Ŋwà’ne Jâŋ 7:48 - Nouveau Testament en Ngienboum

⁴⁸ Tsoon tsɔ̌ tà’ ná mekěm peg, tsoon tà’ ná pà *farisay laa záb ntʉ́m ná nyìŋ wɛ̂ wɔ́!

Ŋwà’ne Jâŋ 7:48 Referans Kwoze

Ŋwà’ne Jâŋ 12:42

Mé la tsɛ ne ńgwága Yěsô gwǎg tá’, tsɔ̌ lelÿò mekěm pà Yuda záb ntʉ́m ná yé. Tá ńgÿo pɔ́ ndyeen lyeen, ḿbɔ́gɔ pà *farisay léjwoŋo wɔ́b *ndá cú’tè.

1 Korento 2:8

Tsoon tà’ nà shúm tepòŋ sie é sá’a yɔɔn njÿó laa zsé yɛ̌ zsé nò wɔ́. Pɔ́ la gwé’e ńzsé yɛ̌ zsé nò, mbà pɔ́ la tè gÿo mé kime Ndè nà tÿǒ nkǐ, á Ndè gẅie à gẅiin legú’ wɔ́.

1 Korento 1:20

Anzse nò lɔgɔ pá’ɔɔn ńgíŋe ńgwɔ́ nzɔ̌? Anzse ŋwà’ne Ssé gwɔ́ nzɔ̌? Anzoŋo nò ná yɔɔn kème njÿó gwɔ́ yé nzɔ̌? E Ssé léen tè gÿo azsé nò tsɛ̀ɛ njÿó cʉ́’ menò pʉ̀a wɔ́ le?

Ŋwà’ne Jâŋ 7:26

Yé wɛ̂, ńne shʉ̀ashʉ̀a ńgɔɔn nò, nyìŋ tě ńtsɔ́bɔ wɔ́. Ndyɛ̀’ pàsá’a lá’ pégè gyǎ ngie aa *Nzà’nkÿo nénʉ́.

Megàŋ ntúm 6:7

Ashwóŋè Ssé la ne ńkẅi’i saa pɔ́ jʉ’. Anùɔ pàzáb ntʉ́m ná Yěsô ně ńkẅi’i ńgyɔ́ɔn Yerósalem. Pànuŋe pwɔ́’ tà ńgyɔ́ɔn záb ntʉ́m nà Yěsô.

Ŋwà’ne Jâŋ 7:50

Pà *farisay ne ńzoŋo pá’ɔɔn, tsɔ̌ nyìŋ wɔ́b, á Nikodem, ńgwɔ́ nyìŋ gẅie à la gʉa ńgyá Yěsô. Á ńnéŋe tà ńgɔɔn né yetsɔ́ kwò yɔ́b ngie:

Matio 11:25

Yěsô gÿo ńgɔɔn ngie: Tá wɔ̀ɔn, Cʉ̀apʉ̀a, gù gẅie ɔ̀ sá’a tÿǒ lepwó mbɔɔ tsetsá’, mèŋ sǐe gú pá’ ɔ̀ keen ńnyɛ mɔɔn menò á mbwó mecʉ̀cʉ̀ŋ, ńdÿoon mbwó mengye pâ pʉ̀a pie é la zí’i.

Lukase 23:13

Mé lɔgɔ yé ńkúu wó, *Pilato tóŋ *metándá pànùŋe pwɔ́’, mbɔɔ pàsá’a lá’ lâ lá’,

Ŋwà’ne Jâŋ 3:1

Á gwaa gwɔ́ pú’u, atsɔ̌ nkěm pà Yuda gwɔ́ nà nùɔ Pà *farisay, mé tóŋo yé le Nikodem.

Ŋwà’ne Jâŋ 7:49

Anùɔ lá’ yɛ̂ gie á tè ŋwà’ne Ssé zsé, ée megàŋ ndòon.