Ŋwà’ne Jâŋ 7:5 - Nouveau Testament en Ngienboum

⁵ Pɔ́ gɔɔn ńtí nue kwà’ pɔ́b mefɛ́ Yěsô la tè ne ńzába ntʉ́m ná yé wɔ́.

Ŋwà’ne Jâŋ 7:5 Referans Kwoze

Malékuse 3:21

Epʉ̀a tsìŋe ndá pà Yěsô jú’u yɔɔn nò, ńdu ssé, ńcʉ́me mánzsè pá’ pɔ́ ge gʉa gwoon yé, ńně ńkwaŋa ngie twó yé cʉŋté.

Ŋwà’ne Jâŋ 7:10

Mefɛ́ pé piŋ ńgwɔ́ tà ḿbʉ nê jʉ’ʉ línɔ́ɔn, á leen ńké ńcʉ́m yé mánzsè. Tá ńgiŋ pɔ́ shute shuté.

Ŋwà’ne Jâŋ 7:3

Mefɛ́ Yěsô gɔɔn né yé ngie: Fóo jʉ’ɔɔn ńgʉa né Jẅidea tá *ngàŋa kwò ɔ́ gie ée jʉ’ó gyá yɔ́b menò mie ɔ̀ ne ńgÿo.

Matio 12:46

Yěsô lá nyé shwóŋó mbwó lá’ shwoŋó, má we pâ mefɛ́ pé tó, ńtyé pǐ ne fa’a légyá yé.

Ŋwà’ne Jâŋ 7:4

Nyìŋ lɔɔn ne ńkwoŋo ngie mé zsé yé, á le lÿoon mmó gie à ne ńgÿo wɔ́. Pá’, ɔ̀ ne ńgÿo memáa menò la, gÿo, alá’ zsé ɔ́.