ́ ɔ̀ lényé té gwé jú ntsaŋ gwé wɔ́, tà pá’ ɔ̀ lɔɔn zɔɔn ńgwɔ́ pɔ́ wɔ wɔ̌. Pú’u ńtí nue ɔ̀ ne ńtúu *lɔ̌’ pʉ̀a tá’ ńgíŋe ne ńgÿo jú pɔ́ pá’ pɔ́b ńdɔgɔ sele ńtúu pɔ́ ndʉ̀ ńdɔgɔ ńkwɛ́ mbùm jù.

Ŋwà’ne Jâŋ 8:11

Á tsɔ́’ɔ mbwo yé ngie: Sɔɔn nyìŋ me Ndè. Yěsô gɔɔn né yé ngie: Mbɔɔ mèŋ yɔ̀ɔn, n tè téme gú wɔ́. Gʉa, tè lá’ ńgíŋ ńgÿo nò tepòŋ.

Ŋwà’ne Jâg 2:4

Pi lɔɔn ńgÿo pú’u, pi lě ńdɔgɔ ńgẅiin tyɛ̀’te tsetsɛ̀ɛ pi wɔ́? Pi lě ńdɔgɔ pɔ́ nkwaŋá tepòŋ ńdíe pʉ̀a éfa’a pì wɔ́?

Lukase 12:14

Yěsô tsɔ́’ɔ mbwo yé ngie: Awɔ̌ la zába wɔ̀ɔn léŋag mentsaŋ mí, kà pɔ́ légab shúm sí ńná né pi?

2 Korento 5:16

Pá’ áa pú’u la, peg ee nà fʉ̀’ɔɔn ńcʉ́’ʉ ńzsé nyìŋ ná ntí gie pʉ̀a mesoŋ lɔg ńzsé nyìŋ wɔ́. Á lɔɔn ńgwɔ́ gie peg la zɔɔn ńzsé Kristo ná yɛ̌ ntí, mbà peg ee fʉ̀’ɔɔn peg tè gíŋe ne ńzsé yé pú’u wɔ́.