Ŋwà’ne Jâŋ 7:31 - Nouveau Testament en Ngienboum

³¹ Lelÿò pʉ̀a tsɛ̀ɛ nùɔ lá’ ké ne ńzába ntʉ́m ná yé zǎb, ńne ńgɔɔn ngie, tà *Nzà’nkÿo ge gÿo tó gíŋe gÿo tsɔ́ menò mmɔɔn mmɔɔn tà e tɔ́g mie nyìŋ wɛ̂ ne ńgÿo la?

Ŋwà’ne Jâŋ 7:31 Referans Kwoze

Ŋwà’ne Jâŋ 12:42

Mé la tsɛ ne ńgwága Yěsô gwǎg tá’, tsɔ̌ lelÿò mekěm pà Yuda záb ntʉ́m ná yé. Tá ńgÿo pɔ́ ndyeen lyeen, ḿbɔ́gɔ pà *farisay léjwoŋo wɔ́b *ndá cú’tè.

Matio 12:23

Àlá’ ntsèm pú ńgyá ḿmɔɔn tɛ’, ńgɔɔn ngie: Ndyɛ̀’ tsɔ́ aa nyìŋ na ngẅɛ fùɔ Ndavíd wɛ̌.

Megàŋ ntúm 8:13

Mbɔɔ Símo ŋwɛ́ jú’, ńzẅíŋ yé, mé nu’u yé ntse. À tè gíŋe fó lejʉ́ŋ Filib sẅɛ’te nnɛ́ wɔ́, ńne ńgyá menò mmɔɔn mmɔɔn pâ ndaa gyá mie à lɔgɔ lezíŋ Ssé ńgÿo, é pú ńkʉ’ʉ yé tɛ’.

Ŋwà’ne Jâŋ 11:45

Lelÿò pà Yuda pie pɔ́ ně ńtóo mbʉ̀a pà Malîɛ, é pie pɔ́ gyǎ mmó gie Yěsô gÿǒ, záb ntʉ́m wɔ́b ná Yěsô.

Ŋwà’ne Jâŋ 9:16

Etsɔ́ ntá’ pà *farisay gɔɔn ngie, nyìŋ gẅie à gÿǒ yɛ̂ nò, e Ssé zɔ ka tè yé túm, á nue á kɔ’ɔ lyɛ’ɛ́ nzsè. Petsɔ́ pʉ̀a pɔ́b gɔɔn ngie, ńgwɔ́ nyìŋ tepòŋ gǎ tá ńgÿo yɛ̂ ntí menò mmɔɔn mmɔɔn? Afàgte leen ńké ńgwe tsetsɛ̀ɛ pɔ́b.

Ŋwà’ne Jâg 2:26

Ndʉŋ ndʉŋ pá’ Zẅìge lɔɔn tè ná mbùm nnɛ́ wɔ́, mbà e kwě la, lezǎb ntʉ́n nà Ssé, á lezáb gẅie mé té ne ńgyá mefà’ wɔ́, mbà wɛ̌ aa sẅɛ̀ɛ.

Ŋwà’ne Jâŋ 12:11

Ńgɔɔn pú’u, mélà’mie lelÿò pà Yuda ka fǒ pɔ́ nà nò Nǎzalo, ńcʉ́’ʉ ńkÿo wɔ́b kÿo, ńzába ntʉ́m pɔ́ ná Yěsô.

Ŋwà’ne Jâŋ 6:2

Alá’ ne ńcʉ́me nzèm yé tɛ’, á nue pʉ̀a la ne ńgyá menò mmɔɔn mmɔɔn mie à la ne ńgÿo nà megàŋa guɔ.

Ŋwà’ne Jâŋ 4:39

Á la fó nà shwóŋè manzwě ŋwɛ́ gẅie à la ne ńgɔɔn ngie: À shwoŋó wɔ̀ɔn kɔ̀ɔkɔ́ɔ gie n dǎ gÿo. Pʉ̀a Samalîɛ tà ńgyɔ́ɔn pie é laa ná yɛ̌ tÿǒsoŋ záb ntʉ́m ná Yěsô,

Ŋwà’ne Jâŋ 3:2

Á gÿo ńtó tsɔ̌ lêtsẅɛ́’, ńgyá Yěsô, ńgɔɔn né yé ngie: Tsítsà, peg zsě ngie e Ssé zɔ la túmo gú ngie ɔ̀ gʉa ńzí’i pʉ̀a mmó. Á nue à lɔɔn ńgwɔ́ nyìŋ le gÿo menò mmɔɔn mmɔɔn mie ɔ̀ gÿo lɛ̂ té gwɔ́ gie e Ssé zɔ túmo yé wɔ́.

Ŋwà’ne Jâŋ 2:11

Wɔɔn aa pá’ Yěsô la zye légÿo menò mmɔɔn mmɔɔn. Á laa Kána, á tsɛ̀ɛ pàga ngwòŋ Galilea, Yěsô lɔg pú’u, ńda’te legú’ we. *Ngàŋa kwò yé záb ntʉ́m ná yé.

Lukase 8:13

Ajʉ’ ye metóon é gwɔ́ pʉ̀a pie pɔ́ jú’u shwóŋè Ssé, ésẅɛte ńzẅíŋ nê lekág tá á té lyɛ menŋaŋ wɔ́, ńgwɔ́ pʉ̀a lyɛ̌’ɛ lá’, ngɔ́’ gwɔ́ tà ńtó, pɔ́ gwóon ńgwá’.

Ŋwà’ne Jâŋ 4:29

Pi tó ńgyá tsɔ̌ nyìŋ gẅie à shwoŋó wɔ̀ɔn menò ntsèm mie n da gÿǒ. Tà à tè gwɔ́ pɔ́ *Nzà’nkÿo wɔ́?

Ŋwà’ne Jâŋ 7:26

Yé wɛ̂, ńne shʉ̀ashʉ̀a ńgɔɔn nò, nyìŋ tě ńtsɔ́bɔ wɔ́. Ndyɛ̀’ pàsá’a lá’ pégè gyǎ ngie aa *Nzà’nkÿo nénʉ́.